ಅಸ್ಸಾಂನಿಂದ ಸೌತ್​​​ ಸಿನಿಮಾಗೆ ಭೈರವಿ ಆರ್ಧ್ಯ ಎಂಟ್ರಿ!

ಅಸ್ಸಾಂ ಮೂಲದ ಯುವ ನಟಿ ಭೈರವಿ ಆರ್ಧ್ಯ ಡೇಕಾ ಇದೀಗ ತೆಲುಗು ಚಿತ್ರರಂಗಕ್ಕೆ ನಾಯಕಿಯಾಗಿ ಪಾದಾರ್ಪಣೆ ಮಾಡಿದ್ದಾರೆ. ಅವರ ಮೊದಲ ಸಿನಿಮಾ ಈಗಾಗಲೇ ಸಿನಿಪ್ರಿಯರ ಗಮನ ಸೆಳೆಯುತ್ತಿದೆ.

ಭೈರವಿ ಆರ್ಧ್ಯ ಡೇಕಾ, ಜನಪ್ರಿಯ ಗಾಯಕಿ ಸುನೀತಾ ಅವರ ಪುತ್ರ ಆಕಾಶ್ ಗೋಪರಾಜು ಅಭಿನಯದ 'ಕೊತ್ತ ಮಲುಪು' ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಈ ಸಿನಿಮಾ ಮೂಲಕ ಅವರು ಟಾಲಿವುಡ್‌ಗೆ ಅಧಿಕೃತವಾಗಿ ಪ್ರವೇಶಿಸಿದ್ದಾರೆ.

ಚಿತ್ರದಲ್ಲಿ ಭೈರವಿ ಅವರು 'ವರಲಕ್ಷ್ಮಿ' ಎಂಬ ಹಳ್ಳಿಯ ಹುಡುಗಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಪಾತ್ರಕ್ಕಾಗಿ ಅವರು ವಿಶೇಷವಾಗಿ ತೆಲುಗು ಭಾಷೆ ಕಲಿತು ಅಭಿನಯಿಸಿದ್ದು, ಅವರ ಸಮರ್ಪಣೆಗೆ ಮೆಚ್ಚುಗೆ ವ್ಯಕ್ತವಾಗಿದೆ.

ಚಿತ್ರದ ಪ್ರಚಾರ ಕಾರ್ಯಕ್ರಮಗಳಲ್ಲಿ ಭೈರವಿ ಅವರ ಸಾಂಪ್ರದಾಯಿಕ ಉಡುಗೆ, ಸರಳತೆ ಮತ್ತು ಮುದ್ದಾದ ನೋಟಗಳು ಅಭಿಮಾನಿಗಳ ಮನಗೆದ್ದಿವೆ. ಅವರ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗುತ್ತಿವೆ.

ಬಾಲ್ಯದಿಂದಲೇ ಸಿನಿಮಾಗಳ ಬಗ್ಗೆ ಆಸಕ್ತಿ ಹೊಂದಿದ್ದ ಭೈರವಿ ಆರ್ಧ್ಯ ಡೇಕಾ ಅವರಿಗೆ ಟಾಲಿವುಡ್‌ನಲ್ಲಿ ನಾಯಕಿಯಾಗುವ ಕನಸು ಇತ್ತು. ಇದೀಗ 'ಕೊತ್ತ ಮಲುಪು' ಚಿತ್ರದ ಮೂಲಕ ಆ ಕನಸು ನನಸಾಗಿದ್ದು, ಮುಂದಿನ ದಿನಗಳಲ್ಲಿ ಇನ್ನಷ್ಟು ಅವಕಾಶಗಳ ನಿರೀಕ್ಷೆಯಲ್ಲಿದ್ದಾರೆ.