ನೀವು ನೋಡಲೇ ಬೇಕಾದ 5 ಮಲಯಾಳಂ ಸಿನಿಮಾಗಳಿವು

ಇತ್ತೀಚೆಗೆ ದಕ್ಷಿಣ ಭಾರತದ ಸಿನಿಮಾರಂಗದಲ್ಲಿ ನಟಿಯರನ್ನು ಐಟಂ ಗರ್ಲ್​ನಂತೆ ಬಿಂಬಿಸಲಾಗುತ್ತಿದೆ ಎನ್ನುವ ಆಕ್ಷೇಪ ವ್ಯಕ್ತವಾಗುತ್ತಿದೆ, ಆದರೆ, ನೀವು ಮಾಲಿವುಡ್​ ಸಿನಿಮಾದಲ್ಲಿ ಇಂತ ಯಾವುದೇ ಸಮಸ್ಯೆಗಳನ್ನು ಕಾಣೋದಿಲ್ಲ. ಕಡಿಮೆ ವೆಚ್ಚದಲ್ಲಿ ಮನಸ್ಸಿಗೆ ನಾಟುವ ಕತೆ, ಕ್ಷಣ ಕ್ಷಣಕ್ಕೂ ಥ್ರಿಲ್​ ನೀಡುವ ದೃಶ್ಯಗಳು ಇದರಲ್ಲಿರುತ್ತದೆ. ಮಲಯಾಳಂ ಸಿನಿಮಾಗಳನ್ನು ನೆಚ್ಚಿಕೊಳ್ಳದೇ ಇರುವವರಿಲ್ಲ ಇದಕ್ಕೆ ಉದಾಹರಣೆ ದೃಶ್ಯಂ ಹಾಗೂ ಆವೇಶಂ, ಬ್ಯಾಂಗ್ಲೂರ್​ ಡೈರೀಸ್ ಸೇರಿದಂತೆ ಹಲವು..

ಅಂಟೆ ಸುಂದರಾನಿಕಿ ಸಿನಿಮಾ ನಂತರ ನಜ್ರಿಯಾ ಅವರು ಯಾವ ಸಿನಿಮಾದಲ್ಲೂ ಕಾಣಿಸಿಕೊಂಡಿರಲಿಲ್ಲ. ಅವರು ಮತ್ತೆ ಕಂಬ್ಯಾಕ್ ಆಗಿದ್ದು ಸೂಕ್ಷ್ಮ ದರ್ಶಿನಿ ಸಿನಿಮಾ ಮೂಲಕ ಈ ಸಿನಿಮಾವನ್ನು ಎಂಸಿ ಜಿತಿನ್​ ನಿರ್ದೇಶಿಸಿದ್ದು, ಕಾಮಿಡಿ ಹಾಗೂ ಗಂಭೀರ ದೃಶ್ಯಗಳಲ್ಲಿ ತೆರೆದುಕೊಳ್ಳುವ ಸಿನಿಮಾವಾಗಿದೆ. ಇದು ಥ್ರಿಲ್ಲರ್​ ಸಿನಿಮಾವಾಗಿದ್ದು, ಒಮ್ಮೆ ನೋಡಿದರೆ ಹೆಚ್ಚು ಕಾಡುತ್ತದೆ.

ಜಯ ಜಯ ಜಯ ಹೇ ಸಿನಿಮಾವನ್ನು ವಿಪಿನ್​ ದಾಸ್ ಅವರು ನಿರ್ದೇಶಿಸಿದ್ದಾರೆ. ಇದರಲ್ಲಿ ಬೇಸಿಲ್​ ಜೋಸೆಫ್​, ದರ್ಶನ ರಾಜೇಂದ್ರನ್​ ನಟಿಸಿದ್ದಾರೆ. ಪುರುಷಾಧಿಪತ್ಯವನ್ನು ಒಬ್ಬ ಮಹಿಳೆ ಹೇಗೆ ಎದುರಿಸಿ ಗಟ್ಟಿಯಾಗಿ ನಿಲ್ಲುತ್ತಾಳೆ ಎನ್ನುವುದು ಸಿನಿಮಾದ ಕತೆಯ ಹಂದರ. ಕಾಮಿಡಿ ಹಾದಿಯಲ್ಲಿ ಗಂಭೀರ ವಿಚಾರವನ್ನು ತೆರೆದಿಡುತ್ತದೆ. ಗಂಡನ ತೀವ್ರ ಸಿಟ್ಟು, ಒಡೆತನದಿಂದ ತಪ್ಪಿಸಿಕೊಳ್ಳಲು ಯೂಟ್ಯೂಬ್​ನಲ್ಲಿ ಕರಾಟೆ ಹೇಗೆ ಕಲಿಯುತ್ತಾಳೆ ಎನ್ನುವ ಸೀನ್​ ಅದ್ಭುತವಾಗಿದೆ. ಯಾವುದೇ ಲಕ್ಷ್ಯುರಿ ಖರ್ಚುಗಳಿಲ್ಲದೆ ಸಿನಿಮಾವನ್ನು ಅಚ್ಚುಕಟ್ಟಾಗಿ ಕಟ್ಟಿಕೊಟ್ಟಿದ್ದಾರೆ.

