ಇಟಲಿಯಲ್ಲಿ ಖುಷಿ!

ಖುಷಿ ಕಪೂರ್ ಇವರು ಬಾಲಿವುಡ್‌ನ ದಿಗ್ಗಜ ನಟಿ ದಿ. ಶ್ರೀದೇವಿ ಮತ್ತು ಖ್ಯಾತ ಚಲನಚಿತ್ರ ನಿರ್ಮಾಪಕ ಬೋನಿ ಕಪೂರ್ ಅವರ ಕಿರಿಯ ಮಗಳಾಗಿದ್ದಾರೆ. ಇತ್ತೀಚೆಗೆ ಇವರು ಇಟಲಿ ದೇಶದ ಪ್ರವಾಸದಲ್ಲಿದ್ದು, ಕೆಲವೊಂದಿಷ್ಟು ಫೋಟೊಗಳನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ

ಖುಷಿ ಕಪೂರ್ ಅವರು 2023 ರಲ್ಲಿ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾದ ಜೋಜೋ ಅಖ್ತರ್ ಅವರ 'ದಿ ಆರ್ಚೀಸ್' ಚಿತ್ರದ ಮೂಲಕ ಹಿಂದಿ ಚಿತ್ರರಂಗಕ್ಕೆ ಅಧಿಕೃತವಾಗಿ ಕಾಲಿಟ್ಟರು.

ಸಿನಿಮಾರಂಗಕ್ಕೆ ಪ್ರವೇಶಿಸುವ ಮುನ್ನ ಖುಷಿ ಕಪೂರ್ ಅವರು ನ್ಯೂಯಾರ್ಕ್ ಸಿಟಿಯಲ್ಲಿರುವ ಪ್ರತಿಷ್ಠಿತ ನ್ಯೂಯಾರ್ಕ್ ಫಿಲ್ಮ್ ಅಕಾಡೆಮಿ ಯಲ್ಲಿ ನಟನೆಯಲ್ಲಿ ಒಂದು ವರ್ಷದ ಕೋರ್ಸ್ ಪೂರ್ಣಗೊಳಿಸಿ ತರಬೇತಿ ಪಡೆದಿದ್ದಾರೆ.

ಇವರ ಕುಟುಂಬದಲ್ಲಿ ನಟನೆಯ ಹಿನ್ನೆಲೆ ದೊಡ್ಡದಿದೆ. ಖುಷಿ ಅವರ ಹಿರಿಯ ಸಹೋದರಿ ಜಾನ್ವಿ ಕಪೂರ್ ಕೂಡ ಬಾಲಿವುಡ್‌ನ ಯಶಸ್ವಿ ನಟಿಯಾಗಿದ್ದಾರೆ. ಹಾಗೆಯೇ ನಟರಾದ ಅನಿಲ್ ಕಪೂರ್ ಮತ್ತು ಸಂಜಯ್ ಕಪೂರ್ ಇವರ ಚಿಕ್ಕಪ್ಪಂದಿರಾಗಿದ್ದಾರೆ.

'ದಿ ಆರ್ಚೀಸ್' ಚಿತ್ರದ ಬಳಿಕ, ಅವರು 2025 ರಲ್ಲಿ ಬಿಡುಗಡೆಯಾದ 'ಲವ್ಯಾಪ' ಹಾಗೂ 'ನಾಡಾನಿಯಾನ್' ಮುಂತಾದ ರೋಮ್ಯಾಂಟಿಕ್ ಕಾಮಿಡಿ ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ನಟನೆಯ ಜೊತೆಗೆ ಉತ್ತಮ ಫ್ಯಾಷನ್ ಸೆನ್ಸ್ ಹೊಂದಿರುವ ಖುಷಿ ಕಪೂರ್, ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟಿವ್ ಆಗಿರುತ್ತಾರೆ. ಅಲ್ಲದೆ, ಇವರು ಮಿಂತ್ರಾ (Myntra) ಮತ್ತು ಸೋಲ್ ಡಿ ಜನೈರೋ (Sol de Janeiro) ಸೇರಿದಂತೆ ಪ್ರಮುಖ ಬ್ರ್ಯಾಂಡ್‌ಗಳಿಗೆ ರಾಯಭಾರಿಯಾಗಿದ್ದಾರೆ.