26.4 C
Bangalore
Monday, December 16, 2019

ರೌಡಿಗಳ ಮನೆ ಮೇಲೆ ಮತ್ತೆ ದಾಳಿ

Latest News

ಎಮಿರೇಟ್ಸ್​ ವಿಮಾನದಲ್ಲಿ 2 ಕಿಲೋ ಚಿನ್ನ ಪತ್ತೆ: ರೆವೆನ್ಯೂ ಇಂಟೆಲಿಜೆನ್ಸ್ ಬಲೆಗೆ ವಂಚಿಯೂರು ಸಬ್​ ಇನ್​ಸ್ಪೆಕ್ಟರ್​

ತಿರುವನಂತಪುರ: ಚಿನ್ನ ಕಳ್ಳಸಾಗಣೆಗೆ ನೂರೆಂಟು ದಾರಿ. ಇದಕ್ಕೆ ಇಂಬು ನೀಡುವಂತೆ ಹಲವು ಪ್ರಕರಣಗಳು ದಾಖಲಾಗುತ್ತಲೇ ಇವೆ. ಸೋಮವಾರ ಈ ಪಟ್ಟಿಗೆ ಸೇರಿದ ಪ್ರಕರಣ...

ಚಾಲಕನ ಎದೆಗೆ ನುಗ್ಗಿದ್ದ ಕಬ್ಬಿಣದ ಸರಳು, ರಿಮ್ಸ್ ವೈದ್ಯರಿಂದ ಯಶಸ್ವಿ ಶಸ್ತ್ರ ಚಿಕಿತ್ಸೆ

ರಾಯಚೂರು: ಅಪಘಾತದಲ್ಲಿ ಚಾಲಕನ ಎದೆಗೆ ನುಗ್ಗಿದ್ದ ಕಬ್ಬಿಣದ ಸರಳನ್ನು ಶಸ್ತ್ರ ಚಿಕಿತ್ಸೆ ಮೂಲಕ ಹೊರ ತೆಗೆದು ಚಾಲಕನ ಜೀವ ಉಳಿಸುವಲ್ಲಿ ಸ್ಥಳೀಯ ರಿಮ್ಸ್...

ಕೃಷಿ ಉತ್ಪನ್ನಗಳ ಖರೀದಿ ಕೇಂದ್ರ ಆರಂಭಿಸಿ

ಲಿಂಗಸುಗೂರಲ್ಲಿ ರಾಜ್ಯ ರೈತಸಂಘದಿಂದ ಪ್ರತಿಭಟನೆ ಲಿಂಗಸುಗೂರು: ತಾಲೂಕಿನಲ್ಲಿ ತೊಗರಿ, ಭತ್ತ, ಹೈಬ್ರಿಡ್ ಕಡಲೆ ಖರೀದಿ ಕೇಂದ್ರ ಆರಂಭಿಸಿ ಎಲ್ಲ ಉತ್ಪನ್ನಗಳಿಗೆ ಸ್ವಾಮಿನಾಥನ್ ವರದಿ ಆಧರಿಸಿ...

ನಗರ ನಿವಾಸಿಗಳಿಗೆ ಸೌಕರ್ಯ ಕಲ್ಪಿಸಿ

ರಾಯಚೂರು ಉಳಿಸಿ ಹೋರಾಟ ಸಮಿತಿ ಪ್ರತಿಭಟನೆರಾಯಚೂರು: ನಗರ ನಿವಾಸಿಗಳಿಗೆ ಮೂಲ ಸೌಕರ್ಯ ಕಲ್ಪಿಸುವಂತೆ ಒತ್ತಾಯಿಸಿ ಟಿಪ್ಪು ಸುಲ್ತಾನ್ ಉದ್ಯಾನದಲ್ಲಿ ರಾಯಚೂರು ಉಳಿಸಿ ಹೋರಾಟ...

