ಊಟವಾದ ಬಳಿಕ ಈ ಐದು ತಪ್ಪು ಮಾಡಬೇಡಿ

ಎಷ್ಟೇ ಪೌಷ್ಠಿಕಾಂಶ ಆಹಾರವನ್ನು ಸೇವನೆ ಮಾಡಿದರೂ ಸಹ ತಿಂದ ನಂತರ ಅದು ಜೀರ್ಣವಾಗಲು, ದೇಹಕ್ಕೆ ಪೂರಕವಾದ ಅಂಶವನ್ನು ಕಳುಹಿಸಿ, ಬೇಡವಾದದನ್ನು ತೆಗೆದು ಹಾಕಲು ಸಮಯ ಹಿಡಿಯುತ್ತದೆ. ಆದರೆ, ಊಟವಾದ ಬಳಿಕ ಮಲಗೋದು ನೀರು ಕುಡಿಯುವ ಅಭ್ಯಾಸವನ್ನು ಹಲವರು ಹೊಂದಿರುತ್ತಾರೆ. ಇದು ಹೊಟ್ಟೆ ಉಬ್ಬರ, ಎದೆಯುರಿ, ಅಸಿಡಿಟಿ ಕಾರಣವಾಗಬಹುದು ಎಂದು ಹೇಳುತ್ತಾರೆ ಆರೋಗ್ಯ ತಜ್ಞರು.

ಊಟವಾದ ಬಳಿಕ ನೀರು ಕುಡಿಯುವ ಅಭ್ಯಾಸವನ್ನು ಹಲವರು ಹೊಂದಿರುತ್ತಾರೆ. ಆದರೆ ಇದು ತಪ್ಪು. ಹೆಚ್ಚಾಗಿ ನೀರು ಕುಡಿದರೆ ಹೊಟ್ಟೆ ತುಂಬಿದಂತೆ ಭಾಸವಾಗಿ ಉಬ್ಬರಕ್ಕೆ ಕಾರಣವಾಗಬಹುದು. ತೀರ ಅಗತ್ಯವಿದ್ದರೆ ಕಡಿಮೆ ಪ್ರಮಾಣದಲ್ಲಿ ನೀರು ಸೇವನೆ ಮಾಡಬಹುದು.

ತಿಂದ ಕೂಡಲೇ ಮಲಗೋದು ಅಥವಾ ನಿದ್ದೆ ಬದಂತೆ ಆಗೋದು ಸಾಮಾನ್ಯ. ಆದರೆ ಎಂದಿಗೂ ಆ ತಪ್ಪನ್ನು ಮಾಡಬೇಡಿ. ಇದರಿಂದ ಎದೆಯುರಿ ಹಾಗೂ ಜೀರ್ಣಕ್ರಿಯೆ ಉಂಟಾಗುತ್ತದೆ. ಊಟವಾದ ಬಳಿ 2-3 ಗಂಟೆ ಎಚ್ಚರದಿಂದ ಇರುವ ಅಭ್ಯಾಸವನ್ನು ರೂಢಿಸಿಕೊಳ್ಳಿ.

ಊಟ ಆದ ಬಳಿಕ 2ರಿಂದ 1ಗಂಟೆ ಯಾವುದೇ ಜಿಮ್​​ ಅಥವಾ ವ್ಯಾಯಾಮ ಮಾಡಬೇಡಿ ಇದರಿಂದ ವಾಕರಿಕೆಯಾದಂತೆ ಹಾಗೂ ಅಜೀರ್ಣ ಉಂಟಾಗಬಹುದು

ತಿಂದ ಬಳಿಕ ಧೂಮಪಾನ ಮಾಡುವುದರಿಂದ ಹೊಟ್ಟೆಯ ಒಳಪದರವನ್ನು ಹಾಳು ಮಾಡಿ, ಜೀರ್ಣಕ್ರಿಯೆಗೆ ಸಮಸ್ಯೆಯನ್ನುಂಟು ಮಾಡುತ್ತದೆ.

ಹೊಟ್ಟೆಗೆ ಅಗತ್ಯಕ್ಕಿಂತ ಹೆಚ್ಚಾಗಿ ಊಟ ಮಾಡುವುದರಿಂದ ಅಜೀರ್ಣವಾಗಿ ನಿರಾಯಸ ಹಾಗೂ ಕೆಲಸದ ಮೇಲೆ ತಾತ್ಸಾರವಾಗುವಂತೆ ಮಾಡುತ್ತದೆ. ಇದರಿಂದ ತೂಕ ಹೆಚ್ಚಾಗುವ ಸಾಧ್ಯತೆಯೂ ಇರಬಹುದು ಎನ್ನಲಾಗಿದೆ.

ಊಟವಾದ ಬಳಿಕ ವಾಕ್​ ಮಾಡಬಹುದು. ಆದರೆ ಮೊಬೈಲ್​ ನೋಡೋದು ಬೇಡ. ಊಟವಾದ ಒಂದರಿಂದ 2 ಗಂಟೆ ಬಳಿಕ ಹಣ್ಣನ್ನು ಸೇವಿಸುವ ಅಭ್ಯಾಸ ಮಾಡಿಕೊಳ್ಳಿ. ನಿತ್ಯವೂ ಒಂದೇ ಸಮಯಕ್ಕೆ ಆಹಾರ ಸೇವನೆ ಮಾಡುವ ಅಭ್ಯಾಸವಿರಲಿ.