ಬೋಲ್ಡ್ & ಬ್ಯೂಟಿಫುಲ್ ಅವತಾರದಲ್ಲಿ ಸಾನ್ಯಾ!

ಸಾನ್ಯ ಅಯ್ಯರ್‌ ಕನ್ನಡ ಕಿರುತೆರೆಯ ಜನಪ್ರಿಯ ನಟಿ. ಬಾಲನಟಿಯಾಗಿ ‘ಪುಟ್ಟಗೌರಿ ಮದುವೆ’ ಧಾರಾವಾಹಿಯಲ್ಲಿ ಗೌರಿ ಪಾತ್ರದ ಮೂಲಕ ಅಪಾರ ಜನಪ್ರಿಯತೆ ಗಳಿಸಿದರು. ಎಳನೇ-ಎಂಟನೇ ತರಗತಿಯವರೆಗೆ ಧಾರಾವಾಹಿಯಲ್ಲಿ ನಟಿಸಿದ ಬಳಿಕ ಶಿಕ್ಷಣದತ್ತ ಗಮನಹರಿಸಿದರು.

ಕಿರುತೆರೆಯಲ್ಲಿ ಹೆಸರು ಮಾಡಿದ್ದ ಸಾನ್ಯಾ ಅಯ್ಯರ್‌ ‘ಬಿಗ್‌ಬಾಸ್‌ ಕನ್ನಡ ಒಟಿಟಿ’ ಮೊದಲ ಆವೃತ್ತಿಯಲ್ಲಿ ಸ್ಪರ್ಧಿಯಾಗಿ ಕಾಣಿಸಿಕೊಂಡರು. ಬಳಿಕ ‘ಬಿಗ್‌ಬಾಸ್‌ ಕನ್ನಡ ಸೀಸನ್‌ 9’ಕ್ಕೂ ಪ್ರವೇಶ ಪಡೆದರು. ಅವರ ನೇರ ಮಾತು, ವಿಭಿನ್ನ ವ್ಯಕ್ತಿತ್ವ ಮತ್ತು ಆಟದ ಶೈಲಿ ಪ್ರೇಕ್ಷಕರ ಗಮನ ಸೆಳೆಯಿತು.

ಸಾನ್ಯಾ ‘ಗುಲಾಬ್ ಜಾಮೂನ್’ ಸೇರಿದಂತೆ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದು, ಇಂದ್ರಜಿತ್‌ ಲಂಕೇಶ್‌ ನಿರ್ದೇಶನದ ‘ಗೌರಿ’ ಚಿತ್ರದ ಮೂಲಕ ನಾಯಕಿಯಾಗಿ ಬೆಳ್ಳಿತೆರೆಗೆ ಭರ್ಜರಿ ಎಂಟ್ರಿ ನೀಡಿದರು. ಚಿತ್ರದಲ್ಲಿ ಸಮರ್ಜಿತ್‌ ಲಂಕೇಶ್‌ ಜೊತೆ ನಟಿಸಿದ್ದಾರೆ.

ಸಾನ್ಯಾ ಅಯ್ಯರ್‌ ಬೆಂಗಳೂರಿನಲ್ಲಿ ಜನಿಸಿದ್ದು, ನಟಿ ದೀಪಾ ಅಯ್ಯರ್‌ ಅವರ ಪುತ್ರಿ. ಬಾಲ್ಯದಿಂದಲೇ ಕಲಾವಿದರ ವಾತಾವರಣದಲ್ಲಿ ಬೆಳೆದ ಅವರು ಅಭಿನಯದತ್ತ ಆಕರ್ಷಿತರಾದರು. ಅವರ ಜೀವನದಲ್ಲಿ ತಾಯಿಯ ಪಾತ್ರ ಅತ್ಯಂತ ಪ್ರಮುಖವಾಗಿದ್ದು, ಕಷ್ಟದ ಸಂದರ್ಭಗಳಲ್ಲೂ ತಾಯಿ ಬೆಂಬಲವಾಗಿ ನಿಂತಿದ್ದಾರೆ.

‘ಪುಟ್ಟಗೌರಿ’ ಮೂಲಕ ಬಾಲನಟಿಯಾಗಿ ಪಡೆದ ಜನಪ್ರಿಯತೆಯಿಂದ ಹಿಡಿದು ಬಿಗ್‌ಬಾಸ್‌ ಮೂಲಕ ಮತ್ತಷ್ಟು ಅಭಿಮಾನಿಗಳನ್ನು ಸಂಪಾದಿಸಿರುವ ಸಾನ್ಯಾ, ಇದೀಗ ಸಿನಿಮಾರಂಗದಲ್ಲಿ ತಮ್ಮದೇ ಸ್ಥಾನ ಕಟ್ಟಿಕೊಳ್ಳುವ ಪ್ರಯತ್ನದಲ್ಲಿದ್ದಾರೆ. ನೃತ್ಯ ರಿಯಾಲಿಟಿ ಶೋಗಳಲ್ಲೂ ಭಾಗವಹಿಸಿರುವ ಅವರು, ಮುಂದಿನ ದಿನಗಳಲ್ಲಿ ವಿಭಿನ್ನ ಪಾತ್ರಗಳ ಮೂಲಕ ಗಮನ ಸೆಳೆಯುವ ನಿರೀಕ್ಷೆಯಿದೆ.