''ಬ್ಲ್ಯೂ'' ಮ್ಯಾಜಿಕ್​ ಮಾಡಿದ ಆಶಿಕಾ ರಂಗನಾಥ್​​

ಮಾಸ್ ಲೀಡರ್, ಮುಗುಳು ನಗೆ, ರಾಜು ಕನ್ನಡ ಮೀಡಿಯಂ, ರಾಂಬೋ-2, ಗರುಡ, ತಾಯಿಗೆ ತಕ್ಕ ಮಗ, ಅವತಾರ ಪುರುಷ ಭಾಗ 1 ಮತ್ತು ಭಾಗ 2, ಮದಗಜ, ರೆಮೋ, ಹೀಗೆ ಹೊಸಬರ ಮತ್ತು ಹಳಬರ ಚಿತ್ರಗಳಲ್ಲಿ ಅವಕಾಶ ಪಡೆಯುತ್ತಲೇ, ಕನ್ನಡದ ಬೇಡಿಕೆಯ ನಾಯಕಿ ಆಶಿಕಾ ಬ್ಲ್ಯೂ ಲೆಹೆಂಗಾ ತೊಟ್ಟು ಮಿಂಚಿದ್ದಾರೆ.

ಬ್ಲ್ಯೂ ಲೆಹೆಂಗಾ ತೊಟ್ಟು ಆಶಿಕಾ ರಂಗನಾಥ್ ಹೊಚ್ಚ ಹೊಸ ಫೋಟೊ ಶೇರ್​​ ಮಾಡಿಕೊಂಡಿದ್ದು, ಅನೇಕರ ಕಣ್ಮನ ಸೆಳೆಯುತ್ತಿದ್ದಾರೆ.

ಸಹಜ ಸೌಂದರ್ಯದಿಂದ ಅನೇಕರ ಹೃದಯವನ್ನು ಗೆದ್ದ ಬೆಡಗಿ. ಇದಕ್ಕೆ ಕೈಗನ್ನಡಿ ಎಂಬಂತೆ ಇರುವ ಈ ನಯಾ ಭಾವಚಿತ್ರಗಳನ್ನು ನೋಡಿದ ಅನೇಕರು ಆಶಿಕಾ ಅವರಿಗೆ ಸಹಜ ಸುಂದರಿ ಎಂಬ ಬಿರುದನ್ನು ಕೂಡ ನೀಡುತ್ತಿದ್ದಾರೆ.

ಆಶಿಕಾ ರಂಗನಾಥ್ ಈಗ ಕೇವಲ ಕನ್ನಡ ನಾಯಕಿಯಲ್ಲ. ತ್ರಿಭಾಷಾ ನಟಿ ಕೂಡ ಹೌದು. ಪಟ್ಟತ್ತು ಅರಸನ್ ಮೂಲಕ ತಮಿಳು ಚಿತ್ರರಂಗವನ್ನು ಪ್ರವೇಶಿಸಿದ್ದ ಆಶಿಕಾ ಆ ನಂತರ ಅಮಿಗೊಸ್ ಚಿತ್ರದ ಮೂಲಕ ತೆಲುಗು ಚಿತ್ರರಂಗಕ್ಕೆ ಪಾದಾರ್ಪಣೆಯನ್ನು ಮಾಡಿದರು.

ಅಮಿಗೊಸ್ ನಂತರ ನಾ ಸಾಮಿ ರಂಗ ಚಿತ್ರದಲ್ಲಿ ನಾಗಾರ್ಜುನ ಜೊತೆ ತೆರೆ ಹಂಚಿಕೊಂಡ ಆಶಿಕಾ ಆ ನಂತರ ಮಿಸ್ ಯೂ ಎಂಬ ತಮಿಳು ಚಿತ್ರವನ್ನು ಕೂಡ ಮಾಡಿದರು.