ಚೆನ್ನೈ: ಟ್ರಂಪ್ ಹಣಾಹಣಿ ಸೇರಿದಂತೆ ಆರಂಭಿಕ ಮೂರು ಕಾದಾಟದಲ್ಲಿ ಮೇಲುಗೈ ಸಾಧಿಸಿದ ಆತಿಥೇಯ ಚೆನ್ನೈ ಸೂಪರ್ಸ್ಟಾರ್ಸ್ ತಂಡ 5ನೇ ಪ್ರೀಮಿಯರ್ ಬ್ಯಾಡ್ಮಿಂಟನ್ ಲೀಗ್ನಲ್ಲಿ (ಪಿಬಿಎಲ್) ಸತತ 2ನೇ ಗೆಲುವು ದಾಖಲಿಸಿತು. ಜವಾಹರ್ ಲಾಲ್ ನೆಹರೂ ಸ್ಟೇಡಿಯಂನಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಚೆನ್ನೈ ತಂಡ ಒಂದು ಹಣಾಹಣಿ ಬಾಕಿ ಇರುವಾಗಲೇ 4-2 ಅಂಕಗಳಿಂದ ಹಾಲಿ ರನ್ನರ್ಅಪ್ ಮುಂಬೈ ರಾಕೆಟ್ಸ್ ತಂಡವನ್ನು ಸೋಲಿಸಿತು. ಲೀಗ್ನ ಉದ್ಘಾಟನಾ ಪಂದ್ಯದಲ್ಲಿ ವಿಶ್ವ ಚಾಂಪಿಯನ್ ಪಿವಿ ಸಿಂಧು ಸಾರಥ್ಯದ ಹೈದರಾಬಾದ್ ಹಂಟರ್ಸ್ ತಂಡವನ್ನು ಮಣಿಸಿತ್ತು.
ಪಂದ್ಯದ ಮೊದಲ ಹಣಾಹಣಿ ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಚೆನ್ನೈ ತಂಡದ ಧ್ರುವ್ ಕಪಿಲಾ-ಜೆಸ್ಸಿಕಾ ಪೆಂಗ್ ಜೋಡಿ 15-10, 15-14 ನೇರ ಗೇಮ್ಳಿಂದ ಕಿಮ್ ಜಿ ಜುಂಗ್ ಹಾಗೂ ಪಿಯಾ ಬೆರ್ನಾಡೆತ್ ಜೋಡಿ ಎದುರು ಗೆಲುವು ದಾಖಲಿಸಿ ತಂಡಕ್ಕೆ 1-0 ಯಿಂದ ಮುನ್ನಡೆ ತಂದುಕೊಟ್ಟಿತು. ಬಳಿಕ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಮೊದಲ ಹಣಾಹಣಿಯಲ್ಲಿ ಚೆನ್ನೈ ತಂಡದ ಸ್ಟಾರ್ ಆಟಗಾರ ಲಕ್ಷ್ಯ ಸೇನ್ 15-12, 15-10 ವಿಶ್ವ ನಂ.27, ದಕ್ಷಿಣ ಕೊರಿಯಾ ಲೀ ಡಾಂಗ್ ಕ್ಯೂನ್ ಅವರನ್ನು ಸುಲಭವಾಗಿ ಸೋಲಿಸಿದರು. 2ನೇ ಹಣಾಹಣಿ ಅಂತ್ಯಕ್ಕೆ 2-0 ಯಿಂದ ಮುನ್ನಡೆ ಕಂಡುಕೊಂಡ ಚೆನ್ನೈ ಉತ್ತಮ ಆರಂಭ ಗಿಟ್ಟಿಸಿಕೊಂಡಿತು. ಪಂದ್ಯದ 3ನೇ ಹಣಾಹಣಿ ಪುರುಷರ ಸಿಂಗಲ್ಸ್ನ 2ನೇ ಹೋರಾಟವನ್ನು ಟ್ರಂಪ್ ಘೋಷಣೆಯೊಂದಿಗೆ ಆಡಿದ ಚೆನ್ನೈ ಮೇಲುಗೈ ಸಾಧಿಸಿ ಗೆಲುವು ಖಾತ್ರಿಪಡಿಸಿಕೊಂಡಿತು. ಚೆನ್ನೈ ಪ್ರತಿನಿಧಿಸುತ್ತಿರುವ ವಿಶ್ವ ನಂ.9 ಇಂಡೋನೇಷ್ಯಾದ ಟಾಮಿ ಸುಗಿಯಾರ್ಟೆ 14-15, 15-10, 15-7 ಗೇಮ್ಳಿಂದ ಆರಂಭಿಕ ಹಿನ್ನಡೆ ನಡುವೆಯೂ ಭಾರತದ ಅನುಭವಿ ಆಟಗಾರ ಪಿ.ಕಶ್ಯಪ್ ಎದುರು ಗೆಲುವು ದಾಖಲಿಸಿದರು. ಟ್ರಂಪ್ ಹೋರಾಟದ ಗೆಲುವಿನಿಂದ ಹೆಚ್ಚುವರಿ ಅಂಕ ದಕ್ಕಿಸಿಕೊಂಡ ಚೆನ್ನೈ 4ನೇ ಹಣಾಹಣಿ ಅಂತ್ಯಕ್ಕೆ 4-2 ಮುನ್ನಡೆ ಸಾಧಿಸಿ ಗೆಲುವು ಖಚಿತಪಡಿಸಿಕೊಂಡಿತು.