ಸ್ವಚ್ಛ ಪರಿಸರ ನಿರ್ಮಾಣಕ್ಕೆ ಆದ್ಯತೆ ನೀಡಿ

ಅರಟಾಳ: ಗ್ರಾಮಸ್ಥರು ಸ್ವಚ್ಛ, ಸುಂದರ, ಪರಿಸರ ನಿರ್ಮಾಣಕ್ಕೆ ಶ್ರಮಿಸಿರಿ. ಎಲ್ಲರೊಂದಿಗೆ ಬೆರೆತು ಸಹ ಜೀವನ ನಡೆಸಬೇಕು ಎಂದು ವಿಜಯಪುರ ಜ್ಞಾನಯೋಗಾಶ್ರಮದ ಶ್ರೀ ಸಿದ್ಧೇಶ್ವರ...

ಹುಬ್ಬಳ್ಳಿ: ಮಂಗಳವಾರ ಬೆಳ್ಳಂಬೆಳಗ್ಗೆ ಹುಬ್ಬಳ್ಳಿ- ಧಾರವಾಡ ಅವಳಿ ನಗರದ ಹಲವೆಡೆ ರೌಡಿಗಳ ಮನೆ ಮೇಲೆ ದಾಳಿ ನಡೆಸಿದ ಪೊಲೀಸರು ಎಂಟು ರೌಡಿಗಳನ್ನು ಬಂಧಿಸಿ, ಏರ್ ಗನ್, ತಲ್ವಾರ್ ಮತ್ತಿತರ ಮಾರಕಾಸ್ತ್ರಗಳನ್ನು ವಶಪಡಿಸಿಕೊಂಡಿದ್ದಾರೆ. ಆ ಮೂಲಕ ರೌಡಿಗಳಿಗೆ ಬಿಸಿ ಮುಟ್ಟಿಸಿದ್ದಾರೆ.

ಮನೆಯಲ್ಲಿ ಅಕ್ರಮವಾಗಿ ಮಾರಕಾಸ್ತ್ರ ಹೊಂದಿರುವ ಆರೋಪದ ಹಿನ್ನೆಲೆಯಲ್ಲಿ ಆನಂದ ನಗರ, ಹೊಸೂರು, ಗುಡಿಹಾಳ ರಸ್ತೆ, ಗಿರಣಿ ಚಾಳ ಸೇರಿ ಹಲವೆಡೆ ಏಕ ಕಾಲದಲ್ಲಿ ದಾಳಿ ನಡೆಸಿದರು. ಡಿಸಿಪಿ ಬಿ.ಎಸ್. ನೇಮಗೌಡ ನೇತೃತ್ವದಲ್ಲಿ ಮೂರು ಪ್ರತ್ಯೇಕ ತಂಡಗಳಾಗಿ ಪೊಲೀಸರು ದಾಳಿ ಮಾಡಿದರು. ಮನೆಯಲ್ಲಿದ್ದ ಅಕ್ರಮ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಂಡರು. ಸಂದಿ ಗೊಂದಿಗಳ ಮನೆಗಳಿಗೆ ನುಗ್ಗಿದ ಪೊಲೀಸರು ಮೂಲೆ ಮೂಲೆಯಲ್ಲೂ ತಪಾಸಣೆ ಕೈಗೊಂಡರು.

ಹುಬ್ಬಳ್ಳಿಯ 43 ರೌಡಿಗಳ ಮನೆ ಮೇಲೆ ದಾಳಿ ನಡೆಸಿದರು. ಎರಡು ದ್ವಿಚಕ್ರ ವಾಹನ, 4 ಚಾಕು, 4 ತಲ್ವಾರ್, 7 ಕಂದಲಿಗಳು, 3 ಏರ್​ಗನ್ ವಶಪಡಿಸಿಕೊಂಡರು.

ಉತ್ತರ ಉಪ ವಿಭಾಗದ ಎಸಿಪಿ ಎಚ್.ಕೆ. ಪಠಾಣ, ದಕ್ಷಿಣ ಉಪ ವಿಭಾಗದ ಎಸಿಪಿ ಎನ್.ಬಿ. ಸಕ್ರಿ, ಇನ್ಸ್​ಪೆಕ್ಟರ್​ಗಳಾದ ವಿನೋದ ಮುಕ್ತೇದಾರ, ಸಂತೋಷಕುಮಾರ, ಸುರೇಶ ಕುಂಬಾರ, ಮಾರುತಿ ಗುಳ್ಳಾರಿ ಹಾಗೂ ಇತರ ಸಿಬ್ಬಂದಿ ಪಾಲ್ಗೊಂಡಿದ್ದರು.

