4 ತಿಂಗಳ ನಂತ್ರ ಕೋಮಾದಿಂದ ಮರಳಿದ ಮಹಿಳೆ ಬಿಚ್ಚಿಟ್ಟ ಭಯಾನಕ ಸತ್ಯವೇನು?

ನವದೆಹಲಿ: ಸತತ ನಾಲ್ಕು ತಿಂಗಳು ಕೋಮಾದಲ್ಲಿದ್ದ ಮಹಿಳೆಯೊಬ್ಬಳ ನೆನಪು ಮತ್ತೆ ಮರುಕಳಿಸಿದ ಮೇಲೆ ಭಯಾನಕ ಸತ್ಯವೊಂದನ್ನು ಹೊರ ಹಾಕಿದ್ದಾಳೆ. ತನ್ನ ಕೋಮಾ ಸ್ಥಿತಿಗೆ ಕಾರಣವಾದ ಪತ್ನಿಯ ಮೇಲೆ ಕಿಡಿಕಾರಿದ್ದಾಳೆ.

ಉತ್ತರ ಪ್ರದೇಶದ ಕನೌಜ್​ ಮೂಲದ 23 ವರ್ಷದ ಮಾಧುರಿ ಚಾಂದ್​ ಎಂಬ ಮಹಿಳೆಯೇ ಕೋಮಾ ಹಲ್ಲೆಗೊಳಗಾಗಿ ಕೋಮಾಗೆ ತುತ್ತಾಗಿದ್ದ ಮಹಿಳೆ. ಈ ಘಟನೆ ದಕ್ಷಿಣ ದೆಹಲಿಯ ಪುಲ್​ಪ್ರಹ್ಲಾದಪುರದಲ್ಲಿ ಜೂನ್ 13ರಂದು ನಡೆದಿದ್ದು, ಮಹಿಳೆ ಕೋಮಾದಿಂದ ಹೊರಬಂದ ನಂತರ ಅಸಲಿಯತ್ತು ಬಯಲಾಗಿದೆ.

ಘಟನೆ ಹಿನ್ನೆಲೆ:
ಮಾಧುರಿ ಚಾಂದ್​ ಪತಿ ರವಿ ಮದುವೆಗೂ ಮೊದಲೇ ಇನ್ನೊಬ್ಬಳೊಂದಿಗೆ ಸಂಬಂಧವಿಟ್ಟುಕೊಂಡಿದ್ದ. ಆದರೆ, ಕುಟುಂಬದವರ ಒತ್ತಾಯಕ್ಕೆ ಮಣಿದು ಮಾಧುರಿಯನ್ನು ಮದುವೆಯಾಗಿದ್ದ. ಮುಜಫರ್​ನಗರದಿಂದ ಉದ್ಯೋಗ ಕೊಡಿಸುವುದಾಗಿ ಅವಳನ್ನು ದೆಹಲಿಗೆ ಕರೆದುಕೊಂಡು ಬಂದು, ನಿರ್ಮಾಣ ಹಂತದಲ್ಲಿರುವ ಕಟ್ಟಡಕ್ಕೆ ಕರೆದೊಯ್ದಿದ್ದಾನೆ. ಅಲ್ಲಿ ಆಕೆಯ ಮೇಲೆ ಹಲ್ಲೆ ಮಾಡಿದ್ದಾನೆ ಆಗ ಮಾಧುರಿ ಪ್ರಜ್ಞೆ ತಪ್ಪಿದೆ. ಇದರಿಂದ ಬೆದರಿದ ಪತಿ ಅಲ್ಲಿಂದ ಕಾಲ್ಕಿತ್ತಿದ್ದಾನೆ.

ಹಲ್ಲೆಯ ನಂತರ ಮಾಧುರಿ ಸುಮಾರು 4 ತಿಂಗಳು ಕೋಮಾದಲ್ಲಿದ್ದಳು. ಅವಳಿಗೆ ಆಗಸ್ಟ್​ನಲ್ಲಿ ಪ್ರಜ್ಞೆ ಮರುಕಳಿಸಿತ್ತು. ಆದರೂ ಅಮ್ನೇಶಿಯಾಕ್ಕೆ ಒಳಗಾಗಿದ್ದರಿಂದ ಅವಳಿಗೆ ಯಾವುದೇ ಮಾಹಿತಿ ನೀಡಲು ಆಗಿರಲಿಲ್ಲ. ವೈದ್ಯರ ಸತತ ಪ್ರಯತ್ನದಿಂದ ಇಗ ಆಕೆ ಎಚ್ಚರಗೊಂಡಿದ್ದು, ತನ್ ಕೋಮಾ ಸ್ಥಿತಿಗೆ ಕಾರಣವಾದ ಪತಿ ಕರಾಳ ಮುಖವನ್ನು ಬಯಲು ಮಾಡಿದ್ದಾಳೆ.

ಇನ್ನು ಈ ಬಗ್ಗೆ ದಾಳಿಗೊಳಗಾದ ಮಹಿಳೆ ದೂರು ದಾಖಲಿಸಿದ್ದು, ಕೊಲೆ ಯತ್ನದ ಪ್ರಕರಣದಲ್ಲಿ ದೂರು ದಾಖಲಿಸಿಕೊಂಡಿರುವ ಪೊಲೀಸರು ಭಾನುವಾರದಂದು ಆರೋಪಿ ರವಿಯನ್ನು ಬಂಧಿಸಿದ್ದಾರೆ. (ಏಜೆನ್ಸೀಸ್)

Leave a Reply

Your email address will not be published. Required fields are marked *