ಬೇಸಿಗೆಯಲ್ಲಿ ಅತಿಯಾದ ಫ್ಯಾನ್​ನ ಬಳಕೆಯ ಅಪಾಯಗಳು

ಬೇಸಿಗೆಯ ಸುಡುವ ಬಿಸಿಲಿನಿಂದ ಪಾರಾಗಲು ನಾವು ರಾತ್ರಿಯಿಡೀ ಫ್ಯಾನ್ ಬಳಸುತ್ತೇವೆ. ಆದರೆ ನೇರ ಗಾಳಿ ಮತ್ತು ಅತಿಯಾದ ಬಳಕೆ ಆರೋಗ್ಯಕ್ಕೆ ಮಾರಕ. ಇದು ಚರ್ಮದ ಶುಷ್ಕತೆ, ಸೈನಸ್ ಸಮಸ್ಯೆ, ಸ್ನಾಯುಗಳ ಬಿಗಿತ ಮತ್ತು ಅಲರ್ಜಿಗೆ ಕಾರಣವಾಗಬಹುದು.

ಫ್ಯಾನ್‌ನಿಂದ ಬರುವ ನಿರಂತರ ಗಾಳಿಯು ಚರ್ಮದ ಮೇಲಿರುವ ತೇವಾಂಶವನ್ನು ಬೇಗನೆ ಹೀರಿಕೊಳ್ಳುತ್ತದೆ. ಇದರಿಂದ ಚರ್ಮ ಶುಷ್ಕವಾಗುವುದು, ತುರಿಕೆ ಮತ್ತು ಕಣ್ಣುಗಳಲ್ಲಿ ಕಿರಿಕಿರಿ ಉಂಟಾಗಬಹುದು. ವಿಶೇಷವಾಗಿ ಕಾಂಟ್ಯಾಕ್ಟ್ ಲೆನ್ಸ್ ಧರಿಸುವವರಿಗೆ ಇದು ಹೆಚ್ಚು ತೊಂದರೆ ನೀಡುತ್ತದೆ.

ರಾತ್ರಿಯಿಡೀ ಫ್ಯಾನ್ ಗಾಳಿ ನೇರವಾಗಿ ದೇಹಕ್ಕೆ ತಗುಲಿದಾಗ, ದೇಹದ ಸ್ನಾಯುಗಳು ಕುಗ್ಗಬಹುದು. ಇದರಿಂದ ಬೆಳಗ್ಗೆ ಎದ್ದಾಗ ಕುತ್ತಿಗೆ ನೋವು, ಬೆನ್ನು ನೋವು ಅಥವಾ ಮಾಂಸಖಂಡಗಳ ಬಿಗಿತ ಕಂಡುಬರಬಹುದು.

ಫ್ಯಾನ್ ರೆಕ್ಕೆಗಳ ಮೇಲೆ ಧೂಳು ಶೇಖರಣೆಯಾಗಿರುತ್ತದೆ. ಫ್ಯಾನ್ ತಿರುಗಿದಾಗ ಈ ಧೂಳಿನ ಕಣಗಳು ಮತ್ತು ಅಲರ್ಜಿನ್ಗಳು ಗಾಳಿಯಲ್ಲಿ ಹರಡುತ್ತವೆ. ಇದು ಅಸ್ತಮಾ ಅಥವಾ ಸೈನಸ್ ಸಮಸ್ಯೆ ಇರುವವರಲ್ಲಿ ಸೀನು, ಕೆಮ್ಮು ಮತ್ತು ಉಸಿರಾಟದ ತೊಂದರೆಯನ್ನು ಹೆಚ್ಚಿಸಬಹುದು.

ನಿರಂತರ ಗಾಳಿಯು ಮೂಗಿನ ಒಳಗಿನ ಲೋಳೆಪೊರೆಯನ್ನು ಒಣಗಿಸುತ್ತದೆ. ಇದರಿಂದ ಮೂಗಿನಲ್ಲಿ ರಕ್ತ ಸ್ರವಿಸುವುದು ಅಥವಾ ಬೆಳಗ್ಗೆ ಎದ್ದಾಗ ಗಂಟಲು ನೋವು ಉಂಟಾಗುವ ಸಾಧ್ಯತೆ ಇರುತ್ತದೆ.

ಕೆಲವರಿಗೆ ಫ್ಯಾನ್‌ನ ನಿರಂತರ ಸದ್ದು ಮತ್ತು ನೇರ ಗಾಳಿಯಿಂದಾಗಿ 'ಸೈನಸ್ ತಲೆನೋವು' ಅಥವಾ ಸಾಮಾನ್ಯ ತಲೆನೋವು ಕಾಣಿಸಿಕೊಳ್ಳಬಹುದು.