21 ಜನರ ವಿಚಾರಣೆ: ಹುಬ್ಬಳ್ಳಿ ಹೊಸೂರಿನ ನಿಖಿಲ್ ದಾಂಡೇಲಿ, ರಾಹುಲ್ ದಾಂಡೇಲಿ, ಶೈಲೇಶ ಹರಿವಾಣ, ಜಗದೀಶ ನಗರದ ಕಿರಣ ನಾಯ್ಕ, ಉಣಕಲ್ಲನ ರಮೇಶ ಪವಾಡೆ, ಕಿರಣ ಪವಾಡೆ, ಕಿರಣ ಪವಾರ, ಕೋಳೇಕರ ಪ್ಲಾಟ್​ನ ಜುನೇದ ಇರ್ಫಾನ ಮುಲ್ಲಾ, ಹಳೇ ಹುಬ್ಬಳ್ಳಿ ಗುಡಿಹಾಳ ರಸ್ತೆಯ ಮಹಮ್ಮದ ಗೌಸ್ ಮೊರಬ, ಆನಂದನಗರದ ಮಹಮ್ಮದ ಶರೀಫ ಹೆಬ್ಬಳ್ಳಿ ಮತ್ತಿತರರ ವಿಚಾರಣೆ ನಡೆಸಿದರು.

ತಲ್ವಾರ್ ತಯಾರಿಸುತ್ತಿದ್ದವರು ವಶಕ್ಕೆ: ಮಂಟೂರು ರಸ್ತೆಯ ಮನೆಯೊಂದರಲ್ಲಿ ತಲ್ವಾರ್ ತಯಾರಿಸುತ್ತಿದ್ದ ಪಂಜಾಬ್ ಮೂಲದ ಮೂವರನ್ನು ಪೊಲೀಸರು ಬಂಧಿಸಿದ್ದಾರೆ. ಸಿಖ್ ಸಮುದಾಯಕ್ಕೆ ಸೇರಿದ ಮೂವರು ತಲ್ವಾರ್ ಮತ್ತಿತರ ಮಾರಕಾಸ್ತ್ರ ತಯಾರಿಸುತ್ತಿದ್ದರು. ಹಾಗಾಗಿ, ಇವರನ್ನು ಬೆಂಡಿಗೇರಿ ಠಾಣೆ ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.

ಪತಿಗಾಗಿ ಪತ್ನಿಯರ ಜಗಳ

ಧಾರವಾಡ: ಎರಡನೇ ಮದುವೆ ಮಾಡಿಕೊಂಡಿರುವ ಪತಿ ವಿರುದ್ಧ ಆಕ್ರೋಶಗೊಂಡ ಮಹಿಳೆ, ಪತಿ ಹಾಗೂ ಆತನ ಎರಡನೇ ಪತ್ನಿಯನ್ನು ಥಳಿಸಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ನಗರದ ವಿಜಯಾ ಟಾಕೀಸ್ ಬಳಿಯ ಕಂಪ್ಯೂಟರ್ ಸೆಂಟರ್​ನಲ್ಲಿ ವಾರದ ಹಿಂದೆ ಈ ಘಟನೆ ನಡೆದಿದೆ. ಪತಿ ಹಾಗೂ ಪತ್ನಿಯರ ಜಗಳ, ಅಂಗಡಿಯಲ್ಲಿದ್ದ ಸಿಸಿ ಟಿವಿಯಲ್ಲಿ ಸೆರೆಯಾಗಿದ್ದು, ದೃಶ್ಯಾವಳಿ ವೈರಲ್ ಆಗಿದೆ.

