ಸೀರೆಯಲ್ಲಿ 'ಅನನ್ಯಾ' ನೋಟ

ನೀಲಿ ಬಣ್ಣದ ಜರಿ ಸೀರೆ, ಬನ್​ ಮಾಡಿದ ಕೂದಲು ಅದಕ್ಕೊಂದಷ್ಟು ಕಾಡಿನದ್ದು ಎನಿಸುವ ಹೂಗಳು ಹಾಗೂ ಸಿಂಪಲ್​ ಮೇಕಪ್​​ ಬಾಲಿವುಡ್​ ತಾರೆ ಅನನ್ಯಾ ಪಾಂಡೆ ಅವರ ಅಂದವನ್ನು ಮತ್ತಷ್ಟು ಹೆಚ್ಚಿಸಿದೆ. ಅವರ ಈ ಫೋಟೋಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ಸದ್ಯ ಸೋಶಿಯಲ್​ ಮೀಡಿಯಾದಲ್ಲಿ ಸಕ್ರಿಯರಾಗಿರುವ ಅವರು, ಇನ್​ಸ್ಟಾದಲ್ಲಿ ಹೊಸ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಸೀರೆಯಲ್ಲಿ ಮಿಂಚುತ್ತಿರುವ ಅವರಿಗೆ ಸಾಕಷ್ಟು ಪ್ರಶಂಸೆ ಸಿಕ್ಕಿದೆ. ವಾವ್​ ನೀವು ಸೀತಾ ಆಗಿ ನಟನೆ ಮಾಡಬೇಕಿತ್ತು, ಕ್ಯೂಟಿ, ಬ್ಯೂಟಿ ಎಂದು ಫ್ಯಾನ್ಸ್​ ಕಾಮೆಂಟ್ ಮಾಡುತ್ತಿದ್ದಾರೆ.

ಇತ್ತೀಚೆಗೆ ಅನನ್ಯಾ ಅವರ ಚಾಂದ್ ಮೇರ ದಿಲ್​ ಸಿನಿಮಾ ರಿಲೀಸ್ ಆಗಿತ್ತು. ಸಿನಿಮಾದ ತುಣುಕೊಂದರಲ್ಲಿ ಅವರು ಭರತನಾಟ್ಯ ನೃತ್ಯ ಮಾಡುತ್ತಾರೆ. ಈ ಬಗ್ಗೆ ಡ್ಯಾನ್ಸರ್ಸ್​ ಕಿಡಿಕಾರಿದ್ದರು. ಇದು ಭರತನಾಟ್ಯದಂತಿಲ್ಲ ಐಟಂ ಸಾಂಗ್​ಗೆ ಡ್ಯಾನ್ಸ್​ ಮಾಡಿದಂತಿದೆ ಎಂದಿದ್ದರು. ಸೋಶಿಯಲ್​ ಮೀಡಿಯಾದಲ್ಲಿ ಅವರ ಈ ಡ್ಯಾನ್ಸ್​ ಪರಿ ಬಾರಿ ಟೀಕೆಗೆ ಗುರಿಯಾಗಿತ್ತು.

ಅನನ್ಯಾ ಅವರು ನಿರಂತರ ಟ್ರೋಲ್​ ಆಗುತ್ತಿದ್ದ ಬೆನ್ನಲ್ಲೇ ಮಾತನಾಡಿದ್ದ ಚಂಕಿ ಪಾಂಡೆ ಜನರು ಭರತನಾಟ್ಯ ನೃತ್ಯದ ಈ ದೃಶ್ಯದ ಬಗ್ಗೆ ತಪ್ಪಾಗಿ ಅರ್ಥೈಸಿಕೊಂಡಿದ್ದಾರೆ. ಇದು ಸಂಪೂರ್ಣ ಭರತನಾಟ್ಯ ಶೈಲಿಯಲ್ಲ. ಇದು ಪ್ಯೂಶನ್ ಡ್ಯಾನ್ಸ್ ಆಗಿತ್ತು ಎಂದು ಸಮರ್ಥಿಸಿಕೊಂಡಿದ್ದರು.

ಅನನ್ಯಾ ಅವರು ಸ್ಟೂಡೆಂಟ್ ಆಫ್​ ದಿ ಇಯರ್ 2 ಸಿನಿಮಾ ಮೂಲಕ ಬಾಲಿವುಡ್​ ಸಿನಿಮಾರಂಗಕ್ಕೆ ಕಾಲಿಟ್ಟರು. ನಂತರ ಪತಿ ಪತ್ನಿ ಔರ್​ ದೋ ಸಿನಿಮಾದಲ್ಲಿ ನಟಿಸಿದರು. ಖಾಲಿ ಪೀಲಿ, ಗೆಹ್ರಯಾನ್​​, ಡ್ರೀಮ್​ ಗರ್ನ್​ ಖೋ ಗಯೇ ಹಮ್​ ಕಹಾನ್​​, ಚಾಂದ್​ ಮೇರ ದಿಲ್​ ಸಿನಿಮಾದಲ್ಲಿ ನಟಿಸಿದ್ದರು.

ಟಾಲಿವುಡ್​ ನಟ ವಿಜಯ್​ ದೇವರಕೊಂಡ ಅವರ ನಟನೆಯ ಲೈಗರ್​ನಲ್ಲಿ ಅನನ್ಯಾ ಪಾಂಡೆ ನಟಿಸಿದ್ದರು. ಆದರೆ ಸಿನಿಮಾ ಬೆಳ್ಳಿ ತೆರೆ ಮೇಲೆ ಮತ್ತು ಓಟಿಟಿಯಲ್ಲಿ ಅಷ್ಟಾಗಿ ಹಿಟ್ ಕಂಡಿಲ್ಲ. ಇತ್ತೀಚೆಗೆ ನೀಟ್​ ವಿಚಾರವಾಗಿ ಜೆನ್​ ಜಿ ನಡೆಸಿದ ಪ್ರತಿಭಟನೆಯನ್ನು ಅನನ್ಯಾ ಪ್ರಶಂಸಿದ್ದರು.