ತಪ್ಪುಗಳೇ ಕಲಿಕೆಯ ಮೆಟ್ಟಿಲು! ತಪ್ಪು ಮಾಡಿದಾಗ ಬೈಯದೆ ಅವರಲ್ಲಿ ಪ್ರಶ್ನೆ ಕೇಳಿ, ಭರವಸೆ ತುಂಬಿ

ಮಗುವಿನ ಆತ್ಮವಿಶ್ವಾಸವು ಅವರು ಜೀವನದ ಸವಾಲುಗಳನ್ನು ಎದುರಿಸಲು ಬೇಕಾದ ಅಡಿಪಾಯವಾಗಿದೆ. ಪೋಷಕರಾಗಿ ನೀವು ಅವರಲ್ಲಿ ಧೈರ್ಯ ಮತ್ತು ಭರವಸೆಯನ್ನು ನಿಮ್ಮ ಮಕ್ಕಳಿಗೆ ತುಂಬುವುದು ಅವಶ್ಯಕವಾಗಿದೆ. ಹೇಗೆ ಮಾತನಾಡುತ್ತೀರಿ ಎಂಬುದನ್ನು ಮಗು ಗಮನಿಸುತ್ತದೆ. ನೀವು ನಿಮ್ಮ ಕೆಲಸಗಳಲ್ಲಿ ಆತ್ಮವಿಶ್ವಾಸದಿಂದ ಇದ್ದರೆ, ಮಗು ಅದನ್ನು ನೋಡಿಯೇ ಕಲಿಯುತ್ತದೆ.

ಮಗುವಿನ ಆತ್ಮವಿಶ್ವಾಸವು ಅವರು ಜೀವನದ ಸವಾಲುಗಳನ್ನು ಎದುರಿಸಲು ಬೇಕಾದ ಅಡಿಪಾಯವಾಗಿದೆ. ಪೋಷಕರಾಗಿ ನೀವು ಅವರಲ್ಲಿ ಧೈರ್ಯ ಮತ್ತು ಭರವಸೆಯನ್ನು ನಿಮ್ಮ ಮಕ್ಕಳಿಗೆ ತುಂಬುವುದು ಅವಶ್ಯಕವಾಗಿದೆ. ಹೇಗೆ ಮಾತನಾಡುತ್ತೀರಿ ಎಂಬುದನ್ನು ಮಗು ಗಮನಿಸುತ್ತದೆ. ನೀವು ನಿಮ್ಮ ಕೆಲಸಗಳಲ್ಲಿ ಆತ್ಮವಿಶ್ವಾಸದಿಂದ ಇದ್ದರೆ, ಮಗು ಅದನ್ನು ನೋಡಿಯೇ ಕಲಿಯುತ್ತದೆ.

ಮಗು ದೊಡ್ಡ ಗೆಲುವು ಸಾಧಿಸಿದಾಗ ಮಾತ್ರವಲ್ಲ, ಅವರು ಮಾಡುವ ಸಣ್ಣ ಸಣ್ಣ ಪ್ರಯತ್ನಗಳನ್ನೂ ಗುರುತಿಸಿ. ಫಲಿತಾಂಶಕ್ಕಿಂತ ಪ್ರಯತ್ನಕ್ಕೆ ಹೆಚ್ಚು ಬೆಲೆ ನೀಡಿ. ಮುಂದೆ ದೊಡ್ಡ ಸಾಧನೆಗೆ ಇದು ಮೆಟ್ಟಿಲಾಗುತ್ತದೆ.

ಮಗುವಿಗೆ ಅವರ ವಯಸ್ಸಿಗೆ ತಕ್ಕಂತೆ ಸಣ್ಣ ಸಣ್ಣ ಮನೆಗೆಲಸಗಳನ್ನು ನೀಡಿ. ಗಿಡಗಳಿಗೆ ನೀರು ಹಾಕುವುದು, ತಟ್ಟೆಗಳನ್ನು ಜೋಡಿಸುವುದು ಅಥವಾ ಅವರ ಬಟ್ಟೆಗಳನ್ನು ಮಡಚುವುದು. ಇದರಿಂದ ನನ್ನಿಂದಲೂ ಕೆಲಸ ಮಾಡಲು ಸಾಧ್ಯವಿದೆ ಎಂಬ ಸಾಮರ್ಥ್ಯದ ಭಾವನೆ ಅವರಲ್ಲಿ ಮೂಡುತ್ತದೆ.

ತಪ್ಪು ಮಾಡುವುದು ಕಲಿಕೆಯ ಒಂದು ಭಾಗ ಎಂಬುದು ಮಗುವಿಗೆ ತಿಳಿಯಲಿ. ಯಾವುದಾದರೂ ತಪ್ಪು ಮಾಡಿದಾಗ ಅವರನ್ನು ಬೈಯುವ ಬದಲು, "ಪರವಾಗಿಲ್ಲ, ಇದರಿಂದ ನಿನಗೆ ಏನು ಅರ್ಥವಾಯಿತು? ಮುಂದಿನ ಬಾರಿ ಇದನ್ನು ಹೇಗೆ ಸರಿಪಡಿಸಬಹುದು?" ಎಂದು ಕೇಳಿ. ಇದು ಸೋಲಿಗೆ ಹೆದರುವುದನ್ನು ತಪ್ಪಿಸುತ್ತದೆ.

ಮನೆಯಲ್ಲಿ ಅತಿಯಾಗಿ ಸಂಯಮದಿಂದ ಇರುವ ಮಕ್ಕಳಿಗೆ ಸಾಮಾನ್ಯವಾಗಿ ಆತ್ಮವಿಶ್ವಾಸ ಇರುವುದಿಲ್ಲ. ಅವರು ಇತರರ ಮುಂದೆ ಮಾತನಾಡಲು ಮುಜುಗರಪಡುತ್ತಾರೆ ಮತ್ತು ಹಿಂಜರಿಯುತ್ತಾರೆ. ಅಂತಹ ಸಂದರ್ಭಗಳಲ್ಲಿ, ಮಕ್ಕಳು ಮುಕ್ತವಾಗಿ ಮಾತನಾಡಲು ಪ್ರೋತ್ಸಾಹಿಸಿ. ಮಗುವು ನಿಮ್ಮ ಮುಂದೆ ಮಾತನಾಡಿದಾಗ, ಅವರ ಮಾತನ್ನು ಆಲಿಸಿ ಮತ್ತು ಅವರು ಏನಾದರೂ ತಪ್ಪು ಹೇಳಿದರೆ, ಅವರನ್ನು ಪ್ರೀತಿಯಿಂದ ಸರಿಪಡಿಸಿ