Tuesday, 20th November 2018  

Vijayavani

ರಾಜಧಾನಿಯಲ್ಲಿ ಹಸಿರು ಕ್ರಾಂತಿ-ಸಿಎಂ ಎಚ್​ಡಿಕೆ, ಡಿಸಿಎಂ ಪರಮೇಶ್ವರ್​ಗೆ ಡೆಡ್​​ಲೈನ್-ಕೂಡಲೇ ಸ್ಥಳಕ್ಕೆ ಬರುವಂತೆ ರೈತರ ಪಟ್ಟು        ಸೈಟ್ ಕೇಳ್ತಿಲ್ಲ, BMW ಕಾರೂ ಕೇಳ್ತಿಲ್ಲ-ನಾವು ಕೇಳ್ತಿರೋದು ಬೆಳೆದ ಬೆಲೆಗೆ ಬೆಲೆಯಷ್ಟೇ-ಸಚಿವ ಕಾಶಂಪೂರ್​​ಗೆ ಮನವಿ ಸಲ್ಲಿಕೆ        ರೈತರು, ಹೆಣ್ಮಕ್ಕಳ ವಿಚಾರದಲ್ಲಿ ಗೌರವ ಇದೆ-ನನ್ನ ಹೇಳಿಕೆಯಲ್ಲಿ ಯಾವುದೇ ದುರುದ್ದೇಶ ಇಲ್ಲ-ಸಿಎಂ ಹೇಳಿಕೆ ಬಿಡುಗಡೆ        ಸಿಎಂ ಕೂಡಲೇ ಕ್ಷಮೆ ಕೇಳಬೇಕು-ನಾಳಿನ ಕೋರ್​​​ ಕಮಿಟಿ ಸಭೆಯಲ್ಲಿ ಹೋರಾಟದ ನಿರ್ಧಾರ-ಸರ್ಕಾರದ ವಿರುದ್ಧ ಗುಡುಗಿದ ಬಿಜೆಪಿ        ₹3,300 ಕೋಟಿ, 132 ಕಿ.ಮೀ. ದೂರ-ಗುರಗಾಂವ್​​ನಲ್ಲಿ ಎಕ್ಸ್​​ಪ್ರೆಸ್​​ ಹೈವೇ ಲೋಕಾರ್ಪಣೆಗೊಳಿಸಿದ ಪ್ರಧಾನಿ        ರೈಲು ಬರುವ ವೇಳೆ ಹಳಿ ಮಧ್ಯೆ ಮಲಗಿದ ಭೂಪ-ಪ್ರಾಣದ ಹಂಗು ತೊರೆದು ಹುಚ್ಚು ಸಾಹಸ-ಹೈದ್ರಾಬಾದ್​ನಲ್ಲೊಂದು ಮಿರ‍್ಯಾಕಲ್       
Breaking News

ವಿಲಕ್ಷಣ ಟೇಸ್ಟು!

