ಕಪ್ಪು ಲುಕ್‌ನಲ್ಲಿ ಕಿಲ್ಲರ್ ಕಿಕ್ ಕೊಟ್ಟ ಚೈತ್ರ!

ಕನ್ನಡ ಚಿತ್ರರಂಗದಲ್ಲಿ ತಮ್ಮ ಸಹಜ ಅಭಿನಯ ಮತ್ತು ವಿಭಿನ್ನ ಪಾತ್ರಗಳ ಮೂಲಕ ಗುರುತಿಸಿಕೊಂಡಿರುವ ನಟಿ ಚೈತ್ರ ಜೆ ಆಚಾರ್ ಯುವ ಪ್ರತಿಭಾವಂತ ನಟಿಯರಲ್ಲಿ ಒಬ್ಬರು.

ಕಪ್ಪು ಬಣ್ಣದ ಸಾಂಪ್ರದಾಯಿಕ ಉಡುಪಿನಲ್ಲಿ ಚೈತ್ರ ಜೆ ಆಚಾರ್ ಸೊಬಗಿನ ಜೊತೆಗೆ ರಾಜಮನೆತನದ ಶೈಲಿಯ ಛಾಪು ಮೂಡಿಸಿದ್ದಾರೆ. ಹೆವಿ ಚೋಕರ್ ನೆಕ್ಲೆಸ್, ಜಡೆ ಹಾಗೂ ಮಿನಿಮಲ್ ಮೇಕಪ್ ಅವರ ಲುಕ್‌ಗೆ ಮತ್ತಷ್ಟು ಮೆರುಗು ನೀಡಿದ್ದು, ಈ ಫೋಟೋಶೂಟ್ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ.

ಮಹಿರ, ಸಪ್ತ ಸಾಗರದಾಚೆ ಎಲ್ಲೋ – ಸೈಡ್ A, ಸಪ್ತ ಸಾಗರದಾಚೆ ಎಲ್ಲೋ – ಸೈಡ್ B, ಟೋಬಿ, ತಲೆದಂಡ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಅಭಿನಯಿಸಿ ಗಮನ ಸೆಳೆದಿದ್ದಾರೆ. ಭಾವನಾತ್ಮಕ ಹಾಗೂ ನೈಜ ಅಭಿನಯಕ್ಕಾಗಿ ಅವರು ಸಿನಿಪ್ರೇಕ್ಷಕರಿಂದ ಉತ್ತಮ ಪ್ರಶಂಸೆ ಪಡೆದಿದ್ದಾರೆ.

'ಸಪ್ತ ಸಾಗರದಾಚೆ ಎಲ್ಲೋ – ಸೈಡ್ A' ಚಿತ್ರದ ಅಭಿನಯಕ್ಕಾಗಿ 2024ರ SIIMA Awards ನಲ್ಲಿ ಅತ್ಯುತ್ತಮ ನಟಿ ಪ್ರಶಸ್ತಿಯನ್ನು ಪಡೆದರು

ಚೈತ್ರ ಜೆ ಆಚಾರ್ ಅವರಿಗೆ ಸಂಗೀತ ಮತ್ತು ಗಾಯನದ ಮೇಲೆ ವಿಶೇಷ ಆಸಕ್ತಿ ಇದೆ. ವೃತ್ತಿಪರ ಗಾಯಕಿಯಾಗಬೇಕೆಂಬ ಕನಸು ಹೊಂದಿದ್ದ ಅವರು, ಆಕಸ್ಮಿಕವಾಗಿ ನಟನಾ ಕ್ಷೇತ್ರಕ್ಕೆ ಕಾಲಿಟ್ಟರು. 2019–20ರ ಅವಧಿಯಲ್ಲಿ ಹಲವು ಕನ್ನಡ ಚಲನಚಿತ್ರಗಳಿಗೆ ಕೋರಸ್ ಗಾಯಕಿಯಾಗಿ ಧ್ವನಿ ನೀಡಿದ್ದು, ಅವರ ಪ್ರತಿಭೆಯ ಮತ್ತೊಂದು ಮುಖವಾಗಿದೆ.

ಚೈತ್ರ ಜೆ ಆಚಾರ್ ಆಗಾಗ್ಗೆ ವಿಭಿನ್ನ ಥೀಮ್‌ಗಳ ಫೋಟೋಶೂಟ್‌ಗಳ ಮೂಲಕ ಅಭಿಮಾನಿಗಳ ಗಮನ ಸೆಳೆಯುತ್ತಾರೆ. ಸಾಂಪ್ರದಾಯಿಕ ಸೀರೆ ಲುಕ್‌ನಿಂದ ಹಿಡಿದು ಮಾಡರ್ನ್ ಹಾಗೂ ಫ್ಯೂಷನ್ ಔಟ್‌ಫಿಟ್‌ಗಳವರೆಗೆ ವಿವಿಧ ಶೈಲಿಗಳಲ್ಲಿ ಅವರು ಕಾಣಿಸಿಕೊಳ್ಳುತ್ತಾರೆ.