ಈ ವರ್ಷವು ಅಬ್ಬರಿಸಲಿಲ್ಲ ಬಾಲಿವುಡ್​! ಸೀಕ್ವೆಲ್​ಗಳು ಕಂಡಿದ್ದು ಸೋಲೇ

ಕಳೆದ ವರ್ಷ 'ಸ್ತ್ರೀ 2', 'ಫೈಟರ್'​, 'ಅನಿಮಲ್​' 'ಸಿಂಗಂ ಅಗೈನ್'​ ಸೇರಿ ಒಂದಷ್ಟು ಬಹುನಿರೀಕ್ಷಿತ ಸಿನಿಮಾಗಳು ಮಾತ್ರ ಬಾಕ್ಸ್ ಆಫೀಸ್​ನಲ್ಲಿ ಕಮಾಲ್ ಮಾಡಿದ್ದು ಬಿಟ್ಟರೆ, ಉಳಿದೆಲ್ಲ ಚಿತ್ರಗಳು ಫ್ಲಾಪ್​.

ಲಾಭವನ್ನು ಕಾಣಬೇಕಿದ್ದ ಬಾಲಿವುಡ್​, ಒಂದಷ್ಟು ಸಿನಿಮಾಗಳನ್ನು ಹೊರತುಪಡಿಸಿದರೆ, ನಿರೀಕ್ಷೆಗೆ ತಕ್ಕಂತೆ ಆದಾಯವನ್ನು ಗಳಿಸುವಲ್ಲಿ ವಿಫಲವಾಗಿದೆ ಎಂಬುದರಲ್ಲಿ ಅನುಮಾನವೇ ಬೇಡ.

ಬಾಲಿವುಡ್‌ನಲ್ಲಿ ಆರಂಭದಿಂದಲೂ ಸೀಕ್ವೆಲ್‌ ಸಿನಿಮಾಗಳು ಹೆಚ್ಚಾಗಿ ಮೂಡಿಬರುತ್ತಿವೆ. ಹೆಸರಿಗೆ ಮಾತ್ರ ಅದು ಸೀಕ್ವೆಲ್​! ಆದರೆ, ಮೊದಲ ಭಾಗ ಮತ್ತು ಅದರ ಮುಂದುವರಿದ ಭಾಗದ ಚಿತ್ರದ ನಡುವೆ ಯಾವುದೇ ಸಂಬಂಧವಿರುವುದಿಲ್ಲ.

ಉತ್ತರ ಭಾಗದಲ್ಲಿ ಹಲವು ಸೀಕ್ವೆಲ್‌ ಸಿನಿಮಾಗಳು ಬ್ಲಾಕ್​ಬಸ್ಟರ್​ ಹಿಟ್​ ಆಗುವಲ್ಲಿ ವಿಫಲವಾಗುತ್ತಿವೆ. ಉದಾ, ಈ ವರ್ಷ ತೆರೆಕಂಡ 'ಸಿತಾರೆ ಜಮೀನ್ ಪರ್' ಹೊರತುಪಡಿಸಿದರೆ, ಉಳಿದೆಲ್ಲ ಚಿತ್ರಗಳು ಅಂತಹ ಕಮಾಲ್​ ಮಾಡಲಿಲ್ಲ.

ಭಾರೀ ಬಜೆಟ್ ಮತ್ತು ಸಾಕಷ್ಟು ಹೈಪ್​ ಸೃಷ್ಡಿಸಿದ 'ವಾರ್ 2' ಕೂಡ ಬಾಕ್ಸ್ಆಫೀಸ್​ನಲ್ಲಿ ಹಾಗೂ ಸಿನಿಪ್ರಿಯರ ನಿರೀಕ್ಷೆಗಳನ್ನು ಪೂರೈಸುವಲ್ಲಿ ಮುಗ್ಗರಿಸಿತು. ಇದು ನಿರ್ಮಾಪಕರಿಗೂ ದೊಡ್ಡ ಹೊಡೆತ ನೀಡಿತು.

'ಹೌಸ್‌ಫುಲ್ 5', ದೊಡ್ಡ ತಾರಾಬಳಗವನ್ನು ಹೊಂದಿದ್ದರೂ, ಪ್ರೇಕ್ಷಕರ ನಿರೀಕ್ಷೆ ತಲುಪುವಲ್ಲಿ ಎಡವಿತು. 180 ಕೋಟಿ ರೂ.ಗಿಂತ ಹೆಚ್ಚು ಬಜೆಟ್‌ನಲ್ಲಿ ನಿರ್ಮಿಸಲಾದ ಈ ಸಿನಿಮಾ 'ಹೌಸ್‌ಫುಲ್ 4' ಕಲೆಕ್ಷನ್‌ ಮೀರಿಸಲು ಸೋತಿತು.

ಇದೇ ರೀತಿ 'ಕೇಸರಿ 2', 'ಜಾಲಿ LLB 3' ಕೂಡ ಫ್ಲಾಪ್​ ಸಾಲಿಗೆ ಸೇರಿತು. 'ಧಡಕ್ 2' ಪಾಸಿಟಿವ್​ ಪ್ರತಿಕ್ರಿಯೆ ಪಡೆದುಕೊಂಡರೆ, 'ಸೈಯಾರ' ಬಾಕ್ಸ್ ಆಫೀಸ್​ನಲ್ಲಿ ಮುಗ್ಗರಿಸಿತು. ಇನ್ನು 'ಬಾಘಿ 4' ಕೂಡ ಸೋಲಿನ ಹಾದಿ ಹಿಡಿಯಿತು