Photos: ರೆಬೆಲ್ ಸ್ಟಾರ್ ಅಂಬಿ ಯಶ್ ಮಗುವಿಗೆ ನೀಡಿ ಹೋದ ಗಿಫ್ಟ್ ಯಾವುದು ಗೊತ್ತೆ?

ಬೆಂಗಳೂರು: ರಾಕಿಂಗ್​ ಸ್ಟಾರ್​ ಯಶ್​ ಮತ್ತು ಸ್ಯಾಂಡಲ್​ವುಡ್​ ಸಿಂಡ್ರೆಲಾ ರಾಧಿಕಾ ಪಂಡಿತ್​ ದಂಪತಿಯ ಪುತ್ರಿಗೆ ಇತ್ತೀಚೆಗೆ ವಿಧಿವಶರಾದ ಅಂಬರೀಷ್​ ಅವರು ವಿಶೇಷವಾದ ಉಡುಗೊರೆಯೊಂದನ್ನು ನೀಡಿದ್ದಾರೆ.

ಹೌದು, ಅಂಬರೀಷ್​ ಅವರು ಯಶ್​ ಮಗುವಿಗಾಗಿ ಸುಮಾರು 1.5 ಲಕ್ಷ ರೂ. ಬೆಲೆಬಾಳುವ ವಿಶೇಷವಾದ ತೊಟ್ಟಿಲೊಂದನ್ನು ಬುಕ್​ ಮಾಡಿದ್ದರು. ಈ ಕುರಿತು ಅವರು ಪತ್ನಿ ಸುಮಲತಾ ಮತ್ತು ಯಶ್​ಗೆ ಈ ವಿಷಯವನ್ನು ತಿಳಿಸಿರಲಿಲ್ಲ. ಅವರು ಎಲ್ಲರಿಗೂ ಸರ್​ಪ್ರೈಸ್​ ಕೊಡಬೇಕು ಎಂದಿದ್ದರು.

ಮೊನ್ನೆ ಅಂಬರೀಷ್​ ಅವರ ಮೊಬೈಲ್​ಗೆ ಗಿಫ್ಟ್​ ರೆಡಿ ಇದೆ ಎಂದು ಮೆಸೇಜ್​ ಬಂದಿತ್ತು. ಇದನ್ನು ನೋಡಿದ ಸುಮಲತಾ ಅವರು ಯಶ್​ಗೆ ಪೋನ್​ ಮಾಡಿ ‘ಸ್ವರ್ಗದಿಂದ ನಿನ್ನ ಮಗಳಿಗೆ ತೊಟ್ಟಿಲು ಬಂದಿದೆ. ನಿನ್ನ ಮಗಳು ಅದೃಷ್ಟ ಮಾಡಿದ್ದಾಳೆ’ ಎಂದು ತಿಳಿಸಿದ್ದಾರೆ. ಈ ಕುರಿತು ಅಂಬರೀಷ್​ ಅವರ ಆಪ್ತ ಶ್ರೀನಿವಾಸ್​ ಅವರು ದಿಗ್ವಿಜಯ ನ್ಯೂಸ್​ಗೆ ಮಾಹಿತಿ ನೀಡಿದ್ದಾರೆ.

ಕಲಘಟಗಿಯಲ್ಲಿ ಸಿದ್ಧವಾಗುತ್ತಿದೆ ತೊಟ್ಟಿಲು

ಯಶ್​-ರಾಧಿಕಾ ಮಗುವಿಗೆ ತೊಟ್ಟಿಲು ಕೊಡುಗೆ ನೀಡಲು ಅಂಬರೀಷ್​ ಬಯಸಿದ್ದರು. ಬೆಳಗಾವಿ ಸಂಪಗಾವಿಯ ಗೆಳೆಯ ನಾರಾಯಣ ಎಂಬುವವರನ್ನು ಸಂಪರ್ಕಿಸಿ ಈ ಕುರಿತು ತಿಳಿಸಿದ್ದರು. ನಾರಾಯಣ ಅವರು ಧಾರವಾಡ ಜಿಲ್ಲೆಯ ಕಲಘಟಗಿಯ ಶ್ರೀಧರ ಸಾವಕಾರ ಅವರನ್ನು ಸಂಪರ್ಕಿಸಿ ತೊಟ್ಟಿಲು ಮಾಡುವಂತೆ ತಿಳಿಸಿದ್ದರು.

ಸಾಗವಾನಿ ಕಟ್ಟಿಗೆಯಿಂದ ತೊಟ್ಟಿಲನ್ನು ಸಿದ್ಧಪಡಿಸಲಾಗುತ್ತಿದ್ದು, ಅರಗಿನಿಂದ ತಯಾರಿಸಿದ ಬಣ್ಣ ಬಳಸಿ ಕೃಷ್ಣ ಜನ್ಮಾವತಾರ ಸೇರಿದಂತೆ ವಿವಿಧ ಚಿತ್ರಗಳನ್ನು ತೊಟ್ಟಿಲ ಮೇಲೆ ಬಿಡಿಸಲಾಗಿದೆ. ಈ ತೊಟ್ಟಿಲು ನೂರು ವರ್ಷ ಕಳೆದರೂ ಅಂದಗೆಡುವುದಿಲ್ಲ. ಇದು 80 ಸಾವಿರದಿಂದ 1 ಲಕ್ಷ ರೂ.ವರೆಗೆ ಮೌಲ್ಯ ಹೊಂದಿದೆ. ಇನ್ನು ಹದಿನೈದು ದಿನಗಳಲ್ಲಿ ತೊಟ್ಟಿಲು ಸಿದ್ಧಗೊಳ್ಳಲಿದೆ ಎಂದು ಶ್ರೀಧರ ಸಾವಕಾರ ಅವರು ವಿಜಯವಾಣಿಗೆ ತಿಳಿಸಿದ್ದಾರೆ.

https://www.instagram.com/p/BrAj6YGlsod/