Saturday, 15.09.2018, 3:02 AM       No Comments

ಜಿರಲೆಯ ಪಲ್ಯ ಮತ್ತು ಉಪ್ಪಿನಕಾಯಿ, ಎರೆಹುಳುವಿನ ನೂಡಲ್ಸ್, ಕಪ್ಪೆಕಾಲಿನ ಚಿಪ್ಸು ಇತ್ಯಾದಿಗಳನ್ನು ಚೀನಿಯರು ಬಾಯಿಚಪ್ಪರಿಸಿಕೊಂಡು ಸವಿಯುತ್ತಾರೆ ಎನ್ನಲಾಗುತ್ತದೆ. ಚೀನಿಯರ ವಿಲಕ್ಷಣ ರುಚಿ, ಅಭಿರುಚಿಗಳನ್ನು ಅರಿತವರಿಗೆ ಈ ಸುದ್ದಿ ಹೊಸದೇನೂ ಅಲ್ಲ. ಆದರೆ ಈ ನಿಟ್ಟಿನಲ್ಲಿ ವಿಯೆಟ್ನಾಂ ಜನರು ಒಂದು ಹೆಜ್ಜೆ ಮುಂದಿಟ್ಟಿರುವುದು ವರದಿಯಾಗಿದೆ. ಆ ದೇಶದ ಉತ್ತರ ಭಾಗದಲ್ಲಿ ಹೇರಳವಾಗಿರುವ ವಿಶಿಷ್ಟ ಹಾವುಗಳನ್ನು ಹಿಡಿದು, ಹುರಿದೋ ಇಲ್ಲವೇ ಬೇಯಿಸಿಯೋ ಗುಳುಂ ಮಾಡುವುದು, ಮಸಾಲೆ ಬೆರೆಸಿ ಬಗೆಬಗೆಯ ಖಾದ್ಯಗಳನ್ನು ತಯಾರಿಸಿ ಅತಿಥಿಗಳಿಗೆ ಬಡಿಸುವುದು ಅಲ್ಲಿನವರ ಪರಿಪಾಠವಂತೆ; ಉಷ್ಣದೇಹ ಪ್ರಕೃತಿಯಿರುವವರು ಹಾವಿನ ಮಾಂಸ ಸೇವಿಸಿದರೆ ದೇಹ ತಂಪಾಗುತ್ತದೆ ಮತ್ತು ಮೂಳೆಗಳಿಗೂ ಒಳ್ಳೆಯದು ಎಂಬ ಸಾಂಪ್ರದಾಯಿಕ ನಂಬಿಕೆಯೇ ಇದಕ್ಕೆ ಕಾರಣವಂತೆ.

ಅಲ್ಲಿನ ಕೆಲವು ರೆಸ್ಟೋರಂಟ್​ಗಳಲ್ಲಂತೂ ಲೆಮನ್​ಗ್ರಾಸ್ ಮತ್ತು ಮೆಣಸಿನಕಾಯಿ ಜತೆಯಲ್ಲಿ ಹಾವನ್ನು ಹುರಿದು ಕುರುಕಲು ತಿಂಡಿಯೊಂದನ್ನು ಸಿದ್ಧಪಡಿಸಿ, ಅಕ್ಕಿಯಿಂದ ತಯಾರಿಸಲಾದ ಮದ್ಯದೊಂದಿಗೆ (ಈ ಮದ್ಯಕ್ಕೂ ಹಾವಿನ ರಕ್ತವನ್ನು ಬೆರೆಸಲಾಗುತ್ತದೆಯಂತೆ!) ಅವನ್ನು ಬಡಿಸುವುದು ವಿಶೇಷ. ಆದ್ದರಿಂದ ಮುಂದೆಂದಾದರೂ ವಿಯೆಟ್ನಾಂಗೆ ಪ್ರವಾಸ ಹೋಗಿ ಅಲ್ಲಿನ ಹೋಟೆಲ್​ಗಳಿಗೆ ಭೇಟಿಯಿತ್ತರೆ, ನಿಜಕ್ಕೂ ನಿಮ್ಮ ತಟ್ಟೆಯಲ್ಲಿರುವುದೇನು ಎಂಬುದರ ಕುರಿತು ಗಮನವಿರಲಿ! ಆದರೆ, ಅಯೋನಾ ಡಂಗ್ಲರ್ ಎಂಬ ವನ್ಯಜೀವಿ ತಜ್ಞೆಯ ಪ್ರಕಾರ, ಈಗಾಗಲೇ ಜಾಗತಿಕ ಮಾಂಸ ಉತ್ಪಾದನಾ ಪ್ರಮಾಣವು ಸಾಕಷ್ಟಿರುವುದರಿಂದ, ಹಾವುಗಳನ್ನು ಹೀಗೆ ಮಾಂಸಕ್ಕಾಗಿ ಸಾಯಿಸುವುದು ತರವಲ್ಲ. ಇದರಿಂದಾಗಿ ಕಾಡಿನ ಪರಿಸರ ವ್ಯವಸ್ಥೆಗೂ ಸಂಚಕಾರ ಒದಗುತ್ತದೆಯಂತೆ. ಎಲ್ಲಕ್ಕೂ ಕಾಲವೇ ಉತ್ತರವನ್ನು ಹೇಳಬೇಕು. ಅಲ್ಲವೇ?

Leave a Reply

Your email address will not be published. Required fields are marked *

Back To Top