2016ರಲ್ಲಿ ರಿಲೀಸ್​ ಆದ ಈ ಸಿನಿಮಾ ಈಗಲೂ ಹಿಟ್​​ ಲಿಸ್ಟ್​ನಲ್ಲಿ ನಿಲ್ಲುತ್ತದೆ. ಕೇರಳದ ಇಡುಕ್ಕಿ ಎಂಬ ಜಿಲ್ಲೆಯ ಪ್ರಕೃತಿ ಸೌಂದರ್ಯ, ಜನರ ನಿತ್ಯ ಜೀವನ ಚಿತ್ರದರ ಸರಳ ದೃಶ್ಯಗಳು ಶ್ರೀಮಂತವಾಗಿ ಕಾಣುತ್ತದೆ. ಈ ಸಿನಿಮಾವನ್ನು ದಿಲೀಶ್ ಪೋಥನ್ ನಿರ್ದೇಶಿಸಿದ್ದು, ಫಹಾದ್​ ಫಾಸಿಲ್​ ಮುಖ್ಯಭೂಮಿಕೆಯಲ್ಲಿದ್ದಾರೆ.

ದಿಲೀಶ್ ಪೋಥನ್ ನಿರ್ದೇಶಿಸಿರುವ ಈ ಸಿನಿಮಾವು ಪ್ರಕೃತಿಯನ್ನು ನೆಚ್ಚಿಕೊಳ್ಳುವವರಿಗಂತು ಇಷ್ಟದ ಸಿನಿಮಾವಾಗಿ ಕಾಡುತ್ತದೆ. ಸಿನಿಮಾ ಮುಗಿದ ನಂತರವೂ ಕೆಲವೊಂದು ಸೀನ್​ಗಳು ಕಣ್ಣುಕಟ್ಟುವಂತೆ ಮಾಡುತ್ತದೆ. ಸಿನಿಮಾದಲ್ಲಿ ಫಹಾದ್​ ಫಾಸಿಲ್​, ಸೌಬಿನ್​, ಅನ್ನಾ ಬೆನ್​ ಸೇರಿದಂತೆ ಘಟಾನುಘಟಿಗಳು ನಟಿಸಿದ್ದಾರೆ, ಒಬ್ಬನ ಪ್ರೀತಿಗಾಗಿ ದ್ವೇಷದಲ್ಲೇ ಕಾದಾಡುವ ಅಣ್ಣತಮ್ಮಂದಿರು ಒಂದಾಗುವ ಪರಿ ಚೆನ್ನಾಗಿ ಕಟ್ಟಿಕೊಟ್ಟಿದ್ದಾರೆ.

ಇತ್ತೀಚೆಗೆ ರಿಲೀಸ್​ ಆದ ಸಿನಿಮಾ ನೆರಿವೆಟ್ಟವನ್ನು ನಿರ್ದೇಶಿಸಿದ್ದು ಅನುರಾಜ್ ಮನೋಹರ್. ಟೊವಿನೋ ಥಾಮಸ್​ ಸಿನಿಮಾದಲ್ಲಿ ಮುಖ್ಯಪಾತ್ರವಹಿಸಿದ್ದಾರೆ. ಆದಿವಾಸಿ ಸಮುದಾಯದ ಜನರು ತಮ್ಮ ಭೂಮಿ ಮತ್ತು ಘನತೆಗಾಗಿ ನಿರಂತ ನಡೆಸುವ ಹೋರಾಟ ಹಾಗೂ ಅಧಿಕಾರದಲ್ಲಿರುವವರಿಂದ ನಡೆಯುವ ಅನ್ಯಾಯವನ್ನು ಈ ಸಿನಿಮಾದಲ್ಲಿ ತೋರಿಸಲಾಗಿದೆ.