ದೇವಲೋಕದ ಅಪ್ಸರೆ ಐಶ್ವರ್ಯಾ ರೈ!

79ನೇ ಕೇನ್ಸ್​ ಫಿಲ್ಮ್ ಫೆಸ್ಟಿವಲ್‌ನ ಸಮಾರೋಪ ಸಮಾರಂಭದಲ್ಲಿ ಬಾಲಿವುಡ್‌ನ ವಿಶ್ವ ಸುಂದರಿ ಐಶ್ವರ್ಯಾ ರೈ ಬಚ್ಚನ್ ತಮ್ಮ ಅಪ್ರತಿಮ ಫ್ಯಾಷನ್ ಪ್ರಯೋಗದ ಮೂಲಕ ಎಲ್ಲರ ಹುಬ್ಬೇರಿಸಿದ್ದಾರೆ. ಗೌನ್‌ಗಳ ಶೈಲಿಗೆ ಬ್ರೇಕ್ ಹಾಕಿ, ಈ ಬಾರಿ ಅವರು ಧರಿಸಿದ್ದ ಬಿಳಿ ಬಣ್ಣದ ಫೆದರ್ ಪ್ಯಾಂಟ್‌ಸೂಟ್, ಈ ಬಾರಿ ಅವರು ಧರಿಸಿದ್ದ ಬಿಳಿ ಬಣ್ಣದ ಫೆದರ್ ಪ್ಯಾಂಟ್‌ಸೂಟ್ ರೆಡ್ ಕಾರ್ಪೆಟ್ ಮೇಲೆ ದೇವಲೋಕದ ಅಪ್ಸರೆಯಂತೆ ಕಂಡರು

ಖ್ಯಾತ ಫ್ಯಾಷನ್ ಸ್ಟೈಲಿಸ್ಟ್ ಮೋಹಿತ್ ರೈ ಅವರ ಪರಿಕಲ್ಪನೆಯಲ್ಲಿ ಮೂಡಿಬಂದ ಐಶ್ವರ್ಯಾ ರೈ ಅವರ ಈ ಲುಕ್ ಕೇನ್ಸ್​ ರೆಡ್​ ಕಾರ್ಪೆಟ್ ಮೇಲೆ ಸಖತ್ ಮೋಡಿ ಮಾಡಿತ್ತು. ಅವರು ಧರಿಸಿದ್ದ ಬಿಳಿ ಬಣ್ಣದ ಬ್ಲೇಜರ್ ಮತ್ತು ಸಿಲ್ವೆಟ್ ಪ್ಯಾಂಟ್‌ಗಳ ವಿನ್ಯಾಸವು ಚೀನೀ ಸಂಸ್ಕೃತಿಯ ಸಾಂಪ್ರದಾಯಿಕ ಕಲೆ ಹಾಗೂ ಆಧುನಿಕ ಶೈಲಿಯ ಅಪೂರ್ವ ಮಿಶ್ರಣವಾಗಿತ್ತು.

ಬಿಳಿ ಬಣ್ಣದ ಫೆದರ್ ಪ್ಯಾಂಟ್‌ಸೂಟ್​ನ ಹಿಂಭಾಗದಲ್ಲಿ ಡ್ರ್ಯಾಟಿಕ್ ಆದ ಟ್ರೇನ್ ಶೈಲಿಯ ವಿನ್ಯಾಸವಿದ್ದು, ಅದು ನೆಲದ ಮೇಲೆ ಹರಡಿಕೊಳ್ಳುತ್ತಿದ್ದದ್ದು ಐಶ್ವರ್ಯಾ ರೈ ದೇವತೆಯಂತೆ ಕಾಣುವಂತೆ ಮಾಡಿತ್ತು.

ಐಶ್ವರ್ಯಾ ಅವರು ಈ ಬಿಳಿ ಕೌಚರ್ ಔಟ್‌ಫಿಟ್‌ಗೆ ಪೂರಕವಾಗಿ ತಮ್ಮ ಕೂದಲನ್ನು ಮಧ್ಯದಲ್ಲಿ ಭಾಗ ಮಾಡಿ, ಸಾಫ್ಟ್ ಕರ್ಲ್ಸ್ ಬಿಟ್ಟಿದ್ದರು. ಕಣ್ಣುಗಳಿಗೆ ಗಾಢವಾದ ಸ್ಮೋಕಿ ಐ ಮೇಕಪ್ ನೀಡಿ ತಮ್ಮ ಲುಕ್ ಪೂರ್ಣಗೊಳಿಸಿದ್ದರು.

