ಇಳಯದಳಪತಿ ವಿಜಯ್ ಬಗ್ಗೆ ವಿಶೇಷವಾಗಿ ಹೇಳಬೇಕಿಲ್ಲ. ತಮಿಳು ಚಿತ್ರರಂಗದಲ್ಲಿ ಮಾತ್ರವಲ್ಲದೇ ಇಡೀ ದೇಶದಲ್ಲಿ ಹೆಸರು ಮಾಡಿರುವ ವಿಜಯ್, ಸಿನಿಜಗತ್ತಿನ ಉತ್ತುಂಗದಲ್ಲಿ ಇರುವಾಗಲೇ ರಾಜಕೀಯಕ್ಕೆ ಧುಮುಕ್ಕಿದ್ದಾರೆ.
ಕೊನೆಯ ಸಿನಿಮಾ
ಬಿಡುಗಡೆಗೆ ಸಿದ್ಧವಾಗಿರುವ ಜನನಾಯಗನ್ ವಿಜಯ್ ಅವರ ಕೊನೇ ಸಿನಿಮಾ. ಬಳಿಕ ಕಂಪ್ಲೀಟ್ ರಾಜಕಾರಣಿಯಾಗಲಿದ್ದು, 2026ರಲ್ಲಿ ತಮಿಳುನಾಡಿನ ವಿಧಾನಸಭಾ ಚುನಾವಣೆಗೆ ಸ್ಪರ್ಧಿಸಲಿದ್ದಾರೆ. ಒಂದು ವರ್ಷದಿಂದ ಪ್ರಚಾರದಲ್ಲಿ ತೊಡಗಿದ್ದಾರೆ.
ಮೊದಲ ಸಂಭಾವನೆ
ನಟ ವಿಜಯ್ ಅವರು ಚಿತ್ರರಂಗಕ್ಕೆ ಮೊದಲು ಕಾಲಿಟ್ಟಾಗ ಅವರ ಸಂಭಾವನೆ ಎಷ್ಟಿತ್ತು ಎಂಬ ವಿವರಗಳು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ನಾಲಿಯ ತೀರಪ್ಪು
ವಿಜಯ್ ಅವರು ನಾಲಿಯ ತೀರಪ್ ಚಿತ್ರದ ಮೂಲಕ ನಾಯಕನಾಗಿ ಪಾದಾರ್ಪಣೆ ಮಾಡಿದರು. ಅದಕ್ಕೂ ಮುನ್ನ ಹಲವು ಚಿತ್ರಗಳಲ್ಲಿ ಬಾಲನಟನಾಗಿ ನಟಿಸಿ ಖ್ಯಾತಿ ಪಡೆದಿದ್ದರು.
500 ರೂಪಾಯಿ ಸಂಭಾವನೆ
ವಿಜಯ್ ಬಾಲನಟನಾಗಿ ನಟಿಸಿದ ಮೊದಲ ಚಿತ್ರ ವೆಟ್ರಿ. ಸ್ವತಃ ಅವರ ತಂದೆಯೇ ನಿರ್ದೇಶಿಸಿದ ಈ ಚಿತ್ರದಲ್ಲಿ ನಟ ವಿಜಯಕಾಂತ್ ಮತ್ತು ನಂಬಿಯಾರ್ ನಟಿಸಿದ್ದರು. ಬಾಲನಟನಾಗಿ ನಟಿಸಿದ್ದಕ್ಕಾಗಿ ವಿಜಯ್ 500 ರೂ. ಸಂಭಾವನೆ ಪಡೆದಿದ್ದರಂತೆ.
ಸಿಂಹಾಸನ ಏರಲು ಸಜ್ಜು
ನಟ ವಿಜಯ್ ಪ್ರಸ್ತುತ ರಾಜಕೀಯದಲ್ಲಿ ಪೂರ್ಣ ಸಮಯ ಕೆಲಸ ಮಾಡುತ್ತಿದ್ದಾರೆ. ಅವರ ಕೊನೆಯ ಚಿತ್ರ ಜನನಾಯಗನ್ ಬಳಿಕ ಸಿನಿಮಾರಂಗವನ್ನು ತೊರೆದು ರಾಜಕೀಯ ಸಿಂಹಾಸನ ಏರಲು ಪ್ರಯತ್ನಿಸುತ್ತಿದ್ದಾರೆ.
275 ಕೋಟಿ ಸಂಭಾವನೆ
ಕೊನೆಯ ಚಿತ್ರ ಜನನಾಯಗನ್ನಲ್ಲಿ ನಟಿಸಿದ್ದಕ್ಕಾಗಿ ನಟ ವಿಜಯ್ 275 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ ಎಂದು ಹೇಳಲಾಗುತ್ತಿದೆ. ಮೊದಲ ಸಂಭಾವನೆ ಮತ್ತು ಪ್ರಸ್ತುತ ಸಂಭಾವನೆಯನ್ನು ಹೋಲಿಕೆ ಮಾಡಿ ಅಭಿಮಾನಿಗಳು ಅಚ್ಚರಿಗೊಂಡಿದ್ದಾರೆ.
ಜನವರಿ 9ಕ್ಕೆ ಜನನಾಯಗನ್
ನಟ ವಿಜಯ್ ಪ್ರಸ್ತುತ ಚಿತ್ರರಂಗದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಒಬ್ಬರು ಎಂಬುದು ಗಮನಾರ್ಹ. ಅವರ ನಟನೆಯ ಜನನಾಯಗನ್ ಸಿನಿಮಾ ಜನವರಿ 9ಕ್ಕೆ ಬಿಡುಗಡೆಯಾಗಲಿದೆ.