Wednesday, 12th December 2018  

Vijayavani

ಮಧ್ಯಪ್ರದೇಶದಲ್ಲಿ ಸರ್ಕಾರ ರಚನೆ ಕಸರತ್ತು -ಕೈಗೆ ಬೆಂಬಲ ಘೋಷಿಸಿದ ಮಾಯಾವತಿ -ಶಾಸಕಾಂಗ ಪಕ್ಷದ ಸಭೆ ಕರೆದ ಕಾಂಗ್ರೆಸ್        ಪಾನ್ ಬ್ರೋಕರ್ ಡೀಲ್ ಪ್ರಕರಣದ ತನಿಖೆ ಚುರುಕು -ಸಹಕಾರ ಇಲಾಖೆಯಿಂದ ನೋಟಿಸ್ -ಇದು ದಿಗ್ವಿಜಯ ನ್ಯೂಸ್ ವರದಿ ಫಲಶ್ರುತಿ        ಋಣ ಸಂದಾಯಕ್ಕೆ ಮುಂದಾದ ರಾಮಲಿಂಗಾರೆಡ್ಡಿ -ಬಿಜೆಪಿ ಕಾರ್ಪೋರೇಟರ್ ಗೆ ಸ್ಥಾಯಿ ಸಮಿತಿ ಅಧ್ಯಕ್ಷ ಪಟ್ಟ -ಪುತ್ರಿ ಗೆಲುವಿಗೆ ಸಹಕರಿಸಿದ್ದಕ್ಕೆ ಗಿಫ್ಟ್        ಸರ್ಕಾರದ ವಿರುದ್ಧ ಇಂದು ಬರಾಸ್ತ್ರ -ಸಿಎಂಗೆ ಬಿಸಿ ಮುಟ್ಟಿಸಲು ಬಿಎಸ್‌ವೈ ರಣತಂತ್ರ -ಅತ್ತ ಭದ್ರತೆಗೆ ಬಂದ ಎಸ್ಪಿಗೆ ಕೈಕೊಟ್ಟ ಕಾರು        ಕಿಡ್ನಾಪರ್ಸ್ ಹಿಡಿಯಲು ಪ್ರೇಮಿಗಳ ವೇಷ -ಆಂಧ್ರಕ್ಕೆ ಆಗಿ ಹೋದ ಪೊಲೀಸರು -ಶಿವಾಜಿನಗರ ಠಾಣೆ ಪೊಲೀಸರಿಂದ ಕಿರಾತಕರಿಗೆ ಕೋಳ        ಮುಂಬೈನಲ್ಲಿಂದು ಅಂಬಾನಿ ಮಗಳ ಅದ್ಧೂರಿ ವಿವಾಹ -ಹಿಲರಿ ಕ್ಲಿಂಟನ್ ಸೇರಿ ಗಣ್ಯಾತಿಗಣ್ಯರು ಭಾಗಿ - ಸ್ಯಾಂಡಲ್‌ವುಡ್‌ನಲ್ಲಿ ದಿಗಂತ್, ಐಂದ್ರಿತಾ ಮದುವೆ ಸಂಭ್ರಮ       
Breaking News

