ಧುರಂಧರ್ ಬ್ಯೂಟಿ ಸಾರಾ

ಬಾಲಿವುಡ್​ ಬ್ಲಾಕ್​ಬಸ್ಟರ್​ ಧುರಂಧರ್​ ಸಿನಿಮಾದಲ್ಲಿ ನಟಿಸಿರುವ ನಟಿ ಸಾರಾ ಅರ್ಜುನ್​ ಅವರು ಸೀರೆಯುಟ್ಟು ಕ್ಯಾಮೆರಾಗೆ ಪೋಸ್​ ನೀಡಿರುವ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗುತ್ತಿವೆ.

ಸಾರಾ ಅರ್ಜುನ್​ ಅವರು 2005, ಜೂನ್ 18ರಂದು ಮುಂಬೈನಲ್ಲಿ ಜನಿಸಿದರು. ಅವರ ತಂದೆ ರಾಜ್ ಅರ್ಜುನ್ (ನಟ) ಮತ್ತು ತಾಯಿ ಸಾನ್ಯಾ ಅರ್ಜುನ್ (ಕಥಕ್ ನೃತ್ಯಗಾರ್ತಿ). ಸಿನಿಮಾ ಮತ್ತು ಕಲೆಯ ಪರಿಸರದಲ್ಲಿ ಬೆಳೆದಿದ್ದಾರೆ.

ತುಂಬಾ ಚಿಕ್ಕ ವಯಸ್ಸಿನಿಂದಲೇ (ಸುಮಾರು 1 ರಿಂದ 2 ವರ್ಷ) ಜಾಹೀರಾತುಗಳಲ್ಲಿ ಕಾಣಿಸಿಕೊಂಡರು. 100ಕ್ಕೂ ಹೆಚ್ಚು ಜಾಹೀರಾತುಗಳಲ್ಲಿ ನಟಿಸಿ, ಭಾರತದ ಅತ್ಯಂತ ಗುರುತಿಸಲ್ಪಟ್ಟ ಬಾಲನಟಿಯರಲ್ಲಿ ಒಬ್ಬರಾದರು.

2011ರಲ್ಲಿ ತೆರೆಕಂಡ ತಮಿಳು ಚಿತ್ರ ದೈವ ತಿರುಮಗಲ್​ನಲ್ಲಿ ನಟ ವಿಕ್ರಮ್‌ ಅವರ ಮಗಳ ಪಾತ್ರದಲ್ಲಿ ಅದ್ಭುತ ನಟನೆ ಮಾಡಿ ದೊಡ್ಡ ಮೆಚ್ಚುಗೆ ಪಡೆದರು. ಈ ಸಿನಿಮಾ ಸಾರಾ ಅವರಿಗೆ ಎಲ್ಲಿಲ್ಲದ ಖ್ಯಾತಿ ತಂದುಕೊಟ್ಟಿತು.

ಸೈವಂ, ಜೈ ಹೋ, ಪೊನ್ನಿಯಿನ್ ಸೆಲ್ವನ್​, ಏಕ್ ಲಡ್ಕಿ ಕೋ ದೇಖಾ ತೋ ಐಸಾ ಲಗಾ ಮುಂತಾದ ಚಿತ್ರಗಳಲ್ಲಿ ಬಾಲನಟಿಯಾಗಿ ನಟಿಸಿದ್ದಾರೆ. ತಮಿಳು, ಹಿಂದಿ, ತೆಲುಗು, ಮಲಯಾಳಂ ಭಾಷೆಗಳಲ್ಲಿ ಕೆಲಸ ಮಾಡಿದ್ದಾರೆ.

2025ರ ಡಿಸೆಂಬರ್​ 5ರಂದು ಬಿಡುಗಡೆಯಾದ ಧುರಂಧರ್ ಚಿತ್ರದ ಮೂಲಕ ರಣವೀರ್ ಸಿಂಗ್​ಗೆ ನಾಯಕಿಯಾಗಿ ಬೆಳ್ಳಿತೆರೆಯಲ್ಲಿ ಮಿಂಚಿದರು. ಮೊದಲ ಸಿನಿಮಾವೇ ಭರ್ಜರಿ ಯಶಸ್ಸು ಗಳಿಸಿತು.

20 ವರ್ಷದ ಹರೆಯದಲ್ಲಿ ಭಾರತದ ಅತ್ಯಂತ ಜನಪ್ರಿಯ ಯುವ ನಟಿಯರಲ್ಲಿ ಒಬ್ಬರಾಗಿದ್ದಾರೆ. IMDb ಜನಪ್ರಿಯತೆಯಲ್ಲಿ ಕೆಲವೊಮ್ಮೆ ಟಾಪ್ ಸ್ಥಾನಗಳನ್ನು ಪಡೆದಿದ್ದಾರೆ. ಇನ್‌ಸ್ಟಾಗ್ರಾಂನಲ್ಲಿ 20 ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಇದ್ದಾರೆ.

ಇದೀಗ ಸಾರಾ ಅವರು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಒಂದಿಷ್ಟು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಕಪ್ಪು ಬಣ್ಣದ ರವಿಕೆ ಮತ್ತು ಹೊಳೆಯುವ ಸೀರೆ ಧರಿಸಿ, ವಿವಿಧ ಭಂಗಿಗಳಲ್ಲಿ ಕ್ಯಾಮೆರಾಗೆ ಪೋಸ್​ ನೀಡಿದ್ದು, ಫೋಟೋಗಳು ವೈರಲ್ ಆಗುತ್ತಿವೆ.