ಕಳೆದ ವರ್ಷ ಬ್ಯಾಕ್ ಟು ಬ್ಯಾಕ್ “ಶಾಕುಂತಲಂ’ ಮತ್ತು “ಖುಷಿ’ ಸಿನಿಮಾಗಳಲ್ಲಿ ಮಿಂಚಿದ್ದ ನಟಿ ಸಮಂತಾ ಸದ್ಯ “ಸಿಟಡೆಲ್: ಹನಿ ಬನ್ನಿ’ ವೆಬ್ಸರಣಿಯಲ್ಲಿ ಬಿಜಿಯಾಗಿದ್ದಾರೆ. ಅದರ ನಡುವೆಯೂ ಜಾಲತಾಣದಲ್ಲಿ ಸಕ್ರಿಯರಾಗಿರುವ ಸಮಂತಾಗೆ ಹಲವಾರು ಅಭಿಮಾನಿಗಳು “ನಿಮ್ಮ ದೈನಂದಿನ ಬದುಕು ಹೇಗಿರುತ್ತೆ?’ ಎಂದು ಕೇಳುತ್ತಿದ್ದರು. ಅವರಿಗೆ ಒಂದು ವಿಡಿಯೋ ಝಲಕ್ ಮೂಲಕ ಉತ್ತರಿಸಿರುವ ಸಮಂತಾ, ತಮ್ಮ ರೂಟೀನ್ ಹೇಗಿರುತ್ತದೆ ಎಂಬುದರ ಬಗ್ಗೆ ಉತ್ತರಿಸಿದ್ದಾರೆ.
ಅದರಂತೆ ಸಮಂತಾ ಪ್ರತಿದಿ ಬೆಳಗ್ಗೆ 6 ಗಂಟೆಗೆ ಇದ್ದು, 6.30ಕ್ಕೆ ಸೂರ್ಯನ ಬೆಳಕಿನಲ್ಲಿ ನಿಲ್ಲುತ್ತಾರಂತೆ. ಬಳಿಕ ಆಯಿಲ್ ಪುಲ್ಲಿಂಗ್ ಮತ್ತು ಚೀನಾದ ಸಾಂಪ್ರದಾಯಿಕ ಚಿಕಿತ್ಸಾ ವಿಧಾನವಾದ ಗುವ ಶಾ (ಸುಕ್ಕು ಬಾರದಂತೆ ತ್ವಚೆಯ ಸೌಂದರ್ಯ ಕಾಪಾಡಲು ನುಣುಪಾದ ಕಲ್ಲಿನಿಂದ ಮೃದುವಾಗಿ ಮುಖ ಉಜ್ಜುವುದು) ಮಾಡುತ್ತಾರೆ. ನಂತರ 7 ಗಂಟೆಗೆ ಜಿಮ್ನಲ್ಲಿ ವರ್ಕೌಟ್ ಮಾಡುವುದು, ಬಳಿಕ ಮನೆಗೆ ವಾಪಸಾಗಿ ಸ್ನಾನ ಮಾಡಿ, ದೇವರಿಗೆ ದೀಪ ಹಚ್ಚಿ ಕೈಮುಗಿದು, ತಿಂಡಿ ಸೇವಿಸಿ, ರೆಡಿಯಾಗಿ 9 ಗಂಟೆಗೆ ಸರಿಯಾಗಿ ಸೆಟ್ಗೆ ತೆರಳುತ್ತಾರಂತೆ.
ಬಳಿಕ ಮೇಕಪ್ಗೂ ಮುನ್ನ ಐಸ್ ಕ್ಯೂಬ್ ಇರುವ ನೀರಿನಲ್ಲಿ ಮುಖ ತೊಳೆಯುವುದು. ಸಂಜೆ 5.30ರವರೆಗೆ ಶೂಟಿಂಗ್ನಲ್ಲಿ ಭಾಗಿಯಾಗಿ ನಂತರ 6 ಗಂಟೆಗೆ ರೆಡ್ ಲೈಟ್ ಥೆರಪಿ ತೆಗೆದುಕೊಳ್ಳುವುದು, 7 ಗಂಟೆಗೆ ಸ್ನೇಹಿತರ ಜತೆ ಪಿಕಲ್ ಬಾಲ್ ಆಡುವುದು, ನಂತರ ಮನೆಗೆ ಬಂದು ಊಟ ಮಾಡಿ, ರಾತ್ರಿ 9.30ಕ್ಕೆ ಅರ್ಧ ಗಂಟೆ ಧ್ಯಾನ ಮಾಡಿ 10 ಗಂಟೆಗೆ ನಿದ್ರೆಗೆ ಜಾರುವುದು ತಮ್ಮ ರೂಟೀನ್ ಎಂದು ವಿಡಿಯೋ ಮೂಲಕ ಸಮಂತಾ ಹೇಳಿಕೊಂಡಿದ್ದಾರೆ. -ಏಜೆನ್ಸೀಸ್
