ಸಿಂಗಾಪುರದಲ್ಲಿ ಮಿಂಚಿದ ಅಮೋಘಾ

ವಿಜಯವಾಣಿ ಸುದ್ದಿಜಾಲ ಕಲಬುರಗಿ
ಎಡಿಫೈ ಇಂಟರ್ ನ್ಯಾಷನಲ್ ಶಾಲೆಯ ೩ನೇ ತರಗತಿ ವಿದ್ಯಾರ್ಥಿನಿ ಅಮೋಘಾ ಬೀದರಕರ್ ಸಿಂಗಾಪುರದಲ್ಲಿ ನಡೆದ ೧೬ನೇ ಏಷ್ಯಾ ಪೆಸಿಫಿಕ್ ಷಿತಾರೊಯು ೩೦ ಕೆಜಿ ವಿಭಾಗದ ಕರಾಟೆ ಚಾಂಪಿಯನ್‌ಶಿಪ್‌ನಲ್ಲಿ ಕಂಚಿನ ಪದಕ ಪಡೆದಿದ್ದಾರೆ.
೯ ವರ್ಷದ ಅಮೋಘಾ ಕಳೆದ ಎರಡು ವರ್ಷದಿಂದ ಕರಾಟೆ ತರಬೇತಿ ಪಡೆಯುತ್ತಿದ್ದು, ಅಖಿಲ ಭಾರತ ಷಿತಾರೊಯು ಕರಾಟೆ ಯೂನಿಯನ್‌ನಿಂದ ಆಯೋಜಿಸಿದ್ದ ಜಿಲ್ಲಾ ಮಟ್ಟದ ಮತ್ತು ಮೈಸೂರಿನಲ್ಲಿ ನಡೆದ ರಾಷ್ಟçಮಟ್ಟದ ಕರಾಟೆ ಸ್ಪರ್ಧೆಯಲ್ಲಿ ಉತ್ತಮ ಪ್ರದರ್ಶನ ತೋರಿ, ಸಿಂಗಾಪುರದಲ್ಲಿ ನಡೆಯುವ ಸ್ಪರ್ಧೆಗೆ ಆಯ್ಕೆಯಾಗಿದ್ದಳು. ನ.೨೭ರಿಂದ ಸಿಂಗಾಪುರದಲ್ಲಿ ಸ್ಪರ್ಧೆ ಆರಂಭವಾಗಿದ್ದು, ೩೦ ಕೆಜಿ ವಿಭಾಗದಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿ ಕಂಚಿನ ಪದಕಕ್ಕೆ ಭಾಜನವಾಗಿದ್ದಾಳೆ. ಈ ಸ್ಪರ್ಧೆಯಲ್ಲಿ ತೈವಾನ್, ಜಪಾನ್, ಫಿಲಿಫೈನ್ ಸೇರಿ ವಿವಿಧ ರಾಷ್ಟçಗಳ ಕರಾಟೆ ಪಟುಗಳು ಭಾಗವಹಿಸಿದ್ದರು.
ಅಮೋಘಾಳ ಸಾಧನಗೆ ಶಾಲೆಯ ಆಡಳಿತ ಮಂಡಳಿ, ಪ್ರಾಂಶುಪಾಲರು, ಸತೀಶಕುಮಾರ, ಡಾ.ಮಹೇಶ ಕುಮಾರ ಬೀದರಕರ್ ಹರ್ಷ ವ್ಯಕ್ತಪಡಿಸಿದರು.