ಭಾರತದಂತೆ ಹೋಳಿ ಆಚರಿಸುವ ಪ್ರಪಂಚದ ಇತರ ದೇಶಗಳು

ಭಾರತದ ಹೊರತಾಗಿ ನೇಪಾಳದಲ್ಲಿ ಹೋಳಿಯನ್ನು ಅತ್ಯಂತ ಸಡಗರದಿಂದ ಆಚರಿಸಲಾಗುತ್ತದೆ. ಮಾರಿಷಸ್, ಫಿಜಿ, ಗಯಾನಾ ಮತ್ತು ಸುರಿನಾಮ್‌ನಂತಹ ದೇಶಗಳಲ್ಲಿ ಭಾರತೀಯ ಮೂಲದವರು ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಅಲ್ಲಿ ಹೋಳಿ ಸಾಂಸ್ಕೃತಿಕ ಹಬ್ಬವಾಗಿ ಮಾರ್ಪಟ್ಟಿದೆ.

ಭಾರತದ ನಂತರ ಅತ್ಯಂತ ವಿಜೃಂಭಣೆಯಿಂದ ಹೋಳಿ ಆಚರಿಸುವ ದೇಶವೆಂದರೆ ನೇಪಾಳ. ಇಲ್ಲಿ ಈ ಹಬ್ಬವನ್ನು 'ಫಾಗು ಪೂರ್ಣಿಮಾ' ಎಂದು ಕರೆಯುತ್ತಾರೆ. ಕಾಠ್ಮಂಡುವಿನಂತಹ ನಗರಗಳಲ್ಲಿ ಜನರು ಬಣ್ಣಗಳ ಜೊತೆ ಪರಸ್ಪರ ನೀರು ಎರಚುತ್ತಾ ಸಡಗರದಿಂದ ಪಾಲ್ಗೊಳ್ಳುತ್ತಾರೆ.

ಮಾರಿಷಸ್‌ನಲ್ಲಿ ಭಾರತೀಯ ಮೂಲದವರು ಹೆಚ್ಚಾಗಿರುವುದರಿಂದ, ಅಲ್ಲಿ ಹೋಳಿ ಅಧಿಕೃತ ಹಬ್ಬದಂತೆಯೇ ಇರುತ್ತದೆ. ಜನರು ಸಾಂಪ್ರದಾಯಿಕ ಹಾಡುಗಳನ್ನು ಹಾಡುತ್ತಾ, ಒಬ್ಬರಿಗೊಬ್ಬರು ಬಣ್ಣ ಹಚ್ಚಿ ಸಿಹಿ ಹಂಚಿಕೊಳ್ಳುತ್ತಾರೆ.

ದಕ್ಷಿಣ ಅಮೆರಿಕಾದಲ್ಲಿರುವ ಗಯಾನಾದಲ್ಲಿ ಹೋಳಿಯನ್ನು 'ಫಾಗ್ವಾ' ಎಂದು ಕರೆಯಲಾಗುತ್ತದೆ. ಇಲ್ಲಿನ ಹಿಂದೂ ಸಮುದಾಯವು ಬಹಳ ಹಿಂದಿನಿಂದಲೂ ಈ ಹಬ್ಬವನ್ನು ಸಂಪ್ರದಾಯಬದ್ಧವಾಗಿ ಆಚರಿಸಿಕೊಂಡು ಬಂದಿದೆ.

ಸುರಿನಾಮ್‌ನಲ್ಲಿ ಹೋಳಿ ಸಾಮಾಜಿಕ ಸಾಮರಸ್ಯದ ಸಂಕೇತವಾಗಿದೆ. ಇಲ್ಲಿನ ರೇಡಿಯೋ ಮತ್ತು ಟಿವಿಗಳಲ್ಲಿ ಹೋಳಿ ಹಾಡುಗಳು ಮೊಳಗುತ್ತವೆ ಮತ್ತು ಎಲ್ಲಾ ಧರ್ಮದ ಜನರು ಬಣ್ಣಗಳಾಟದಲ್ಲಿ ಪಾಲ್ಗೊಳ್ಳುತ್ತಾರೆ.

ಫಿಜಿ ದ್ವೀಪಗಳಲ್ಲಿ ಹೋಳಿ ಹಬ್ಬದಂದು ಜಾನಪದ ಹಾಡುಗಳನ್ನು ಹಾಡುವ ಪದ್ಧತಿ ಇದೆ. ಇಲ್ಲಿ ಹಬ್ಬದ ಸಂಭ್ರಮವು ಒಂದು ವಾರ ಮುಂಚೆಯೇ ಪ್ರಾರಂಭವಾಗುತ್ತದೆ.

ಇಲ್ಲಿ ಹೋಳಿ ಹಬ್ಬದ ಆಚರಣೆಯ ಶೈಲಿ ವಿಭಿನ್ನ ಮತ್ತು ಆಕರ್ಷಕ. ಜನರು ವಿಶೇಷವಾಗಿ 'ಚೌತಾಲ್' ಹಾಡುಗಳನ್ನು ಹಾಡುತ್ತಾ ಸಂಭ್ರಮಿಸುತ್ತಾರೆ.

ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದಲ್ಲಿ ಮತ್ತು ಕರಾಚಿಯಂತಹ ನಗರಗಳಲ್ಲಿ ವಾಸಿಸುವ ಹಿಂದೂ ಸಮುದಾಯವು ಸಾಂಪ್ರದಾಯಿಕವಾಗಿ ಹೋಳಿಯನ್ನು ಆಚರಿಸುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ಅಲ್ಲಿನ ಕೆಲವು ಯೂನಿವರ್ಸಿಟಿಗಳಲ್ಲೂ ವಿದ್ಯಾರ್ಥಿಗಳು ಹೋಳಿ ಸಂಭ್ರಮದಲ್ಲಿ ಭಾಗಿಯಾಗುವುದು ಕಂಡುಬರುತ್ತದೆ.