ಕೇನ್ಸ್​ನಲ್ಲಿ ಜಾಕ್ವೆಲಿನ್​ ಹಾಟ್​ ಅವತಾರ

ಕೇನ್ಸ್​ನಲ್ಲಿ ಭಾರತೀಯ ಸಿನಿಮಾ ರಂಗದ ನಟಿಯರು ತರಹೇವಾರಿ ರೀತಿಯಲ್ಲಿ ಗೌನ್​ ತೊಟ್ಟು ಮಿಂಚುತ್ತಿದ್ದಾರೆ. ಆದರೆ ಜಾಕ್ವೆಲಿನ್​ ಫರ್ನಾಂಡೀಸ್ ಮಾತ್ರ ತಮ್ಮದೇ ಶೈಲಿಯಲ್ಲಿ ಕಪ್ಪು ಬಣ್ಣದ ಸ್ಟ್ರಾಪ್​ಲೆಸ್​​ ಮಿನಿ ತೊಟ್ಟು, ಅದಕ್ಕೊಪ್ಪುವ ಆಭರಣ ಧರಿಸಿ ಹಾಟ್​ ಹಾಗಿ ಕಾಣಿಸಿಕೊಂಡಿದ್ದಾರೆ.

ಜಾಕ್ವೆಲಿನ್​ ಅವರು 79ನೇ ಕೇನ್ಸ್​​ನ ಅತ್ಯಂತ ಐಷಾರಾಮಿ ಕಾರ್ಯಕ್ರಮಗಳಲ್ಲಿ ಒಂದಾದ ಮಿರಾಕಲ್ಸ್​ ಗಾಲಾಕ್ಕೆ ಆಹ್ವಾನಿತರಾದ ಮೊಟ್ಟ ಮೊದಲ ಭಾರತೀಯ ತಾರೆಯಾಗಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಚೋಪಾರ್ಡ್​ನ ರೆಡ್​ ಕಾರ್ಪೆಟ್​ ಹೈ ಜ್ಯುವೆಲ್ಲರಿ ಮತ್ತು ಕರೋಲಿನ್​ ಕೌಚರ್​ ಅನಾವರಣಗೊಳ್ಳುತ್ತದೆ. ಇದ್ರಲ್ಲಿ ಭಾರತವನ್ನು ಪ್ರತಿನಿಧಿಸಿ ವಜ್ರದ ಆಭರಣವನ್ನು ಪ್ರದರ್ಶಿಸಿದರು.

ಕ್ಯಾರೋಲಿನ್​ ಕೌಚರ್​ನ ಸ್ಟ್ರಾಪ್​ಲೆಸ್ ಬ್ಲಾಕ್​ ಸಿಲೂಯೆಟ್ ಡ್ರೆಸ್​​​ ಧರಿಸಿದ್ದ ಅವರು ಚಕ್ಕುಲಿಯಂತೆ ಸುರುಳಿ ಸುತ್ತಿದಂತೆ ಕಾಣುವ ವಜ್ರದ ಓಲೆ ಹಾಗೂ ಒಂದು ಮಣಿ ಕಟ್ಟಿನ ವಜ್ರದ ಸಣ್ಣ ನೆಕ್ಲೇಸ್, ಕೈಯಲ್ಲಿ ಸುರುಳಿ ಸುತ್ತಿದ ಬಳೆ ಅವರ ಸೌಂದರ್ಯವನ್ನು ಪೂರ್ಣಗೊಳಿಸಿತು.

ಜಾಕ್ವೆಲಿನ್ ಅವರು 2022ರಲ್ಲಿ ರಿಲೀಸ್ ಆಗಿದ್ದ ವಿಕ್ರಾಂತ್​ ರೋಣ ಸಿನಿಮಾದ ರಾರಾ ರಕ್ಕಮ್ಮ ಸಿನಿಮಾದಲ್ಲಿ ಜನಪ್ರಿಯ ಹಾಡಾದ ರಾರಾ ರಕ್ಕಮ್ಮ ಹಾಡಿಗೆ ಹೆಜ್ಜೆ ಹಾಕಿದ್ದರು. ಈ ಹಾಡನ್ನು ಅನೂಪ್​ ಭಂಡಾರಿ ಬರೆದಿದ್ದು, ಅಜನೀಶ್ ಲೋಕ್​ನಾಥ್​ ಸಂಗೀತ ಸಂಯೋಜಿಸಿದ್ದರು.

200 ಕೋಟಿ ರೂ ಅಕ್ರಮ ಹಣ ವರ್ಗಾವಣೆ ಕೇಸ್​ ವಿಚಾರವಾಗಿ ಜಾಕ್ವೆಲಿನ್​ ಫರ್ನಾಂಡಿಸ್ ಅವರು ಸುದ್ದಿಯಲ್ಲಿದ್ದಾರೆ. ವಂಚಕ ಸುಕೇಶ್​ ಚಂದ್ರಶೇಖರ್​ ಜೊತೆಗಿನ ನಣಟಿನ ಕಾರಣಕ್ಕೆ ಅವರು ಇಂದಿಗೂ ಜಾರಿ ನಿರ್ದೇಶನಾಲಯದ ವಿಚಾರಣೆಯನ್ನು ಎದುರಿಸುತ್ತಿದ್ದಾರೆ.

ಹೌಸ್​ಫುಲ್​ 1,2,3 ಭಾಗಗಳಲ್ಲಿ ಜಾಕ್ವೆಲಿನ್​ ನಟಿಸಿದ್ದಾರೆ. ಮರ್ಡರ್​2 ಹಾಗೂ ಕಿಕ್​​​ ವೆಲ್ಕಂ ಟು ದಿ ಜಂಗಲ್​, ರೇಸ್​2, ಎ ಜೆಂಟಲ್​ ಮೆನ್​, ರಾಯ್​​, ರಾಮ್​ ಸೇತಿ, ಬ್ರದರ್ಸ್​​, ಬಾಗಿ, ಸಾಹೋ, ಸೆಲ್ಫಿ ಸಿನಿಮಾದಲ್ಲಿ ಮಿಂಚಿದ್ದಾರೆ. ಸ್ಯಾಂಡಲ್​ವುಡ್​ನಲ್ಲಿ ಅವರ ರಾರಾ ರಕ್ಕಮ್ಮ ಹಾಡಿನಿಂದ ಚಿರಪರಿಚಿತರಾದರು.