ಬಸವನಗರ ನಿವಾಸಿ ಅಲ್ಲಾವುದ್ದೀನ್ ಬಳೆಗಾರ ಎಂಬಾತ ಹಲ್ಲೆಗೆ ಒಳಗಾದವನು. ಈತ 5 ವರ್ಷದ ಹಿಂದೆ ಧಾರವಾಡ ಮನಕಿಲ್ಲಾ ಬಡಾವಣೆಯ ಜಾಹೀದಾ ಎಂಬುವರನ್ನು ಮದುವೆಯಾಗಿದ್ದಾನೆ. ದಂಪತಿಗೆ ಮಗು ಕೂಡ ಇದೆ. ಇಬ್ಬರ ಮಧ್ಯೆ ಜಗಳ ಬಂದು ಬೇರ್ಪಟ್ಟಿದ್ದರು. ಈ ಮಧ್ಯೆ ಅಲ್ಲಾವುದ್ದೀನ್ ವಾರದ ಹಿಂದೆ ಮುಬಿನ್ ಎಂಬುವರನ್ನು ಮದುವೆಯಾಗಿದ್ದಾನೆ ಎನ್ನಲಾಗಿದೆ. ಇಬ್ಬರೂ ಕಂಪ್ಯೂಟರ್ ಸೆಂಟರ್​ನಲ್ಲಿ ಇರುವುದು ಗೊತ್ತಾಗಿ ತನ್ನ ಸಂಬಂಧಿಕರೊಂದಿಗೆ ಸ್ಥಳಕ್ಕೆ ಬಂದ ಮೊದಲ ಪತ್ನಿ, ಇಬ್ಬರನ್ನೂ ತರಾಟೆಗೆ ತೆಗೆದುಕೊಂಡು ಥಳಿಸಿದ್ದಾಳೆ.

ಈ ವೇಳೆ ಅಲ್ಲಾವುದ್ದೀನ್ ಕೂಡ ಮೊದಲ ಪತ್ನಿಯನ್ನು ಹೊಡೆದಿದ್ದಾನೆ. ತನಗೆ ಜೀವ ಭಯವಿದೆ ಎಂದು ಹೇಳಿಕೊಂಡಿರುವ ಅಲ್ಲಾವುದ್ದೀನ್, ಎರಡನೇ ಪತ್ನಿಯೊಂದಿಗೆ ಅಜ್ಞಾತ ಸ್ಥಳಕ್ಕೆ ಹೋಗಿದ್ದಾನೆ ಎನ್ನಲಾಗಿದೆ.

ಇಸ್ಪೀಟ್ ಅಡ್ಡೆ ಮೇಲೆ ದಾಳಿ

ಹುಬ್ಬಳ್ಳಿ: ತಾಲೂಕಿನ ಕೋಳಿವಾಡ ಗ್ರಾಮದ ಹೊರವಲಯದ ಹೊಲವೊಂದರಲ್ಲಿ ಸೋಮವಾರ ಮಧ್ಯರಾತ್ರಿ ಇಸ್ಪೀಟ್ ಆಡುತ್ತಿದ್ದ ಬೃಹತ್ ಅಡ್ಡೆ ಮೇಲೆ ದಾಳಿ ನಡೆಸಿದ ಹುಬ್ಬಳ್ಳಿ ಗ್ರಾಮೀಣ ಠಾಣೆ ಪೊಲೀಸರು 17 ಜನರನ್ನು ಬಂಧಿಸಿ, 22 ದ್ವಿಚಕ್ರ ವಾಹನ ಹಾಗೂ 68000 ರೂ. ನಗದು ವಶಪಡಿಸಿಕೊಂಡಿದ್ದಾರೆ.

