ಹಲ್ಲು ಬಿಟ್ಟ 'ಲಕ್ಕಿ ಭಾಸ್ಕರ'ನ ಹುಡ್ಗಿ

ಮಾಲಿವುಡ್​ ಖ್ಯಾತಿಯ ನಟ ದುಲ್ಕರ್​ ಸಲ್ಮಾನ್​ ಅಭಿನಯದ ಲಕ್ಕಿ ಭಾಸ್ಕರ್​ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಚಿರಪರಿಚಿತರಾದ ಮೀನಾಕ್ಷಿ ಚೌಧರಿಗೆ ಟಾಲಿವುಡ್​ ಅಲ್ಲದೇ ಕಾಲಿವುಡ್​ನಲ್ಲಿಯೂ ಸಾಕಷ್ಟು ಅವಕಾಶಗಳು ಕೇಳಿ ಬರುತ್ತಿವೆ. ಇತ್ತೀಚೆಗೆ ಸಾದಾ ಸೀದಾ ಹುಡುಗಿಯಂತೆ ಪೋಸ್ ಕೊಟ್ಟು ಹಂಚಿಕೊಂಡಿರುವ ಫೋಟೋ ನೆಟ್ಟಿಗರ ಮನ ಗೆದ್ದಿದೆ.

ವೃತ್ತಿಯಲ್ಲಿ ಡೆಂಟಿಸ್ಟ್​ ಆಗಿರುವ ಮೀನಾಕ್ಷಿ ಹೀ ಎಂದು ಹಲ್ಲು ಗಿಂಜುತ್ತ ಕ್ರೀಂ, ಗ್ರೀನ್​ ಮಿಶ್ರಿತ ಪ್ರಿಂಟೆಡ್​ ಸಿಂಪಲ್​ ಕುರ್ತಾ ಧರಿಸಿ ಮಿಂಚಿದ್ದಾರೆ. ನಾನು ಮತ್ತು ನನ್ನ ಮನಸ್ಥಿತಿ ಹಾಗೂ ನನಗೆ ಪ್ರತಿ ಬಾರಿ ಜೊತೆಯಾಗುವ ರಬ್ಬರ್​ ಬ್ಯಾಂಡ್​ ಎಂದು ಶೀರ್ಷಿಕೆ ಕೊಟ್ಟಿದ್ದಾರೆ. ಬಹಳ ಚೆನ್ನಾಗಿದ್ದೀರಾ ಎಂದು ಫ್ಯಾನ್ಸ್ ಕಾಮೆಂಟ್ ಮಾಡಿದ್ದಾರೆ

ರಾಣಾ ದಗ್ಗುಬಾಟಿಯವರ ಕಾರ್ಯಕ್ರಮವೊಂದರಲ್ಲಿ ಹಲ್ಲು ಉಜ್ಜುವ ಬಗ್ಗೆ ಮತ್ತು ಡೆಂಟಿಸ್ಟ್ ಆದ ಮೇಲೆ ಸಾಮಾನ್ಯವಾಗಿ ​ಎಲ್ಲರ ಹಲ್ಲನ್ನು ಹೇಗೆ ಗಮನಿಸುತ್ತಾರೆ ಎನ್ನುವ ಬಗ್ಗೆ ಹೇಳಿಕೊಂಡು ನಗಾಡಿದ್ದರು. ಇದೊಂದು ಸಾಮಾನ್ಯ ರೋಗವಿದ್ದಂತೆ ಎಂದು ಹೇಳಿದ್ದರು.

ಮಟ್ಕ, ಲಕ್ಕಿ ಭಾಸ್ಕರ್​ ಹಿಟ್​ ದಿ ಸೆಕೆಂಡ್ ಕೇಸ್, ಸಂಕ್ರಾಂತಿಕಿ ವಸ್ತುನ್ನಾಮುಮ ಗುಂಟೂರು ಖಾರಂ, ಕಿಲಾಡಿ, ಅನಗನಗ ಒಕ ರಾಜು, ಹತ್ಯಾ, ಮೆಕ್ಯಾನಿಕ್​ ರಾಕಿ, ಗೋಟ್​ ಸೇರಿದಂತೆ ಹಲವು ಸಿನಿಮಾದಲ್ಲಿ ನಟಿಸಿದ್ದಾರೆ.

ನಟ ಕಾರ್ತಿ ಅವರ ವೃತ್ತಿಜೀವನದ 30ನೇ ಚಿತ್ರ ಕಾರ್ತಿ 30' ಸಿನಿಮಾಗೆ ನಾಯಕಿಯಾಗಿದ್ದಾರೆ. ಪ್ರಸ್ತುತ ಹೈದರಾಬಾದ್‌ನಲ್ಲಿ ಚಿತ್ರದ ಮೊದಲ ಶೆಡ್ಯೂಲ್‌ನ ಚಿತ್ರೀಕರಣ ಭರದಿಂದ ಸಾಗುತ್ತಿದ್ದು, ಚಿತ್ರದ ಪ್ರಮುಖ ಸನ್ನಿವೇಶಗಳನ್ನು ಅಲ್ಲಿ ಸೆರೆಹಿಡಿಯಲಾಗುತ್ತಿದೆ.

2018ರ ಮಿಸ್​ ಇಂಡಿಯಾ ಸ್ಪರ್ಧೆಯಲ್ಲಿ ಮಿಸ್​ ಗ್ರ್ಯಾಂಡ್​​ ಇಂಡಿಯಾ ನಂತರ ಮಿಸ್​ ಗ್ರ್ಯಾಂಡ್ ಇಂಟರ್​ ನ್ಯಾಷನಲ್ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಿ, ಟಾಪ್​ 5 ಆಯ್ಕೆಯಲ್ಲಿ ರನರ್​ ಅಪ್​ ಆಗಿದ್ದರು