ಗರ್ಭಾವಸ್ಥೆಯಲ್ಲಿ ಬದನೆಕಾಯಿ ತಿನ್ನಬಹುದೇ? ಇಲ್ಲಿದೆ ಅಸಲಿ ಸತ್ಯ!

ಗರ್ಭಾವಸ್ಥೆಯಲ್ಲಿ ಬದನೆಕಾಯಿಯನ್ನು ಮಿತವಾಗಿ ಸೇವಿಸುವುದು ಸಂಪೂರ್ಣ ಸುರಕ್ಷಿತ. ಇದರಲ್ಲಿ ಮಗುವಿನ ಬೆಳವಣಿಗೆಗೆ ಮತ್ತು ತಾಯಿಯ ಆರೋಗ್ಯಕ್ಕೆ ಬೇಕಾದ ಅಗತ್ಯ ಪೋಷಕಾಂಶಗಳಿವೆ. ಆದರೆ, ಅತಿಯಾದ ಸೇವನೆ ಅಥವಾ ಕೆಲವು ನಿರ್ದಿಷ್ಟ ಆರೋಗ್ಯ ಸಮಸ್ಯೆಗಳಿದ್ದಾಗ ಇದನ್ನು ಅವಾಯ್ಡು ಮಾಡುವುದು ಉತ್ತಮ.

ಬದನೆಕಾಯಿಯಲ್ಲಿ ಫೋಲೇಟ್ ಅಥವಾ ಫೋಲಿಕ್ ಆಸಿಡ್ ಸಮೃದ್ಧವಾಗಿದೆ. ಇದು ಗರ್ಭದಲ್ಲಿರುವ ಮಗುವಿನ ಮೆದುಳು ಮತ್ತು ನರಮಂಡಲದ ಆರೋಗ್ಯಕರ ಬೆಳವಣಿಗೆಗೆ ಸಹಾಯ ಮಾಡುತ್ತದೆ ಹಾಗೂ ಜನ್ಮಜಾತ ದೋಷಗಳನ್ನು ತಡೆಯುತ್ತದೆ.

ಗರ್ಭಾವಸ್ಥೆಯಲ್ಲಿ ಕಾಡುವ ಸಾಮಾನ್ಯ ಸಮಸ್ಯೆಯೆಂದರೆ ಮಲಬದ್ಧತೆ. ಬದನೆಕಾಯಿಯಲ್ಲಿ ನಾರಿನಂಶ ಹೆಚ್ಚಾಗಿರುವುದರಿಂದ, ಇದು ಜೀರ್ಣಕ್ರಿಯೆಯನ್ನು ಉತ್ತಮಗೊಳಿಸಿ ಮಲಬದ್ಧತೆಯನ್ನು ದೂರ ಮಾಡುತ್ತದೆ.

ಇದರಲ್ಲಿರುವ ಪೊಟ್ಯಾಶಿಯಂ ಅಂಶವು ಗರ್ಭಿಣಿಯರಲ್ಲಿ ರಕ್ತದೊತ್ತಡವನ್ನು ಸಮತೋಲನದಲ್ಲಿಡಲು ಸಹಾಯ ಮಾಡುತ್ತದೆ.

ಆಯುರ್ವೇದದ ಪ್ರಕಾರ ಬದನೆಕಾಯಿ ದೇಹದಲ್ಲಿ ಉಷ್ಣತೆಯನ್ನು ಹೆಚ್ಚಿಸುತ್ತದೆ. ಇದರಲ್ಲಿರುವ 'ಫೈಟೊಹಾರ್ಮೋನ್‌ಗಳು' ಮುಟ್ಟನ್ನು ಪ್ರೇರೇಪಿಸುವ ಗುಣ ಹೊಂದಿವೆ. ಹಾಗಾಗಿ, ಇದನ್ನು ಅತಿಯಾಗಿ ತಿಂದರೆ ಗರ್ಭಪಾತ ಅಥವಾ ಅವಧಿಗೂ ಮುನ್ನ ಹೆರಿಗೆಯಾಗುವ ಅಪಾಯವಿರುತ್ತದೆ.

ಕೆಲವರಿಗೆ ಬದನೆಕಾಯಿ ತಿಂದರೆ ಅಸಿಡಿಟಿ, ಎದೆಯುರಿ ಅಥವಾ ಚರ್ಮದ ತುರಿಕೆ ಕಾಣಿಸಿಕೊಳ್ಳಬಹುದು.