ಸೈನಿಕನ ಪತ್ನಿ ಸೋನಲ್!

ಶಿವರಾಜ್​ಕುಮಾರ್ ನಟನೆಯ ‘ಚೆಲುವೆ ನಿನ್ನ ನೋಡಲು’ ಚಿತ್ರ ಸೇರಿ, ಹಿಂದಿ, ತೆಲುಗು, ತಮಿಳು ಚಿತ್ರಗಳಲ್ಲಿ ನಟಿಸಿದ್ದ ಸೋನಲ್ ಚೌಹಾಣ್ ‘ಪಲ್ಟನ್’ ಚಿತ್ರದ ಮೂಲಕ ಪ್ರೇಕ್ಷಕರೆದುರು ಬರುತ್ತಿದ್ದಾರೆ. ದಕ್ಷಿಣ ಭಾರತದಲ್ಲೇ ಹೆಚ್ಚು ಬಿಜಿಯಾಗಿದ್ದ ಅವರು ಈ ಚಿತ್ರದ ಮೂಲಕ ಹಿಂದಿ ಚಿತ್ರರಂಗಕ್ಕೆ ಕಮ್್ಯಾಕ್ ಮಾಡುತ್ತಿರುವ ಖುಷಿಯಲ್ಲಿದ್ದಾರೆ.

ಅಂದಹಾಗೆ, ‘ಪಲ್ಟನ್’ ದೇಶದ ಸೈನಿಕರ ಕುರಿತು ನಿರ್ವಣವಾದ ಚಿತ್ರ. ಜೆ.ಪಿ. ದತ್ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಈ ಸಿನಿಮಾದಲ್ಲಿ ಸೋನಲ್ ಸೈನಿಕನ ಪತ್ನಿಯಾಗಿ ಕಾಣಿಸಿಕೊಂಡಿದ್ದಾರೆ. ಇತ್ತೀಚೆಗೆ ಟ್ರೇಲರ್ ರಿಲೀಸ್ ಆಗಿದ್ದು, ಪ್ರೇಕ್ಷಕರಿಂದ ಮೆಚ್ಚುಗೆ ಕೇಳಿ ಬಂದಿದೆ. ಇನ್ನು ‘ಪಲ್ಟನ್’ನಲ್ಲಿ ಜಾಕಿ ಶ್ರಾಫ್, ಅರ್ಜುನ್ ರಾಮ್ಾಲ್, ಸೋನು ಸೂದ್ ಸೇರಿ ಅನೇಕರು ಪಾತ್ರವರ್ಗದಲ್ಲಿದ್ದಾರೆ. ‘ಚಿತ್ರದಲ್ಲಿ ನಮ್ಮ ದೇಶದ ಸೈನಿಕರ ಬಗ್ಗೆ ಹೇಳುತ್ತಿರುವುದಕ್ಕೆ ಖುಷಿ ಇದೆ. ಲಡಾಕ್ ಸೇರಿ ಭಾರತದ ಗಡಿ ಪ್ರದೇಶದಲ್ಲಿ ಚಿತ್ರದ ಶೂಟಿಂಗ್ ನಡೆಸಿದ್ದೇವೆ. ದೃಶ್ಯವೊಂದಕ್ಕಾಗಿ 300ಕ್ಕೂ ಅಧಿಕ ಭಾರತೀಯ ಸೈನಿಕರನ್ನು ಬಳಕೆ ಮಾಡಿಕೊಳ್ಳಲಾಗಿದೆ. ಆ ದೃಶ್ಯ ತುಂಬ ಭಿನ್ನವಾಗಿ ಮೂಡಿ ಬಂದಿದೆ’ ಎಂಬುದು ಅವರ ಮಾತು.

Leave a Reply

Your email address will not be published. Required fields are marked *