ತೃಪ್ತಿಗೆ ಬರ್ತಡೇ ಸಂಭ್ರಮ

ರಣಬೀರ್​ ಕಪೂರ್​ ನಟನೆಯ ಅನಿಮಲ್​ ಸಿನಿಮಾದಲ್ಲಿ ಹಸಿಬಿಸಿ ದೃಶ್ಯಗಳಲ್ಲಿ ನಟಿಸುವ ಮೂಲಕ ಸಖತ್​ ಸದ್ದು ಮಾಡಿದ ಬಾಲಿವುಡ್​ ಬ್ಯೂಟಿ ತೃಪ್ತಿ ದಿಮ್ರಿ ಇಂದು ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ.

ತೃಪ್ತಿ ಅವರು 1994, ಫೆಬ್ರವರಿ 23 ರಂದು ನವದೆಹಲಿಯಲ್ಲಿ ಜನಿಸಿದರು. ಸದ್ಯ ಅವರ ವಯಸ್ಸು 32. ಇವರು ಉತ್ತರಾಖಂಡ್ ಮೂಲದವರು ಮತ್ತು ಸೈಕಾಲಜಿ ಪದವಿ ಪಡೆದಿದ್ದಾರೆ.

2017ರಲ್ಲಿ ಪೋಸ್ಟರ್​ ಬಾಯ್ಸ್​​ ಮತ್ತು ಮಾಮ್​ ಚಿತ್ರಗಳ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದರು. 2018ರಲ್ಲಿ ತೆರೆಕಂಡ ಲೈಲಾ ಮಜ್ನು ಸಿನಿಮಾದಲ್ಲಿ ಮೊದಲ ಲೀಡ್ ಪಾತ್ರ ಸಿಕ್ಕಿತು.

2020ರ Bulbbul ಮತ್ತು 2022ರ Qala ಚಿತ್ರಗಳಲ್ಲಿ ತಮ್ಮ ನಟನೆಗಾಗಿ ತೃಪ್ತಿ ಪ್ರಶಂಸೆಗೊಳಗಾದರು. ಆದರೆ, 2023ರ ಅನಿಮಲ್​ ಚಿತ್ರದಲ್ಲಿ ರಣಬೀರ್ ಕಪೂರ್ ಜೊತೆಗಿನ ತಮ್ಮ ಪಾತ್ರದಿಂದ ರಾತ್ರೋರಾತ್ರಿ ನ್ಯಾಷನಲ್ ಕ್ರಶ್ ಆದರು.

ಅನಿಮಲ್​ ಸಿನಿಮಾ ಬಳಿಕ ಬ್ಯಾಡ್​ ನ್ಯೂಸ್, ಭೂಲ್​ ಭೂಲಯ್ಯ 3 ಹಾಗೂ ಧಡಕ್​ 2 ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಪ್ರಭಾಸ್ ನಟನೆಯ ಸ್ಪಿರಿಟ್​ ಸಿನಿಮಾ ಮೂಲಕ ಟಾಲಿವುಡ್​ಗೆ ಕಾಲಿಟ್ಟಿದ್ದಾರೆ.

ಇನ್‌ಸ್ಟಾಗ್ರಾಂನಲ್ಲಿ 6 ಮಿಲಿಯನ್‌ಗೂ ಹೆಚ್ಚು ಫಾಲೋವರ್ಸ್ ಇದ್ದು, ಫ್ಯಾಷನ್, ಫೋಟೋಶೂಟ್‌ಗಳು ಮತ್ತು ಗ್ಲಾಮರಸ್ ಲುಕ್‌ಗಳಿಂದಾಗಿ ಅಭಿಮಾನಿಗಳ ಪ್ರೀತಿ ಪಡೆದಿದ್ದಾರೆ.

ಇಂದು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ತೃಪ್ತಿಗೆ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ಇದರ ನಡುವೆ ಅವರ ಹಾಟ್​ ಫೋಟೋಗಳು ಕೂಡ ವೈರಲ್​ ಆಗಿದ್ದು, ಅಭಿಮಾನಿಗಳು ತೃಪ್ತಿಯ ಮೈಮಾಟಕ್ಕೆ ಫಿದಾ ಆಗಿದ್ದಾರೆ.