ಅಣ್ಣಿಗೇರಿ ಗ್ರಾಮದ ಮಂಜುನಾಥ ಗಾಣಿಗೇರ, ಹನಮಂತು ಆಡಕಾವು, ಪರಸಪ್ಪ ಭಜಂತ್ರಿ, ಪ್ರಕಾಶ ಗುದ್ದಿನ, ಪರಸಪ್ಪ ಬೆಳ್ಳಿಕೊಪ್ಪ, ಜಗದೀಶ ಸೂಡಿ, ಮಂಜುನಾಥ ಮಾಯಣ್ಣವರ, ರಾಜು ಉಳ್ಳಾಗಡ್ಡಿ, ಮಲ್ಲಪ್ಪ ಮುಂಡಾಸದ, ಪರಶುರಾಮ ಕಾಳಿ, ಫಕ್ಕೀರಪ್ಪ ದೊಡಮನಿ, ವಿರುಪಾಕ್ಷಯ್ಯ, ಈಶ್ವರಪ್ಪ ಪಲ್ಲೇದ, ಮಲ್ಲೇಶಪ್ಪ ಅಸುಂಡಿ, ನಾಗಪ್ಪ ಬೆಳ್ಳಿಕೊಪ್ಪ, ಗುರುಸ್ವಾಮಿ ಹಿರೇಮಠ, ಹಜರೇಸಾಬ ಹುಸೇನಸಾಬ ಕಾಗದಗಾರ ಬಂಧಿತರು.

ಗ್ರಾಮದ ಕುರಬೆಟ್ಟ ಹಳ್ಳದ ಬಯಲು ಜಾಗದಲ್ಲಿ ಮಧ್ಯರಾತ್ರಿ ಚಾರ್ಜರ್ ಬ್ಯಾಟರಿ ಬೆಳಕಿನಲ್ಲಿ ಜೂಜು ಆಡುತ್ತಿದ್ದರು. ಈ ಬಗ್ಗೆ ಖಚಿತ ಮಾಹಿತಿ ಪಡೆದ ಗ್ರಾಮೀಣ ಠಾಣೆ ಇನ್ಸ್​ಪೆಕ್ಟರ್ ಎಸ್.ಬಿ. ಮಾಳಗೊಂಡ ನೇತೃತ್ವದ ತಂಡ ಏಕಾಏಕಿ ದಾಳಿ ನಡೆಸಿ ಯಶಸ್ವಿ ಕಾರ್ಯಾಚರಣೆ ನಡೆಸಿತು. ಹುಬ್ಬಳ್ಳಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಜೂಜು ಅಡ್ಡೆಗಳ ಮೇಲೆ ದಾಳಿ

ಧಾರವಾಡ: ಇಲ್ಲಿನ ಉಪನಗರ ಠಾಣೆಯ ಪೊಲೀಸರು ಸೋಮವಾರ ಪ್ರತ್ಯೇಕ ಎರಡು ಜೂಜು ಅಡ್ಡೆಗಳ ಮೇಲೆ ದಾಳಿ ನಡೆಸಿದ್ದಾರೆ. ಮದ್ಯಾಹ್ನ 12.15ರ ಸುಮಾರಿಗೆ ಕಮಲಾಪುರ ಪತ್ರೇಶ್ವರನಗರದ ಬಯಲು ಜಾಗದಲ್ಲಿ ಜೂಜಾಟ ನಡೆಯುತ್ತಿದ್ದ ಅಡ್ಡೆಯ ಮೇಲೆ ದಾಳಿ ಮಾಡಿದ್ದಾರೆ. ಈ ವೇಳೆ ಸಂತೋಷ ಚಂಬಣ್ಣ ಮುಂಡರಗಿ ಹಾಗೂ ಇನ್ನಿಬ್ಬರನ್ನು ವಶಕ್ಕೆ ಪಡೆದಿದ್ದಾರೆ. ಅವರಿಂದ 1,200 ನಗದು ಹಾಗೂ ಜೂಜು ಸಾಮಗ್ರಿಗಳನ್ನು ವಶಪಡಿಸಿಕೊಂಡಿದ್ದಾರೆ. ಮತ್ತೊಂದು ಪ್ರಕರಣದಲ್ಲಿ ಎತ್ತಿನಗುಡ್ಡ ಗ್ರಾಮದ ಬಳಿಯ ಬಯಲು ಜಾಗದಲ್ಲಿ ನಡೆಯುತ್ತಿದ್ದ ಜೂಜು ಅಡ್ಡೆಯ ಮೇಲೆ ರಾತ್ರಿ 8.30ರ ಸುಮಾರಿಗೆ ದಾಳಿ ನಡೆಸಿದ್ದಾರೆ. ಈ ವೇಳೆ ಮಹಾದೇವ ಚಂದ್ರಪ್ಪ ಪಾಟೀಲ ಹಾಗೂ ಇತರ ನಾಲ್ವರನ್ನು ವಶಕ್ಕೆ ಪಡೆದು 1,240 ನಗದು ಹಾಗೂ ಇತರ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ. ಈ ಕುರಿತು ಉಪನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಹಣ ಕದ್ದವನಿಗೆ ಗೂಸಾ