ಸೋನಾಕ್ಷಿಗೆ ಸಲ್ಲುನೇ ಬೆಸ್ಟ್ ಫ್ರೆಂಡ್

Friday, 12.01.2018, 3:02 AM       No Comments

2010ರಲ್ಲಿ ತೆರೆಕಂಡ ‘ದಬಂಗ್’ ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿ ನೀಡಿದ್ದ ಸೋನಾಕ್ಷಿ ಸಿನ್ಹಾ ಇಂದು ಸಾಲು ಸಾಲು ಚಿತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅವರ ಕಲೆ ಗುರುತಿಸಿ, ಸಿನಿಮಾ ಇಂಡಸ್ಟ್ರಿಗೆ ಕರೆತಂದ ಖ್ಯಾತಿ ಸಲ್ಮಾನ್ ಖಾನ್​ಗೆ ಸಲ್ಲುತ್ತದೆ. ಹೀಗಾಗಿ ಸೋನಾಕ್ಷಿಗೆ ಸಲ್ಲು ಕಂಡರೆ ಹೆಚ್ಚಿನ ಅಭಿಮಾನ. ಇತ್ತೀಚೆಗೆ ನಡೆದ ಕಾರ್ಯಕ್ರಮವೊಂದರಲ್ಲಿ ಸೋನಾಕ್ಷಿ ಈ ಕುರಿತು ಮಾತನಾಡಿದ್ದಾರೆ. ಇಷ್ಟೇ ಅಲ್ಲ ‘ಬಾಲಿವುಡ್​ನಲ್ಲಿ ಯಾರಾದರೂ ಒರ್ವ ಬೆಸ್ಟ್ ಫ್ರೆಂಡ್ ಎಂದಿದ್ದರೆ ಅದು ಸಲ್ಮಾನ್’ ಎಂದು ಮನಸಾರೆ ನುಡಿದಿದ್ದಾರೆ ಸೋನು. ‘ಸಲ್ಮಾನ್ ಒಳ್ಳೆಯ ನಟ. ಅವರ ಜತೆ ಕೆಲಸ ಮಾಡುವುದೆಂದರೆ ಸಂತಸದ ವಿಚಾರ. ಅನೇಕ ವರ್ಷಗಳಿಂದ ಅವರು ಇಂಡಸ್ಟ್ರಿಯಲ್ಲಿ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಅವರ ಖಾತೆಯಲ್ಲಿ ಅನೇಕ ದಾಖಲೆಗಳಿವೆ. ಬಾಲಿವುಡ್​ನಲ್ಲಿ ನನಗೆ ಅವರು ಒಳ್ಳೆಯ ಗೆಳೆಯ. ಅವರ ಮೇಲೆ ಹೆಚ್ಚಿನ ಅಭಿಮಾನವಿದೆ’ ಎಂದಿದ್ದಾರೆ ಸೋನಾಕ್ಷಿ. ಅವರಿಬ್ಬರ ನಡುವಿನ ಸ್ನೇಹ ತೆರೆಮೇಲೂ ಮುಂದುವರಿದಿದೆ. ಬಹುನಿರೀಕ್ಷಿತ ‘ದಬಂಗ್ 3’ ಚಿತ್ರಕ್ಕೆ ನಾಯಕಿಯಾಗಿ ಸೋನಾಕ್ಷಿ ಆಯ್ಕೆ ಆಗಿದ್ದಾರೆ. ಇದು ಅಭಿಮಾನಿಗಳಲ್ಲಿ ಇನ್ನಷ್ಟು ನಿರೀಕ್ಷೆ ಮೂಡಿಸಿದೆ. ಕಳೆದ ಮೂರು ವರ್ಷಗಳಿಂದ ಸೋನಾಕ್ಷಿ ಖಾತೆಯಲ್ಲಿ ಯಾವುದೇ ಗೆಲುವು ದಾಖಲಾಗಿಲ್ಲ. ಘಟಾನುಘಟಿ ನಿರ್ದೇಶಕರ ಜತೆ ಕೆಲಸ ಮಾಡಿದರೂ ಸೋಲು ತಪ್ಪಿಲ್ಲ. ಹಾಗಾಗಿ, ‘ದಬಂಗ್ 3’ ಮೂಲಕವಾದರೂ ಗೆಲ್ಲಲೇ ಬೇಕಾದ ಅನಿವಾರ್ಯತೆ ಅವರಿಗೆ ಇದೆ.

‘ದಬಂಗ್’ ಸರಣಿಯ ಮೊದಲೆರಡು ಚಿತ್ರಗಳಲ್ಲೂ ಸೋನು ಮತ್ತು ಸಲ್ಲು ಜೋಡಿಯಾಗಿ ಕಾಣಿಸಿಕೊಂಡಿದ್ದರು. ಗಲ್ಲಾಪೆಟ್ಟಿಗೆಯಲ್ಲೂ ಚಿತ್ರಗಳಿಗೆ ಭಾರಿ ಲಾಭ ಆಗಿತ್ತು. ಈಗ ಸಿನಿರಸಿಕರ ಕಣ್ಣು ‘ದಬಂಗ್ 3’ ಮೇಲೆ ಬಿದ್ದಿದೆ. ‘ದಬಂಗ್’ ಚಿತ್ರವನ್ನು ಅಭಿನವ್ ಕಶ್ಯಪ್ ನಿರ್ದೇಶಿಸಿದ್ದರೆ, ಅರ್ಬಾಜ್ ಖಾನ್ ‘ದಬಂಗ್ 2’ಗೆ ಆಕ್ಷನ್-ಕಟ್ ಹೇಳಿದ್ದರು. ಹಾಗಾದರೆ ‘ದಬಂಗ್ 3’ ಯಾವ ನಿರ್ದೇಶಕನ ತೆಕ್ಕೆಗೆ ಬೀಳಲಿದೆ ಎಂಬ ಸಿನಿಪ್ರಿಯರ ಪ್ರಶ್ನೆಗೆ ಉತ್ತರವಾಗಿ ಪ್ರಭುದೇವ ಹೆಸರು ಕೇಳಿಬಂದಿದೆ. ಚಿತ್ರದಲ್ಲಿ ಸಲ್ಮಾನ್ ಮತ್ತು ಸೋನಾಕ್ಷಿ ಮಾತ್ರವಲ್ಲದೆ ಮೌನಿ ರಾಯ್ ಕೂಡ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರದ ಶೂಟಿಂಗ್ ಇನ್ನಷ್ಟೇ ಆರಂಭಗೊಳ್ಳಬೇಕಿದೆ.

 

Leave a Reply

Your email address will not be published. Required fields are marked *

Back To Top