ಚಳಿಗಾಲದಲ್ಲಿ ಇವು ನಿಮ್ಮ ಬಳಿ ಇರಲಿ

ಚಳಿಗಾಲದ ಚಳಿಯನ್ನು ಸಮರ್ಥವಾಗಿ ಎದುರಿಸಲು ಮತ್ತು ನಮ್ಮ ಆರೋಗ್ಯ ಕಾಪಾಡಿಕೊಳ್ಳಲು ನಮ್ಮ ಬಳಿ ಇರಲೇಬೇಕಾದ ಪ್ರಮುಖ ವಸ್ತುಗಳ ಬಗ್ಗೆ ನಾವಿಂದು ತಿಳಿದುಕೊಳ್ಳೋಣ.

ಸ್ವೆಟರ್ ಅಥವಾ ಜರ್ಕಿನ್ ಮುಖ್ಯವಾಗಿ ಇರಲೇಬೇಕು. ಏಕೆಂದರೆ, ಇವು ದೇಹದ ಉಷ್ಣತೆಯನ್ನು ಹೊರಹೋಗದಂತೆ ತಡೆಯುತ್ತವೆ. ಹೊರಗಿನ ತಂಪಾದ ಗಾಳಿ ದೇಹಕ್ಕೆ ತಗುಲದಂತೆ ರಕ್ಷಣೆ ನೀಡುತ್ತವೆ.

ಕಿವಿ ಮತ್ತು ಕುತ್ತಿಗೆಯ ಭಾಗ ಬಹಳ ಸೂಕ್ಷ್ಮವಾಗಿರುತ್ತದೆ. ಈ ಭಾಗಗಳಿಗೆ ಗಾಳಿ ಸೋಕಿದರೆ ಬೇಗನೆ ಶೀತ, ತಲೆನೋವು ಮತ್ತು ಕೆಮ್ಮು ಕಾಣಿಸಿಕೊಳ್ಳಬಹುದು. ಇವುಗಳನ್ನು ಧರಿಸುವುದರಿಂದ ಗಂಟಲಿನ ಆರೋಗ್ಯವೂ ಚೆನ್ನಾಗಿರುತ್ತದೆ.

ಚಳಿಗಾಲದಲ್ಲಿ ಗಾಳಿಯಲ್ಲಿ ತೇವಾಂಶ ಕಡಿಮೆ ಇರುವುದರಿಂದ ಚರ್ಮ ಬೇಗ ಒಣಗುತ್ತದೆ. ಚರ್ಮ ಬಿರಿಯುವುದು ಅಥವಾ ತುರಿಕೆಯಾಗುವುದನ್ನು ತಪ್ಪಿಸಲು ಮಾಯಿಶ್ಚರೈಸರ್ ಅಗತ್ಯ.

ತುಟಿಗಳ ಚರ್ಮ ತುಂಬಾ ತೆಳುವಾಗಿರುತ್ತದೆ. ಹಾಗಾಗಿ, ಚಳಿಗಾಲದಲ್ಲಿ ತುಟಿಗಳು ಬೇಗನೆ ಒಣಗಿ ರಕ್ತ ಬರಬಹುದು. ಇದನ್ನು ತಡೆಯಲು ಲಿಪ್ ಬಾಮ್ ಅಥವಾ ತುಪ್ಪವನ್ನು ಬಳಸುವುದು ಉತ್ತಮ.

ಚಳಿಗಾಲದಲ್ಲಿ ದಾಹ ಕಡಿಮೆ ಎನಿಸಿದರೂ ದೇಹಕ್ಕೆ ನೀರಿನ ಅಗತ್ಯವಿರುತ್ತದೆ. ಬಿಸಿ ನೀರು ಕುಡಿಯುವುದರಿಂದ ಗಂಟಲಿಗೆ ಆರಾಮ ಸಿಗುತ್ತದೆ ಮತ್ತು ಜೀರ್ಣಕ್ರಿಯೆ ಸುಲಭವಾಗುತ್ತದೆ.

ಪಾದಗಳು ಮತ್ತು ಕೈಬೆರಳುಗಳು ಬೇಗನೆ ತಣ್ಣಗಾಗುತ್ತವೆ. ಪಾದಗಳನ್ನು ಬೆಚ್ಚಗಿಡುವುದರಿಂದ ಇಡೀ ದೇಹದ ಉಷ್ಣತೆ ಸಮತೋಲನದಲ್ಲಿರುತ್ತದೆ ಮತ್ತು ಪಾದದ ಹಿಮ್ಮಡಿ ಸೀಳುವುದನ್ನು ತಡೆಯಬಹುದು.

ದೇಹದಲ್ಲಿ ಆಂತರಿಕ ಶಾಖವನ್ನು ಕಾಪಾಡಿಕೊಳ್ಳಲು ಹೆಚ್ಚಿನ ಶಕ್ತಿ ಬೇಕು. ಬಾದಾಮಿ, ಅಕ್ರೂಟ್, ಖರ್ಜೂರ ಮತ್ತು ಬೆಲ್ಲದಂತಹ ಪದಾರ್ಥಗಳು ದೇಹಕ್ಕೆ ನೈಸರ್ಗಿಕವಾಗಿ ಉಷ್ಣತೆಯನ್ನು ನೀಡುತ್ತವೆ.

ರಾತ್ರಿಯ ಸಮಯದಲ್ಲಿ ಉಷ್ಣಾಂಶ ತೀವ್ರವಾಗಿ ಕುಸಿಯುತ್ತದೆ. ಗಾಢವಾದ ನಿದ್ರೆ ಮತ್ತು ದೇಹದ ರಕ್ಷಣೆಗೆ ದಪ್ಪನೆಯ ಹೊದಿಕೆ ಅತ್ಯಗತ್ಯ.

ಚಳಿಗಾಲದಲ್ಲಿ ಮೂಗು ಕಟ್ಟುವುದು ಅಥವಾ ಸೈನಸ್ ಸಮಸ್ಯೆ ಸಾಮಾನ್ಯ. ವಾರಕ್ಕೆ ಒಂದೆರಡು ಬಾರಿ ಹಬೆ ತೆಗೆದುಕೊಳ್ಳುವುದು ಶ್ವಾಸಕೋಶದ ಆರೋಗ್ಯಕ್ಕೆ ಮತ್ತು ಕಟ್ಟಿದ ಮೂಗನ್ನು ತೆರವುಗೊಳಿಸಲು ಸಹಕಾರಿ.

ಶುಂಠಿ, ಕಾಳುಮೆಣಸು, ತುಳಸಿ ಮತ್ತು ಜೇನುತುಪ್ಪ ಮನೆಯಲ್ಲಿರಲಿ. ಸಣ್ಣಪುಟ್ಟ ನೆಗಡಿ ಅಥವಾ ಕೆಮ್ಮು ಶುರುವಾದಾಗ ತಕ್ಷಣಕ್ಕೆ ಕಷಾಯ ಮಾಡಿಕೊಳ್ಳಲು ಇವು ಸಹಾಯ ಮಾಡುತ್ತವೆ.

ಚಳಿಗಾಲದಲ್ಲಿ ಬಿಸಿಬಿಸಿ ಆಹಾರ ಸೇವಿಸುವುದು ಮತ್ತು ಸೂರ್ಯನ ಬೆಳಕಿಗೆ ಸ್ವಲ್ಪ ಸಮಯ ಮೈಯೊಡ್ಡುವುದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಹೀಗಾಗಿ ಈ ಎಲ್ಲ ಅಂಶಗಳು ನಿಮ್ಮ ಗಮನದಲ್ಲಿ ಇರಲಿ.