ಧಾರವಾಡ: ಕಾರ್ವಿುಕನೊಬ್ಬ ಅಂಗಡಿಯ ಗಲ್ಲಾಪೆಟ್ಟಿಗೆಗೆ ಕನ್ನ ಹಾಕಿ ಗೂಸಾ ತಿಂದ ಘಟನೆ ನಗರದಲ್ಲಿ ಮಂಗಳವಾರ ನಡೆದಿದೆ.

ಜಿಲ್ಲಾಧಿಕಾರಿ ಕಚೇರಿ ಬಳಿಯ ಸಿಟಿ ಅಡ್ಡಾ ಟೀ ಸ್ಟಾಲ್​ನಲ್ಲಿ ಕೆಲಸ ಮಾಡುತ್ತಿದ್ದ ಶಂಕರ ಹಳ್ಳಿ ಎಂಬಾತನಿಗೆ ಸಾರ್ವಜನಿಕರು ಧರ್ಮದೇಟು ನೀಡಿದ್ದಾರೆ.

ರಾಯಚೂರು ಜಿಲ್ಲೆ ದೇವದುರ್ಗ ನಿವಾಸಿ ಶಂಕರ ಕಳೆದ ಕೆಲ ದಿನಗಳಿಂದ ಸಿಟಿ ಅಡ್ಡಾದಲ್ಲಿ ಕೆಲಸ ಮಾಡುತ್ತಿದ್ದ. ಎರಡು ದಿನಗಳ ಹಿಂದೆ ಮಾಲೀಕ ಇಲ್ಲದ ವೇಳೆ ಗಲ್ಲಾಪೆಟ್ಟಿಗೆಯಲ್ಲಿದ್ದ 30 ಸಾವಿರ ರೂ. ಎಗರಿಸಿದ್ದ. ಹಣ ಕದಿಯುತ್ತಿದ್ದ ದೃಶ್ಯ ಅಂಗಡಿಯಲ್ಲಿ ಅಳವಡಿಸಿದ್ದ ಸಿಸಿ ಟಿವಿಯಲ್ಲಿ ಸೆರೆಯಾಗಿತ್ತು. ದೃಶ್ಯ ಆಧರಿಸಿ ಕಳ್ಳತನ ಪತ್ತೆ ಮಾಡಿದ ಮಾಲೀಕರು, ಆತನ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸುವುದಾಗಿ ಹೇಳಿದ್ದಾರೆ. ಈ ಮಧ್ಯೆ ಮಂಗಳವಾರ ಬೆಳಗ್ಗೆ ಸಿಟಿ ಅಡ್ಡಾ ಬಳಿ ಜಮಾಯಿಸಿದ್ದ ಸಾರ್ವಜನಿಕರು, ವಿಷಯ ತಿಳಿದು ಹಣ ಕದ್ದ ಆರೋಪದಡಿ ಶಂಕರ ಹಳ್ಳಿಗೆ ಗೂಸಾ ನೀಡಿದರು.

90 ಗ್ರಾಂ. ಗಾಂಜಾ ವಶ; ಓರ್ವನ ಬಂಧನ

ಧಾರವಾಡ: ವಿದ್ಯಾನಗರಿಯಲ್ಲಿ ಗೂಂಡಾಗಿರಿ ಹಾಗೂ ಕಾನೂನುಬಾಹಿರ ಚಟುವಟಿಕೆಗಳಲ್ಲಿ ತೊಡಗಿರುವ ರೌಡಿಗಳ ಮನೆ ಮೇಲೆ ಮಂಗಳವಾರ ದಾಳಿ ನಡೆಸಿದ ಪೊಲೀಸರು, 90 ಗ್ರಾಂ. ಗಾಂಜಾ ವಶಪಡಿಸಿಕೊಂಡು ಓರ್ವನನ್ನು ಬಂಧಿಸಿದ್ದಾರೆ.

