Thursday, 13th December 2018  

Vijayavani

Breaking News

ಶಿರಾಡಿ ಘಾಟ್​ನಲ್ಲಿ ಕಂದಕಕ್ಕೆ ಉರುಳಿದ ಬಸ್​: ಬಸ್​ ಚಾಲಕ​ ಸಾವು

Wednesday, 15.11.2017, 6:06 PM       No Comments

>> ತಪ್ಪಿದ ಭಾರಿ ದುರಂತ, ಅಪಘಾತದಲ್ಲಿ 46 ಜನರಿಗೆ ಗಾಯ

ಹಾಸನ: ಶಿರಾಡಿ ಘಾಟ್​ನಲ್ಲಿ ಕಾರಿಗೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಹೋಗಿ ಖಾಸಗಿ ಬಸ್​ವೊಂದು 50 ಅಡಿ ಕಂದಕಕ್ಕೆ ಉರುಳಿಬಿದ್ದಿದ್ದು, ಅವಘಡದಲ್ಲಿ ಬಸ್​ ಚಾಲಕ ಮೃತಪಟ್ಟಿದ್ದಾರೆ.

ಹಾಸನ ಜಿಲ್ಲೆಯ ಸಕಲೇಶಪುರ ತಾಲೂಕಿನ ಮಾರನಹಳ್ಳಿ ಬಳಿ ಬುಧವಾರ ಬೆಳಗಿನ ಜಾವ ಈ ದುರ್ಘಟನೆ ನಡೆದಿದೆ. ಅಪಘಾತದಲ್ಲಿ ಕೇರಳ ಮೂಲದ ಜಗದೀಶ್​ ಎಂಬುವವರು ಸ್ಥಳದಲ್ಲೇ ಮೃತಪಟ್ಟಿದ್ದು, 46 ಜನರಿಗೆ ಗಾಯಗಳಾಗಿವೆ. ಬಸ್​ ಮರಗಳಿಗೆ ಸಿಲುಕಿಕೊಂಡಿದ್ದರಿಂದ ಅದೃಷ್ಟವಶಾತ್​ ಭಾರಿ ದುರಂತವೊಂದು ತಪ್ಪಿದೆ.

7 ಆಂಬ್ಯುಲೆನ್ಸ್​ಗಳ ಮೂಲಕ ಗಾಯಾಳುಗಳನ್ನು ಮಂಗಳೂರಿನ ವಿವಿಧ ಆಸ್ಪತ್ರೆಗಳಿಗೆ ರವಾನಿಸಲಾಗಿದೆ. ಬಸ್​ ಕೇರಳಕ್ಕೆ ತೆರಳುತ್ತಿತ್ತು ಎಂದು ತಿಳಿದು ಬಂದಿದೆ. (ದಿಗ್ವಿಜಯ ನ್ಯೂಸ್​)

Leave a Reply

Your email address will not be published. Required fields are marked *

Back To Top