ಐಶ್ವರ್ಯಾ ರೈ ಅವರು ಇದಕ್ಕೂ ಮುನ್ನ ಅಮಿತ್ ಅಗರ್ವಾಲ್ ಅವರ ಹ್ಯಾಂಡ್‌ಕ್ರಾಫ್ಟೆಡ್ 'ಲುಮಿನಾರಾ' ಕೌಚರ್ ಧರಿಸಿ ಜಾಗತಿಕ ವೇದಿಕೆಯಲ್ಲಿ ಸದ್ದು ಮಾಡಿದ್ದರು. 'ಬೆಳಕಿನ ಚಲನೆ'ಯ ಪರಿಕಲ್ಪನೆಯಡಿ ತಯಾರಾದ ಈ ನೀಲಿ ಆಫ್-ಶೋಲ್ಡರ್ ಗೌನ್ ಅನ್ನು ಬರೋಬ್ಬರಿ 1,500 ಗಂಟೆಗಳ ಕಾಲ ಹಗಲಿರುಳು ಶ್ರಮಿಸಿ ಕೈಯಿಂದಲೇ ವಿನ್ಯಾಸಗೊಳಿಸಲಾಗಿತ್ತು.

ಮಗಳು ಆರಾಧ್ಯ ಜೊತೆಗೆ ಐಶ್ವರ್ಯಾ ರೈ ಬಚ್ಚನ್ ಅವರು ಜಾಗತಿಕ ಮಟ್ಟದ ಪ್ರಸಿದ್ಧ ಬ್ರ್ಯಾಂಡ್ 'ಸೋಫಿ ಕೌಚರ್' ವಿನ್ಯಾಸಗೊಳಿಸಿದ ಅದ್ಭುತ ಪೌಡರ್ ಪಿಂಕ್ ಗೌನ್ ಧರಿಸಿ ಮಿಂಚಿದ್ದರು. ಫ್ಯಾಷನ್ ಪ್ರಿಯರ ಕಣ್ಣು ಕೋರೈಸುವಂತಿದ್ದ ಈ ಆಕರ್ಷಕ ಗೌನ್‌ನ ಅಧಿಕೃತ ಬೆಲೆ ಬರೋಬ್ಬರಿ 3,700 ಯುಎಸ್ ಡಾಲರ್. ಇದನ್ನು ಭಾರತೀಯ ಕರೆನ್ಸಿಗೆ ಹೋಲಿಸಿದರೆ ಸುಮಾರು 3,54,163 ರೂಪಾಯಿಗಳು ಆಗುತ್ತದೆ.

ಈ ಬಾರಿ ಕೇನ್ಸ್​​ನಲ್ಲಿ ಮಗಳು ಆರಾಧ್ಯಾ ಬಚ್ಚನ್ ಎಲ್ಲರ ಗಮನ ಸೆಳೆದರು. ಐಶ್ವರ್ಯಾ ಅವರ ಪೌಡರ್ ಪಿಂಕ್ ಲುಕ್‌ಗೆ ತಕ್ಕಂತೆ, ಆರಾಧ್ಯಾ ಗಾಢ ಕೆಂಪು ಬಣ್ಣದ ಅದ್ಭುತ ಗೌನ್ ಮತ್ತು ಅದಕ್ಕೆ ಹೊಂದಿಕೆಯಾಗುವ ಕೆಂಪು ಕೇಪ್ ಧರಿಸಿ ರೆಡ್ ಕಾರ್ಪೆಟ್‌ಗೆ ಗ್ಲಾಮರ್ ಸ್ಪರ್ಶ ನೀಡಿದರು. ತಾಯಿ-ಮಗಳಿಬ್ಬರೂ ಜೊತೆಯಾಗಿ ಕ್ಯಾಮೆರಾಗಳಿಗೆ ಪೋಸ್ ನೀಡಿದರು.