ಶಹರ ಠಾಣೆ ವ್ಯಾಪ್ತಿಯಲ್ಲಿ ಮದಾರಮಡ್ಡಿಯ ವಿಷ್ಣು ಕೊಂಡಪಲ್ಲಿ, ಸನ್ನಿ ಸಾಕೇನವರ ಹಾಗೂ ಎಂ.ಆರ್. ನಗರದ ರಾಘವೇಂದ್ರ ವೇರ್ಣೆಕರ ಎಂಬುವರ ಮೇಲೆ ದಾಳಿ ನಡೆಸಿದ್ದರು. ಈ ಸಂದರ್ಭದಲ್ಲಿ ಅನುಮಾನಾಸ್ಪದವಾಗಿ ರಸ್ತೆ ಮೇಲೆ ನಿಂತಿದ್ದ ವಿಷ್ಣು ಕೊಂಡಪಲ್ಲಿ ಎಂಬಾತನನ್ನು ತಪಾಸಣೆ ನಡೆಸಿದ ಪೊಲೀಸರು ಆತನಿಂದ 90 ಗ್ರಾಂ. ಗಾಂಜಾ ವಶಪಡಿಸಿಕೊಂಡು ಬಂಧಿಸಿದ್ದಾರೆ.

ಉಪನಗರ ಪೊಲೀಸ್ ಠಾಣೆ ವ್ಯಾಪ್ತಿಯ ಹಾವೇರಿಪೇಟ್​ನ ನಾಸೀರ ಶೇಖ್, ಕಂಠಿ ಗಲ್ಲಿಯ ಅಬ್ಬಾಬಾಷಾ ಜಾಫರ್ ಕಮಲಶಾ, ಹಳೇ ಎಪಿಎಂಸಿ ಬಳಿಯ ಪ್ರಕಾಶ ಶೆಟ್ಟಿ, ಗಬ್ಬಾ ರಫೀಕ್, ವಿದ್ಯಾಗಿರಿ ಠಾಣೆ ವ್ಯಾಪ್ತಿಯ ಶಿವಾನಂದನಗರದ ಮಕ್ತುಂ ಸೊಗಲದ, ಪರಶುರಾಮ ಚವ್ಹಾಣ, ಹನುಮಂತನಗರದ ಮಂಜುನಾಥ ಹಿರೇಮನಿ, ಜಾಂಬವಂತ ನಗರದ ನರಸಿಂಹ ಮಾದರ, ಶಿವಕುಮಾರ ಮಾದರ ಎಂಬುವರ ಮನೆಗಳ ಮೇಲೆ ಸಹ ದಾಳಿ ನಡೆಸಿದ್ದರು.

ವಿಷ್ಣು ಕೊಂಡಪಲ್ಲಿ ಮನೆಯಲ್ಲಿ ದೊರೆತ 90 ಗ್ರಾಂ. ಗಾಂಜಾ ಸಿಕ್ಕಿದ್ದನ್ನು ಬಿಟ್ಟು ಉಳಿದವರ ಮನೆಗಳಲ್ಲಿ ಯಾವುದೇ ವಸ್ತುಗಳು ದೊರೆತಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಎಸಿಪಿ ಎಂ.ಎನ್. ರುದ್ರಪ್ಪ ನೇತೃತ್ವದಲ್ಲಿ ಶಹರ ಠಾಣೆ ಸಿಪಿಐ ಲಕ್ಷ್ಮೀಕಾಂತ ತಳವಾರ, ವಿದ್ಯಾಗಿರಿ ಠಾಣೆ ಸಿಪಿಐ ವೈ.ಎಚ್. ರಮಾಕಾಂತ, ಎಎಸ್​ಐ ಆರ್.ಎಚ್. ನದಾಫ್ ಹಾಗೂ ಇತರ ಸಿಬ್ಬಂದಿ ದಾಳಿ ನಡೆಸಿದ್ದರು.

