Tuesday, 11th December 2018  

Vijayavani

Breaking News

ಮಹದಾಯಿ ಹೋರಾಟದಲ್ಲಿ ಮಡಿದ 8 ರೈತರಿಗೆ ತಲಾ 5 ಲಕ್ಷ ರೂ. ಪರಿಹಾರ

Sunday, 14.01.2018, 3:25 AM       No Comments

ನವಲಗುಂದ: ಮಹದಾಯಿ ಹೋರಾಟದಲ್ಲಿ ಮಡಿದ 8 ರೈತರಿಗೆ ತಲಾ 5 ಲಕ್ಷ ರೂ. ಪರಿಹಾರವನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಘೊಷಿಸಿದ್ದಾರೆ ಎಂದು ರೈತ ಸೇನಾ ಕರ್ನಾಟಕ ಸಂಘಟನೆ ರಾಜ್ಯಾಧ್ಯಕ್ಷ ವೀರೇಶ ಸೊಬರದಮಠ ತಿಳಿಸಿದರು.

ಈ ಕುರಿತು ಮಾಧ್ಯಮಗಳಿಗೆ ಮಾಹಿತಿ ನೀಡಿದ ಅವರು, ಮಹದಾಯಿ ಹೋರಾಟದಲ್ಲಿ ಮಡಿದವರಿಗೆ ಪರಿಹಾರ ನೀಡಬೇಕು ಎಂದು ಸಂಘಟನೆಯಿಂದ ಮುಖ್ಯಮಂತ್ರಿಯವರನ್ನು ಆಗಾಗ ಒತ್ತಾಯಿಸುತ್ತಿದ್ದರೂ ಪರಿಹಾರ ವಿಳಂಬವಾಗಿತ್ತು. ಜ. 11ರಂದು ಮೈಸೂರಲ್ಲಿ ಸಿದ್ದರಾಮಯ್ಯ ಅವರನ್ನು ಭೇಟಿ ಮಾಡಿದಾಗ ಸಕಾರಾತ್ಮಕವಾಗಿ ಸ್ಪಂದಿಸಿದರು. ಈ ಕುರಿತು ಮುಖ್ಯಮಂತ್ರಿಗಳ ಜಂಟಿ ಕಾರ್ಯದರ್ಶಿ (ಪರಿಹಾರ ನಿಧಿ ಶಾಖೆ) ಅವರಿಗೆ ಸೂಚನೆ ನೀಡಿದರು ಎಂದು ತಿಳಿಸಿದರು.

ತಾಲೂಕಿನ ಅಳಗವಾಡಿ ಗ್ರಾಮದ ರಾಜಯ್ಯ ಹೊರಗಿನಮಠ, ಕಲ್ಲಪ್ಪ ಅಳಗವಾಡಿ, ಹಸನ್​ಸಾಬ್ ನದಾಫ್, ಯಮನೂರಿನ ಚಿತ್ತರಂಜನ್ ಕಲ್ಲಣ್ಣವರ, ಮಹಾಂತೇಶ ಹಿರೇಮಠ, ನವಲಗುಂದದ ಹನುಮಂತಪ್ಪ ಹುಡೇದ, ಬೆಳಗಾವಿ ಜಿಲ್ಲೆ ಬೈಲಹೊಂಗಲದ ಕೋಮಲ್ ಪೂಜಾರ, ಬದಾಮಿ ತಾಲೂಕಿನ ಚೊಳಚಗುಡ್ಡ ಗ್ರಾಮದ ಹೊನ್ನಪ್ಪ ಕಾಡಮ್ಮನವರ ಅವರಿಗೆ ತಲಾ 5 ಲಕ್ಷ ರೂ. ಪರಿಹಾರ ಘೊಷಣೆಯಾಗಿದೆ. ಮೃತರ ಕುಟುಂಬಸ್ಥರಿಗೆ ಒಂದು ವಾರದಲ್ಲಿ ಪರಿಹಾರದ ಆದೇಶ ಪ್ರತಿ ತಲುಪಲಿದೆ. ಯಮನೂರಿನ ಕಲ್ಲಣ್ಣವರ ಕುಟುಂಬಕ್ಕೆ ಪರಿಹಾರದ ಆದೇಶದ ಪ್ರತಿ ಬಂದಿದೆ ಎಂದು ಸೊಬರದಮಠ ತಿಳಿಸಿದರು.

Leave a Reply

Your email address will not be published. Required fields are marked *

Back To Top