ರಾತ್ರಿಯಲ್ಲಿ ಐಸ್​ಕ್ರೀಂ ತಿಂತಿದ್ರೆ ಈ ಸಮಸ್ಯೆಗಳು ಖಚಿತ

ವಿಶೇಷವಾಗಿ ಊಟದ ಬಳಿಕ ಒಂದು ಐಸ್​​ಕ್ರೀಮ್​ ತಿಂದರೆ ಹಲವರಿಗೆ ಅದೇನೋ ಖುಷಿ, ತೃಪ್ತಿ ಭಾವ. ಕೆಲವರಂತು ಬಿರಿಯಾನಿ ಊಟ ಅಥವಾ ಭೂರಿ ಭೋಜನ ಸವಿದ ಮೇಲೆ ತಮ್ಮಿಷ್ಟದ ಪ್ಲೇವರ್​ನ ಬಗೆಬಗೆಯ ಐಸ್​ಕ್ರೀಮ್​ ತಿನ್ನಲೇಬೇಕು

ಆಗ ಮಾತ್ರ ಅವರಿಗೆ ತಿಂದ ಊಟ ಅರಗುವುದು ಮತ್ತು ತೃಪ್ತಿದಾಯಕ ಅನಿಸುವುದು. ಇನ್ನೂ ಕೆಲವರು ರಾತ್ರಿ ಊಟದ ಬಳಿಕ ಇದನ್ನೆಲ್ಲ ರೂಢಿಸಿಕೊಂಡಿರುತ್ತಾರೆ. ಆದರೆ, ಇದೇ ಆರೋಗ್ಯಕ್ಕೆ ಹಲವು ತೊಂದರೆಗಳನ್ನು ತಂದಿಡುತ್ತೆ ಎಂಬುದು ಗೊತ್ತೇ ಇರುವುದಿಲ್ಲ.

ಸಕ್ಕರೆ, ಸ್ಯಾಚುರೇಟೆಡ್ ಕೊಬ್ಬನ್ನು ಹೊಂದಿರುವ ಐಸ್​ಕ್ರೀಮ್​, ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಏರಿಸುತ್ತದೆ. ಮೆದುಳನ್ನು ಎಚ್ಚರವಿರಿಸುತ್ತದೆ. ಹೆಚ್ಚಿನ ಕೊಬ್ಬಿನಾಂಶದಿಂದಾಗಿ, ಆಹಾರವು ಬೇಗನೆ ಜೀರ್ಣವಾಗಲ್ಲ. ಇದು ಹೊಟ್ಟೆಯನ್ನು ಭಾರವಾಗಿಸುತ್ತದೆ ಮತ್ತು ನಿದ್ರೆಯ ಸಮಯದಲ್ಲಿ ಅಸ್ವಸ್ಥತೆ ಉಂಟುಮಾಡುತ್ತದೆ.

ಶರೀರವು ನಿದ್ರೆಗೆ ಜಾರುವ ಮೊದಲು ವಿಶ್ರಾಂತಿಗಾಗಿ ಸಿದ್ಧವಾಗುತ್ತದೆ. ಆದರೆ, ಐಸ್​ಕ್ರೀಮ್​ನಲ್ಲಿರುವ ಹೆಚ್ಚು ಸಕ್ಕರೆಯು ನೈಸರ್ಗಿಕ ಪ್ರಕ್ರಿಯೆಗೆ ಅಡ್ಡಿಯಾಗುತ್ತದೆ. ಕೆಲವರಿಗೆ ಜೀರ್ಣಕಾರಿ ಸಮಸ್ಯೆಗಳು ಕಾಡಬಹುದು. ತಿಂದ ತಕ್ಷಣ ಮಲಗುವುದರಿಂದ ಆಮ್ಲ ಹಿಮ್ಮುಖ ಹರಿವು ಮತ್ತು ಎದೆಯುರಿಯಂತಹ ಸಮಸ್ಯೆಗೂ ಕಾರಣವಾಗುತ್ತದೆ.

ಸಿಹಿ ಹೆಚ್ಚಾಗಿ ಸೇವಿಸುವುದರಿಂದ ರಾತ್ರಿಯಲ್ಲಿ ಅನಾರೋಗ್ಯಕರ ಆಹಾರ ಪದ್ಧತಿ ಹೆಚ್ಚುತ್ತದೆ. ಕೆಲವರಿಗಂತು ರಾತ್ರಿಯ ವೇಳೆಯಲ್ಲಿ ಐಸ್​ಕ್ರೀಮ್​ ತಿನ್ನುವ ಬಯಕೆಯನ್ನು ಕಂಟ್ರೋಲ್​ ಮಾಡಿಕೊಳ್ಳಲು ಆಗುವುದೇ ಇಲ್ಲ ಎಂದು ತಜ್ಞರು ಅಭಿಪ್ರಾಯಿಸುತ್ತಾರೆ. ಹೀಗಾಗಿ, ನಿದ್ದೆಯು ಹಾಳಾಗುತ್ತದೆ.

ಚಾಕೊಲೇಟ್ ಐಸ್ ಕ್ರೀಮ್ ಕೆಫೀನ್ ಮತ್ತು ಥಿಯೋಬ್ರೋಮಿನ್ ಅಂಶಗಳಿಂದ ಕೂಡಿರುತ್ತದೆ. ಇದು ಮೆದುಳನ್ನು ರಾತ್ರಿಯಲ್ಲೂ ಆ್ಯಕ್ಟೀವ್​ ಆಗಿಯೇ ಇಟ್ಟಿರುತ್ತದೆ. ಹೀಗಾಗಿಯೇ, ಹಲವರು ಕಣ್ಣಿನಲ್ಲಿ ನಿದ್ದೆಯ ಜೋಂಪು ಹತ್ತಿದ್ದರೂ, ಆಯಾಸಗೊಂಡಿದ್ದರೂ ನಿದ್ರಿಸಲು ಸಾಧ್ಯವಾಗಲ್ಲ.