ಅಸ್ಸಾಂ ಸುಂದರಿ ಕಯಾದು!

ತಮಿಳಿನ ಸೂಪರ್​ ಹಿಟ್​ ಸಿನಿಮಾ ಡ್ರ್ಯಾಗನ್​ ಮೂಲಕ ಸಿನಿರಸಿಕರ ಹೃದಯ ಕದ್ದ ನಟಿ ಕಯಾದು ಲೋಹರ್​ ಅವರ ಹೊಸ ಫೋಟೋಶೂಟ್​ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ.

ಇತ್ತೀಚಿನ ಫೋಟೋಶೂಟ್​ನಲ್ಲಿ ಕಯಾದು ಅವರು ಡೀಪ್ ಬ್ರೌನ್ ಬಣ್ಣದ ಶೀರ್ ಸೀರೆ ಧರಿಸಿದ್ದು, ಅದಕ್ಕೆ ಮ್ಯಾಚಿಂಗ್ ಆಗಿ ಚಿನ್ನದ ಕಸೂತಿ ಇರುವ ಬ್ಲೌಸ್ ಧರಿಸಿ ಕಂಗೊಳಿಸಿದ್ದಾರೆ.

ಸುಂದರ ಉಡುಪಿಗೆ ತಕ್ಕಂತೆ ಆಕರ್ಷಕ ಸ್ಟೇಟ್‌ಮೆಂಟ್ ಚೋಕರ್ ಧರಿಸಿ, ಮುಖದ ಅಂದವನ್ನು ಹೆಚ್ಚಿಸುವ ಮೃದುವಾದ ಅಲೆಅಲೆಯಾದ (ಸಾಫ್ಟ್ ವೇವ್ಸ್) ಕೇಶವಿನ್ಯಾಸದಲ್ಲಿ ಮಿಂಚಿದ್ದಾರೆ.

ಕಯಾದು ಲೋಹರ್ ಅವರು ಜನವರಿ 11, 2000 ರಂದು ಅಸ್ಸಾಂನ ತೀನ್ಸುಕಿಯಾ ದಲ್ಲಿ ಜನಿಸಿದರು. ಇವರು ಮೂಲತಃ ಮಹಾರಾಷ್ಟ್ರದವರು.

ಇವರು ಮಾಡೆಲಿಂಗ್ ವೃತ್ತಿಜೀವನದ ಮೂಲಕ ತಮ್ಮ ಪಯಣವನ್ನು ಪ್ರಾರಂಭಿಸಿ, 2021 ರಲ್ಲಿ ತೆರೆಕಂಡ ಕನ್ನಡ ಸಿನಿಮಾ ಮುಗಿಲ್​ಪೇಟೆ ಮೂಲಕ ಸಿನಿಮಾರಂಗಕ್ಕೆ ಪದಾರ್ಪಣೆ ಮಾಡಿದರು.

ಕನ್ನಡ ಮತ್ತು ಮಲಯಾಳಂ ಮಾತ್ರವಲ್ಲದೆ, ಇವರು 'ಅಲ್ಲು ರಾಮಚಂದ್ರನ್' (ಮಲಯಾಳಂ) ಹಾಗೂ ತಮಿಳು ಚಿತ್ರರಂಗದಲ್ಲೂ ನಟಿಸುವ ಮೂಲಕ ದಕ್ಷಿಣ ಭಾರತದ ವಿವಿಧ ಭಾಷೆಗಳಲ್ಲಿ ಗುರುತಿಸಿಕೊಂಡಿದ್ದಾರೆ.

ಸಿನಿಮಾಗಳ ಜೊತೆಗೆ ಸಾಮಾಜಿಕ ಜಾಲತಾಣಗಳಲ್ಲಿಯೂ ಸದಾ ಸಕ್ರಿಯವಾಗಿರುವ ಕಯಾದು, ಆಗಾಗ್ಗೆ ತಮ್ಮ ಅತ್ಯಾಕರ್ಷಕ ಮತ್ತು ಗ್ಲಾಮರಸ್ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಿದ್ದಾರೆ.