ಅರಿಶಿನ ಹಾಲಿನ ಆಘಾತಕಾರಿ ಸೈಡ್ ಎಫೆಕ್ಟ್ಸ್ ಇಲ್ಲಿವೆ

ಬೆಂಗಳೂರು: ಭಾರತೀಯ ಮನೆಮದ್ದುಗಳಲ್ಲಿ 'ಅರಿಶಿನ ಹಾಲು' ಅಥವಾ ಗೋಲ್ಡನ್ ಮಿಲ್ಕ್'ಗೆ ಅಗ್ರಸ್ಥಾನವಿದೆ. ರೋಗನಿರೋಧಕ ಶಕ್ತಿ ಹೆಚ್ಚಿಸಲು ಎಲ್ಲರೂ ಈ ಪಾನೀಯವನ್ನು ಕುಡಿಯುತ್ತಾರೆ.

ಅರಿಶಿನದಲ್ಲಿ 'ಆಕ್ಸಲೇಟ್ ಎಂಬ ಅಂಶವಿರುತ್ತದೆ. ಇದನ್ನು ಅತಿಯಾಗಿ ಸೇವಿಸಿದರೆ, ಅದು ಕ್ಯಾಲ್ಸಿಯಂ ಜೊತೆಗೆ ಸೇರಿಕೊಂಡು ಮೂತ್ರಪಿಂಡದಲ್ಲಿ ಕಲ್ಲುಗಳನ್ನು ಸೃಷ್ಟಿಸಬಹುದು. ಕಿಡ್ನಿ ಸಮಸ್ಯೆ ಇರುವವರು ಅರಿಶಿನ ಹಾಲಿನಿಂದ ದೂರವಿರುವುದೇ ಒಳಿತು.

ಅರಿಶಿನವು ದೇಹಕ್ಕೆ ಉಷ್ಣತೆಯನ್ನು ನೀಡುತ್ತದೆ. ದಿನಕ್ಕೆ ಅತಿಯಾದ ಪ್ರಮಾಣದಲ್ಲಿ ಅರಿಶಿನ ಸೇವಿಸಿದರೆ ಹೊಟ್ಟೆಯಲ್ಲಿ ಉರಿ, ಅತಿಸಾರ ಮತ್ತು ವಾಕರಿಕೆ ಕಾಣಿಸಿಕೊಳ್ಳಬಹುದು. ಇದು ಜೀರ್ಣಕ್ರಿಯೆಯನ್ನು ಸುಧಾರಿಸುವ ಬದಲು ಕೆಡಿಸಬಹುದು.

ಅತಿಯಾದ ಅರಿಶಿನ ಸೇವನೆಯು ನಿಮ್ಮ ದೇಹವು ಆಹಾರದಿಂದ ಕಬ್ಬಿಣದ ಅಂಶವನ್ನು ಹೀರಿಕೊಳ್ಳುವುದನ್ನು ತಡೆಯುತ್ತದೆ. ಇದು ರಕ್ತಹೀನತೆ ಸಮಸ್ಯೆಗೆ ಕಾರಣವಾಗಬಹುದು ಎಂದು ತಜ್ಞರು ಎಚ್ಚರಿಸಿದ್ದಾರೆ.

ಮಧುಮೇಹಕ್ಕೆ ಮದ್ದು ತೆಗೆದುಕೊಳ್ಳುವವರು ಅರಿಶಿನ ಹಾಲು ಕುಡಿಯುವಾಗ ಜಾಗರೂಕರಾಗಿರಬೇಕು. ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಅತಿಯಾಗಿ ಕಡಿಮೆ ಮಾಡಿ 'ಹೈಪೋಗ್ಲೈಸೆಮಿಯಾ' ಸ್ಥಿತಿಗೆ ತಲುಪಿಸಬಹುದು.

ಗರ್ಭಿಣಿಯರು ಅರಿಶಿನ ಹಾಲನ್ನು ಅತಿಯಾಗಿ ಸೇವಿಸಬಾರದು. ಇದು ಗರ್ಭಾಶಯದ ಸಂಕುಚನಕ್ಕೆ ಕಾರಣವಾಗಿ ಗರ್ಭಪಾತದಂತಹ ಅಪಾಯಗಳನ್ನು ತಂದೊಡ್ಡಬಹುದು.