ನಭಾ ನಟೇಶ್ ನಯಾ ಲುಕ್​

ಸಾಂಪ್ರದಾಯಿಕ ಉಡುಗೆಗೆ ಬೋಲ್ಡ್​ ಟಚ್​ ನೀಡಿರುವ ನಟಿ ನಭಾ ನಟೇಶ್​ ಅವರ ಹೊಸ ಫೋಟೋಶೂಟ್​ ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸುತ್ತಿದೆ.

ನಟಿ ನಭಾ ನಟೇಶ್ ಅವರು ಅತ್ಯಂತ ಸಾಂಪ್ರದಾಯಿಕ ಶೈಲಿಯ ಲೆಹಂಗಾ ಧರಿಸಿ ಮಿಂಚುತ್ತಿದ್ದಾರೆ. ಗಾಢ ಕೆಂಪು ಮತ್ತು ಗೋಲ್ಡನ್ ಮಿಶ್ರಿತ ಬಣ್ಣದ ರೇಷ್ಮೆ ಲಂಗ ಹಾಗೂ ಅದಕ್ಕೆ ಹೊಂದುವ ಹೆವಿ ಎಂಬ್ರಾಯ್ಡರಿ ಮತ್ತು ಮಣಿಗಳಿಂದ ವಿನ್ಯಾಸಗೊಳಿಸಲಾದ ಬ್ಲೌಸ್ ಧರಿಸಿದ್ದಾರೆ.

ನಭಾ ನಟೇಶ್ ಮೂಲತಃ ಕರ್ನಾಟಕದ ಶೃಂಗೇರಿಯವರಾಗಿದ್ದು, 2015 ರಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ನಟನೆಯ 'ವಜ್ರಕಾಯ' ಚಿತ್ರದ 'ಪಟಾಕಾ ಪಾರ್ವತಿ' ಪಾತ್ರದ ಮೂಲಕ ಬೆಳ್ಳಿಪರದೆಗೆ ನಾಯಕಿಯಾಗಿ ಪರಿಚಯವಾದರು.

ಕನ್ನಡದ ನಂತರ ಟಾಲಿವುಡ್‌ಗೆ ಕಾಲಿಟ್ಟ ಇವರು, ನಿರ್ದೇಶಕ ಪುರಿ ಜಗನ್ನಾಥ್ ಅವರ 'ಇಸ್ಮಾರ್ಟ್ ಶಂಕರ್' ಚಿತ್ರದ 'ಚಾಂದಿನಿ' ಪಾತ್ರದ ಮೂಲಕ ಅಲ್ಲಿ ಅಪಾರ ಯಶಸ್ಸು ಮತ್ತು ಜನಪ್ರಿಯತೆಯನ್ನು ಗಳಿಸಿದರು.

ಯಶಸ್ಸಿನ ಉತ್ತುಂಗದಲ್ಲಿದ್ದಾಗ 2022 ರಲ್ಲಿ ಒಂದು ಭೀಕರ ಕಾರು ಅಪಘಾತಕ್ಕೆ ಒಳಗಾಗಿದ್ದರು. ಎಡ ಭುಜಕ್ಕೆ ಗಾಯಗಳಾಗಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದ ಇವರು, ದೀರ್ಘಕಾಲದ ವಿಶ್ರಾಂತಿಯ ನಂತರ ಸಂಪೂರ್ಣ ಗುಣಮುಖರಾಗಿದ್ದು, ಚಿತ್ರರಂಗದಲ್ಲಿ ಮತ್ತೆ ಬಿಜಿಯಾಗಿದ್ದಾರೆ.

ನಭಾ ನಟೇಶ್ ಅವರು ನಟನೆ ಮಾತ್ರವಲ್ಲದೆ ನೃತ್ಯದಲ್ಲೂ ಪ್ರವೀಣರಾಗಿದ್ದು, ವೃತ್ತಿಪರ ಭರತನಾಟ್ಯ ತರಬೇತಿ ಪಡೆದಿದ್ದಾರೆ. ಅವರ ಹೊಸ ಚಿತ್ರ 'ನಾಗಬಂಧಂ'ನಲ್ಲಿ ಇವರ ನೃತ್ಯ ಕೌಶಲ್ಯ ಪ್ರಮುಖ ಪಾತ್ರ ವಹಿಸಿದೆ.

ಇನ್‌ಸ್ಟಾಗ್ರಾಂ ಸೇರಿದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ಆಕ್ಟಿವ್ ಆಗಿರುವ ನಭಾ, ತಮ್ಮ ಗ್ಲಾಮರಸ್ ಹಾಗೂ ಸಾಂಪ್ರದಾಯಿಕ ಫೋಟೋಶೂಟ್‌ಗಳ ಮೂಲಕ ಸದಾ ಸುದ್ದಿಯಲ್ಲಿರುತ್ತಾರೆ ಮತ್ತು ಲಕ್ಷಾಂತರ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ.