ವಿಜಯವಾಣಿ ಸುದ್ದಿ ಜಾಲ
ತೆಲುಗು ಹಾಗೂ ದಕ್ಷಿಣ ಭಾರತ ಚಿತ್ರರಂಗದ ಉದಯೋನ್ಮುಖ ನಟಿ ದಿವಿ ವಡ್ತ್ಯಾ ( Actress Divi ) ತಮ್ಮ ಹೊಸ ಹಾಟ್ ಫೋಟೋಗಳ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದ್ದಾರೆ.
ಇತ್ತೀಚೆಗೆ ಗೋವಾದಲ್ಲಿ ನಡೆದ ಹಾಲಿವುಡ್ ಮಾದರಿಯ 'ಹಾಲೋವೀನ್' ಆಚರಣೆಯ ಕಲ್ಚರಲ್ ಪಾರ್ಟಿಯಲ್ಲಿ ಭಾಗವಹಿಸಿದ್ದ ದಿವಿ, ಗ್ಲಾಮರಸ್ ಫೋಟೋಗಳನ್ನು ಇನ್‌ಸ್ಟಾದಲ್ಲಿ ಹಂಚಿಕೊಳ್ಳುವ ಮೂಲಕ ಮತ್ತೆ ನೆಟ್ಟಿಗರ ಗಮನಸೆಳೆದಿದ್ದಾರೆ.
ಗೋವಾದ ಪ್ರಶಾಂತ ವಾತಾವರಣದ ನಡುವೆ ಆರೆಂಜ್ ಬಣ್ಣದ ಹಾಲ್ಟರ್ ನೆಕ್ ಔಟ್‌ಫಿಟ್ ಧರಿಸಿ ಪೋಸ್ ನೀಡಿರುವ ಅವರ ಚಿತ್ರಗಳು ವೈರಲ್ ಆಗಿವೆ.
ದಿವಿ ಅವರು ಬಿಗ್ ಬಾಸ್ ತೆಲುಗು ಸೀಸನ್ 4ರ ಸ್ಪರ್ಧಿಯಾಗಿ ಬಿಗ್‌ಬಾಸ್ ಮನೆ ಪ್ರವೇಶಿಸಿ, ತಮ್ಮ ನೈಜ ಆಟ, ವೈಯಕ್ತಿಕ ನಡೆ ಹಾಗೂ ಸೌಂದರ್ಯದಿಂದ ಪ್ರೇಕ್ಷಕರ ಮನಗೆದ್ದು ಮನೆಮಾತಾದರು.
ಬಿಗ್ ಬಾಸ್‌ಗೆ ಬರುವ ಮುನ್ನವೇ ಸೂಪರ್‌ಸ್ಟಾರ್ ಮಹೇಶ್ ಬಾಬು ಅಭಿನಯದ 'ಮಹರ್ಷಿ' ಸಿನಿಮಾದಲ್ಲಿ ಸಣ್ಣ ಹಾಗೂ ಪ್ರಮುಖ ಪಾತ್ರದಲ್ಲಿ ನಟಿಸಿ ಗುರುತಿಸಿಕೊಂಡಿದ್ದರು.
ತೆಲುಗಿನ ಗಾಡ್‌ಫಾದರ್, ರುದ್ರಂಗಿ, ಎ1 ಎಕ್ಸ್‌ಪ್ರೆಸ್, ಲಂಬಸಿಂಗಿ ಹಾಗೂ ಡಾಕು ಮಹಾರಾಜ ನಂತಹ ಹಲವು ಚಲನಚಿತ್ರಗಳಲ್ಲಿ ವೈವಿಧ್ಯಮಯ ಪಾತ್ರಗಳನ್ನು ನಿರ್ವಹಿಸಿ ಸೈ ಎನಿಸಿಕೊಂಡಿದ್ದಾರೆ.
ಕೇವಲ ಬೆಳ್ಳಿಪರದೆಗೆ ಸೀಮಿತವಾಗದೆ, ಒಟಿಟಿ ಅಂಗಳದಲ್ಲೂ ಭಾರಿ ಬೇಡಿಕೆ ಹೊಂದಿರುವ ದಿವಿ, 'ಆಹಾ' (Aha) ಹಾಗೂ ಇತರೆ ಜನಪ್ರಿಯ ವೇದಿಕೆಗಳಲ್ಲಿ ಹರಿದುಬಂದ 'ಎಸ್‌ಎಸ್‌ಎಚ್' (Sshhh) ಸೀಸನ್ ಸೇರಿದಂತೆ ಹಲವು ವೆಬ್ ಸರಣಿಗಳಲ್ಲಿ ನಟಿಸಿದ್ದಾರೆ.
ದಿವಿ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಮಿಲಿಯನ್‌ಗಟ್ಟಲೆ ಫಾಲೋವರ್ಸ್ ಹೊಂದಿದ್ದು, ಕೇವಲ ಗ್ಲಾಮರಸ್ ಫೋಟೋಶೂಟ್‌ಗಳಷ್ಟೇ ಅಲ್ಲದೆ ಟ್ರೆಂಡಿಂಗ್ ಫ್ಯಾಷನ್ ಪ್ರಯೋಗಗಳಿಂದ ನೆಟ್ಟಿಗರಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ.
ವೃತ್ತಿಜೀವನದ ಆರಂಭದಲ್ಲಿ ಮಾಡೆಲಿಂಗ್ನಲ್ಲಿ ಗುರುತಿಸಿಕೊಂಡಿದ್ದ ದಿವಿ, ತಮ್ಮ ಆಕರ್ಷಕ ಎತ್ತರ ಮತ್ತು ಫ್ಯಾಷನ್ ಸೆನ್ಸ್ ಮೂಲಕ ಸಿನಿರಂಗಕ್ಕೆ ಪಾದಾರ್ಪಣೆ ಮಾಡಿ ಯಶಸ್ವಿ ನಟಿಯಾಗಿ ಬೆಳೆಯುತ್ತಿದ್ದಾರೆ.