Friday, 16th November 2018  

Vijayavani

Breaking News

ಸೇನೆಗೆ ಸೇರಲಾಗಲಿಲ್ಲ ಎಂಬ ಹತಾಶೆಯಲ್ಲಿ ಆತ್ಮಹತ್ಯೆ ಮಾಡಿಕೊಂಡ ಯುವಕ

Thursday, 12.07.2018, 3:51 PM       No Comments

ನವದೆಹಲಿ: ಭಾರತೀಯ ಸೇನೆಗೆ ಸೇರಲು ಸಾಧ್ಯವಾಗಲಿಲ್ಲ ಎಂಬ ಹತಾಶೆಯಲ್ಲಿ ಯುವಕನೊಬ್ಬ ಆತ್ಮಹತ್ಯೆ ಮಾಡಿಕೊಳ್ಳುತ್ತಿರುವುದಾಗಿ ಫೇಸ್​ಬುಕ್​ ಲೈವ್​ನಲ್ಲಿ ತಿಳಿಸಿ ನೇಣಿಗೆ ಶರಣಾಗಿದ್ದಾನೆ.

ಆಗ್ರಾದ ನಿವಾಸಿ 24 ವರ್ಷದ ಮುನ್ನಾ ಕುಮಾರ್​ ಆತ್ಮಹತ್ಯೆ ಮಾಡಿಕೊಂಡ ಯುವಕ.

ಬಿ.ಎಸ್​ಸಿ. ಪದವೀಧರನಾಗಿದ್ದ ಮುನ್ನಾ ಕುಮಾರ್​ ಸೇನೆಗೆ ಸೇರಬೇಕು ಎಂಬ ಅದಮ್ಯ ಆಸೆ ಹೊಂದಿದ್ದ. 17ನೇ ವಯಸ್ಸಿನಿಂದಲೂ ಸೇನೆಗೆ ಸೇರಬೇಕು ಎಂದು ಹಲವಾರು ಬಾರಿ ಪ್ರಯತ್ನಿಸಿ ಸೋತಿದ್ದ. ಇದರಿಂದಾಗಿ ವಯಸ್ಸು ಮೀರುವ ಆತಂಕ ಹೊಂದಿ ಆತ್ಮಹತ್ಯೆಗೆ ಶರಣಾಗಿದ್ದಾನೆ.

ಫೇಸ್‌ಬುಕ್‌ ಲೈವ್‌ಗೆ ಬಂದ ಯುವಕ ತನ್ನ ಪಾಲಕರಲ್ಲಿ ಕ್ಷಮೆ ಕೋರಿ, ಕೊನೆಯದಾಗಿ ಜೈ ಹಿಂದ್‌ ಎಂದು ಹೇಳಿ ನೇಣು ಬಿಗಿದುಕೊಂಡಿದ್ದಾನೆ. ಫೇಸ್‌ಬುಕ್‌ ಸ್ನೇಹಿತರು ಇದನ್ನು ತಡೆಯಲು ಮುಂದಾದರು ಪ್ರಯೋಜನವಾಗಿಲ್ಲ. ಮೂಲಗಳ ಪ್ರಕಾರ ಆತ ಭಗತ್‌ ಸಿಂಗ್‌ರಿಂದ ಸ್ಫೂರ್ತಿಗೊಂಡು ಸೇನೆಗೆ ಸೇರಬೇಕೆಂದುಕೊಂಡಿದ್ದ. (ಏಜೆನ್ಸೀಸ್)

Leave a Reply

Your email address will not be published. Required fields are marked *

Back To Top