ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಸ್ಯಾಂಡಲ್ವುಡ್, ಕಾಲಿವುಡ್, ಬಾಲಿವುಡ್, ಟಾಲಿವುಡ್ ಹಾಗೂ ಮಾಲಿವುಡ್ ಚಿತ್ರರಂಗಗಳ ಸ್ಟಾರ್ ನಟರ ಸಿನಿಮಾಗಳು ಪ್ಯಾನ್ ಇಂಡಿಯಾ ಚಿತ್ರವಾಗಿ ಹೊರಹೊಮ್ಮುವ ಮುಖೇನ ಜಾಗತಿಕವಾಗಿ ರಿಲೀಸ್ ಆಗುತ್ತಿದೆ.
ಇದನ್ನೂ ಓದಿ: ವೈಚಾರಿಕತೆ ಕೊಂದರೆ ಬೌದ್ಧಿಕ ಅಂಗವೈಕಲ್ಯ: ಸಂಸ್ಕೃತಿ ಚಿಂತಕ ರಹಮತ್ ತರೀಕೆರೆ ಅಭಿಮತ
ಈ ಮೂಲಕ ಸಹಸ್ರಾರು ಸಂಖ್ಯೆಯ ಸಿನಿಪ್ರೇಕ್ಷಕರ ಮನವನ್ನು ಭಾರತೀಯ ಸಿನಿಮಾಗಳು ತಲುಪುತ್ತಿದ್ದು, ಇದೀಗ ಟಾಲಿವುಡ್ನಲ್ಲಿ ಹೊಸ ನಂಬರ್ ಟೈಟಲ್ ಟ್ರೆಂಡ್ ಶುರುವಾಗಿದೆ. ಏನಿದು ನಂಬರ್ ಟೈಟಲ್ ಟ್ರೆಂಡ್?
ಪ್ಯಾನ್ ಇಂಡಿಯಾ ಫಿಲಂ ಆಗಿರುವ ಕಾರಣವೋ ಏನೋ ಸ್ಟಾರ್ ನಟರ ಚಿತ್ರಗಳಿಗೆ ಇದೀಗ ಅವರ ಮುಂದಿನ ಸಿನಿಮಾ ಸಂಖ್ಯೆಯನ್ನು ತಿಳಿಸುವ ನಿಟ್ಟಿನಲ್ಲಿ ಈ ರೀತಿ ನಂಬರ್ ಟೈಟಲ್ ಇಡಲಾಗುತ್ತಿದೆ. ಆಯಾ ಹೀರೋಗಳು ಅಭಿನಯಿಸಲಿರುವ ಚಿತ್ರಗಳ ಸಂಖ್ಯೆಯನ್ನೇ ಶೀರ್ಷಿಕೆಯಾಗಿ ಘೋಷಿಸಲಾಗುತ್ತಿದೆ. ಈ ಸಾಲಿನಲ್ಲಿ ಟಾಲಿವುಡ್, ಕಾಲಿವುಡ್ನ ಟಾಪ್ ನಟರು ಮುಂದಿದ್ದಾರೆ.
ಇದನ್ನೂ ಓದಿ: ವಿಧಾನಸಭೆ ಚುನಾವಣೆ ಕಣದಲ್ಲಿ 82 ವರ್ಷದ ವೃದ್ಧೆ; ಕಾರಣ ತಿಳಿದ ಅಧಿಕಾರಿಗಳು ಶಾಕ್!
ಇತ್ತೀಚೆಗಷ್ಟೇ ಕಮಲ್ ಹಾಸನ್ ಮತ್ತು ಮಣಿರತ್ನಂ ಕಾಂಬಿನೇಷನ್ನಲ್ಲಿ ಮೂಡಿಬರಲಿರುವ ಚಿತ್ರಕ್ಕೆ ‘ಕೆಎಚ್ 234’ ಎಂದು ಶೀರ್ಷಿಕೆ ಇಡಲಾಯಿತು. ಇದೇ ರೀತಿ ರಜನಿಕಾಂತ್ ಅವರ ಚಿತ್ರಕ್ಕೆ ‘ತಲೈವರ್ 170’, ರವಿತೇಜ ಸಿನಿಮಾಗೆ ‘ಆರ್ಟಿ4ಜಿಎಂ’, ವಿಜಯ್ ದೇವರಕೊಂಡ ಚಿತ್ರಕ್ಕೆ ‘ವಿಡಿ 13’ ಎಂದು ಘೋಷಿಸಲಾಗಿದೆ.
ಇದರೊಟ್ಟಿಗೆ ನಂದಮೂರಿ ಬಾಲಕೃಷ್ಣ ಅಭಿನಯದ ‘ಭಗವಂತ ಕೇಸರಿ’ ಚಿತ್ರ ಉತ್ತಮ ಯಶಸ್ಸು ಪಡೆದ ಬೆನ್ನಲ್ಲೇ ಅವರ ಮುಂದಿನ ಸಿನಿಮಾಗೆ ‘ಎನ್‌ಬಿಕೆ 109’ ಎಂದು ಟೈಟಲ್ ಘೋಷಿಸಿದ್ದಾರೆ. ಈ ಚಿತ್ರವನ್ನು ವಾಲ್ಟೇರ್ ವೀರಯ್ಯ ಖ್ಯಾತಿಯ ಬಾಬಿ ಕೊಲ್ಲಿ ನಿರ್ದೇಶಿಸಲಿದ್ದಾರೆ. ಒಟ್ಟಾರೆ ಸ್ಟಾರ್ ಹೀರೋಗಳ ಸಿನಿಮಾಗಳಿಗೆ ಈ ರೀತಿ ಟೈಟಲ್ಗಳನ್ನು ಘೋಷಿಸುತ್ತಿರುವುದು ಚಿತ್ರರಂಗದಲ್ಲಿ ಒಂದು ರೀತಿ ನಂಬರ್ ಟ್ರೆಂಡ್ ಆಗಿ ಮುಂದುವರೆಯುತ್ತಿದೆ.