ಬಿಹಾರ ಗೆದ್ದು ಬೀಗಿದ ಎನ್​ಡಿಎ

ಅತ್ಯಂತ ಕುತೂಹಲಕಾರಿ ಆಗಿದ್ದ ಬಿಹಾರ ವಿಧಾನಸಭಾ ಚುನಾವಣೆಯಲ್ಲಿ, ಕಡೆಗೂ ಎನ್​ಡಿಎ ಮೈತ್ರಿಕೂಟ ಭರ್ಜರಿ ಗೆಲುವನ್ನು ಸಾಧಿಸಿದೆ. ಈ ಮೂಲಕ ಮತ್ತೊಮ್ಮೆ ಬಿಹಾರದಲ್ಲಿ ಅಧಿಕಾರದ ಚುಕ್ಕಾಣಿ ಹಿಡಿದಿದೆ.

ಬಿಹಾರ ವಿಧಾನಸಭಾ ಚುನಾವಣೆಯಲ್ಲಿ ದಾಖಲೆಯ ಮತದಾನಕ್ಕೆ ಕಾರಣ ಯಾರು ಎಂಬ ಅನೇಕರ ಪ್ರಶ್ನೆಗೆ ಮೊದಲ ಉತ್ತರವೇ ಮಹಿಳಾ ಮತದಾರರು. 2.52 ಕೋಟಿ ಮಹಿಳಾ ಮತದಾರರು ವೋಟಿಂಗ್​ನಲ್ಲಿ ಭಾಗವಹಿಸಿದ್ದು, ಮತ್ತು ಅವರಲ್ಲಿ ಹೆಚ್ಚಿನವರು ಕೇಸರಿ ಮೈತ್ರಿಕೂಟದ ಬೆಂಬಲಿಸಿರುವುದು ವಿಶೇಷ.

ಬಿಹಾರ ಚುನಾವಣಾ ಪ್ರಚಾರದಲ್ಲಿ ಭಾಗವಹಿಸಿದ ಮೋದಿ, ಬಿಹಾರ ಮಣ್ಣಿನಿಂದ ಭಯೋತ್ಪಾದಕರಿಗೆ ಬಲವಾದ ಸಂದೇಶವನ್ನು ಕಳುಹಿಸಿದ್ದರು. ಅಮಾಯಕರನ್ನು ಬಲಿ ಪಡೆದ ಉಗ್ರರನ್ನು ಸದೆಬಡಿಯದೆ ಬಿಡುವುದಿಲ್ಲ ಎಂದು ಎಚ್ಚರಿಸಿದ್ದರು. ಇದು ಮತದಾರರಲ್ಲಿ ಸಕಾರಾತ್ಮಕ ಭಾವನೆಯನ್ನು ಹುಟ್ಟುಹಾಕಿತು.

ಒಂದು ಕೋಟಿ ಉದ್ಯೋಗಗಳು, ಮೆಗಾ ಕೌಶಲ್ಯ ಕೇಂದ್ರಗಳು, ಮಹಿಳೆಯರಿಗೆ ಎರಡು ಲಕ್ಷ ರೂ. ನೆರವು, 7 ಎಕ್ಸ್‌ಪ್ರೆಸ್‌ವೇಗಳು, 10 ವಿಮಾನ ನಿಲ್ದಾಣಗಳೊಂದಿಗೆ ರಾಜ್ಯದ ಸ್ವರೂಪವನ್ನು ಬದಲಾಯಿಸುವುದು, ಪಿಎಂ ಕಿಸಾನ್ ಮೂಲಕ ಎಂಎಸ್‌ಪಿ ಗ್ಯಾರಂಟಿ, 50 ಲಕ್ಷ ಮನೆಗಳು, ಉಚಿತ ವಿದ್ಯುತ್ ಸೇರಿದಂತೆ ಇವೆಲ್ಲವೂ, ಎಲ್ಲಾ ವರ್ಗಗಳನ್ನು ಮೆಚ್ಚಿಸಲು ಎನ್‌ಡಿಎ ಮೈತ್ರಿಕೂಟ ಕೊಟ್ಟ ಚುನಾವಣಾ ಭರವಸೆಗಳು ಮೈತ್ರಿಕೂಟದ ಗೆಲುವಿಗೆ ಪ್ಲಸ್ ಪಾಯಿಂಟ್‌ಗಳಾಗಿವೆ.