ಮದ್ವೆಗೆ 2 ತಿಂಗಳು ಬಾಕಿ ಇದ್ಯಾ? ಈ 5 ವಿಚಾರಕ್ಕೆ ಗಮನ ಕೊಡಿ..

ಮದುವೆಯ ಸಿದ್ಧತೆಯಲ್ಲಿ ಆರೋಗ್ಯವನ್ನು ನಿರ್ಲಕ್ಷಿಸಬಾರದು, ಆರೋಗ್ಯವಾಗಿರಲು ಈ ನಿಯಮಿತವಾಗಿ ಕೆಲವು ಅಭ್ಯಾಸಗಳನ್ನು ಅನುಸರಿಸಬೇಕು. ಮದುವೆಗೆ ಇನ್ನೇನು ಕೆಲವು ದಿನ ಮಾತ್ರ ಬಾಕಿ ಇದೆ ಎಂದರೆ ಆರೋಗ್ಯದ ಕಾಳಜಿ ಮುಖ್ಯವಾಗಿದೆ.

ಪ್ರತಿದಿನ ಅರ್ಧ ಲೀಟರ್ ಹಾಲು ಅಥವಾ ಮೊಸರು, ಎರಡು ಕಪ್ ತರಕಾರಿಗಳು, ಎರಡು ರೀತಿಯ ಹಣ್ಣುಗಳು ಮತ್ತು ಮೊಳಕೆಯೊಡೆದ ಬೀಜಗಳನ್ನು ನಿಮ್ಮ ಆಹಾರದ ಭಾಗವಾಗಿಸಿ. ಸಿಹಿತಿಂಡಿಗಳು ಮತ್ತು ಜಂಕ್ ಫುಡ್‌ಗಳಿಂದ ದೂರವಿರಬೇಕು. ಇದರೊಂದಿಗೆ, ನೀವು ದಿನಕ್ಕೆ ಕನಿಷ್ಠ ಎರಡೂವರೆ ರಿಂದ ಮೂರು ಲೀಟರ್ ನೀರು ಕುಡಿಯಬೇಕು. ರಾಗಿ, ಜೋಳ, ಸಜ್ಜೆ, ಸಣ್ಣ ಧಾನ್ಯಗಳ ಆಹಾರ ಸೇವಿಸಿ. ದಾಳಿಂಬೆ, ಪಪ್ಪಾಯಿ, ಕಲ್ಲಂಗಡಿ ಸೇವಿಸಿದರೆ, ಅವುಗಳಲ್ಲಿರುವ ಉತ್ಕರ್ಷಣ ನಿರೋಧಕಗಳು ಚರ್ಮದ ಸೌಂದರ್ಯವನ್ನು ಸುಧಾರಿಸುತ್ತದೆ.

ಕನಿಷ್ಠ ಅರ್ಧ ಗಂಟೆಯಿಂದ ಒಂದು ಗಂಟೆ ವ್ಯಾಯಾಮ ಮಾಡುವುದು ಕಡ್ಡಾಯವಾಗಿದೆ. ವ್ಯಾಯಾಮವು ನಿಮ್ಮ ತೂಕವನ್ನು ನಿಯಂತ್ರಣದಲ್ಲಿಡುವುದಲ್ಲದೆ ನಿಮ್ಮ ಚರ್ಮಕ್ಕೆ ಉತ್ತಮ ಹೊಳಪನ್ನು ನೀಡುತ್ತದೆ.

ಸಮಯಕ್ಕೆ ಸರಿಯಾಗಿ ನಿದ್ರೆ ಮಾಡುವುದು ಬಹಳ ಮುಖ್ಯ. ನೀವು ಕನಿಷ್ಠ ಏಳರಿಂದ ಎಂಟು ಗಂಟೆಗಳ ಕಾಲ ನಿದ್ರೆ ಮಾಡಬೇಕು.

ದಿನನಿತ್ಯ ಸನ್‌ಸ್ಕ್ರೀನ್ ಬಳಸಿ, ಮೇಕಪ್ ತೆಗೆದು ಮಲಗಿ. ಸಹಜ ಮಾಸ್ಕ್‌ಗಳನ್ನು ಬಳಸಿ (ಉದಾ: ತುಪ್ಪ-ಜೇನುತುಪ್ಪ ಅಥವಾ ಮುಲ್ತಾನಿ ಮಿಟ್ಟಿ) ಬಳಕೆ ಮಾಡಿ.

ಮದುವೆಗೆ ಮುಂಚೆ ದಂಪತಿ ಆರೋಗ್ಯ ಪರೀಕ್ಷೆ (ಪ್ರೀ-ಮ್ಯಾರಿಟಲ್ ಚೆಕಪ್) ಮಾಡಿಸಿಕೊಳ್ಳಿ. ರಕ್ತ ಪರೀಕ್ಷೆ, ಥಲಸ್ಸೇಮಿಯಾ ಮುಂತಾದವುಗಳನ್ನು ಪರೀಕ್ಷಿಸಿ – ಇದು ಭವಿಷ್ಯದ ಸಮಸ್ಯೆಗಳನ್ನು ತಪ್ಪಿಸುತ್ತದೆ.