- Advertisement -

Stay connected

278,751FansLike
589FollowersFollow
629,000SubscribersSubscribe

ವಿಡಿಯೋ ನ್ಯೂಸ್

VIDEO| ಕ್ರಿಕೆಟ್​​ ಮೈದಾನಕ್ಕೆ ಎಂಟ್ರಿ ಕೊಟ್ಟು ಪಂದ್ಯವನ್ನೇ ಕೆಲಕಾಲ ನಿಲ್ಲಿಸಿದ...

ಹೈದರಾಬಾದ್​: ಮಳೆಯ ಕಾರಣದಿಂದಾಗಿ ಕ್ರಿಕೆಟ್​ ಪಂದ್ಯಗಳು ಕೆಲಕಾಲ ಸ್ಥಗಿತಗೊಳ್ಳುವುದನ್ನು ನಾವು ನೋಡಿದ್ದೇವೆ. ಆದರೆ, ಹಾವಿನಿಂದಾಗಿ ಪಂದ್ಯ ಕೆಲಕಾಲ ನಿಲ್ಲುವುದನ್ನು ಎಂದಾದರೂ ನೋಡಿದ್ದೀರಾ? ಇಲ್ಲ ಎಂದಾದಲ್ಲಿ ನಾವು ತೋರಿಸುತ್ತೇವೆ ನೋಡಿ.... ಡಿಸೆಂಬರ್​ 9ರ...

VIDEO: ನಮಾಮಿ ಗಂಗಾ ಯೋಜನೆ ಪ್ರಗತಿ ಪರಿಶೀಲನೆ ಮುಗಿಸಿ ವಾಪಸ್​...

ಲಖನೌ: ಪ್ರಧಾನಿ ನರೇಂದ್ರ ಮೋದಿಯವರು ನ್ಯಾಷನಲ್ ಗಂಗಾ ಕೌನ್ಸಿಲ್​ನ ಮೊದಲ ಸಭೆಯನ್ನು ಇಂದು ಕಾನ್ಪುರದಲ್ಲಿ ನಡೆಸಿದ್ದಾರೆ. ಸಭೆಯಲ್ಲಿ ನಮಾಮಿ ಗಂಗಾ ಯೋಜನೆಯ ಮುಂದಿನ ಹಂತಗಳು, ನದಿ ಸ್ವಚ್ಛತೆಗೆ ತೆಗೆದುಕೊಳ್ಳಬೇಕಾದ ಕ್ರಮಗಳ ಬಗ್ಗೆ ನರೇಂದ್ರ ಮೋದಿ...

ವಿಡಿಯೋ | ಪತ್ನಿಗಾಗಿ ಆತ ಮಾಡಿದ ಆ ಕೆಲಸಕ್ಕೆ ನೆಟ್ಟಿಗರ...

ಈತ ತನ್ನ ಮಡದಿಗಾಗಿ ಮಾಡಿದ ಆ ಕೆಲಸದಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಅಪಾರ ಪ್ರಶಂಸೆ ಪಡೆದಿದ್ದಾನೆ. ಚೀನಾದ ಹೆಗಾಂಗ್​ನ ಪೊಲೀಸರು ಇಂತಹ ವೀಡಿಯೊಂದನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋ ವೀಕ್ಷಿಸಿದ ಸಾವಿರಾರು ಮಂದಿ ಅದಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ. ಆ...

VIDEO: ಕಾನ್ಪುರದಲ್ಲಿ ನ್ಯಾಷನಲ್​ ಗಂಗಾ ಕೌನ್ಸಿಲ್​ ಮೊದಲ ಸಭೆ: ಅಟಲ್​...

ಕಾನ್ಪುರ: ಪ್ರಧಾನಿ ನರೇಂದ್ರ ಮೋದಿಯವರು ಇಂದು ಕಾನ್ಪುರಕ್ಕೆ ತೆರಳಿದ್ದು ನ್ಯಾಷನಲ್​ ಗಂಗಾ ಕೌನ್ಸಿಲ್​ನ ಮೊದಲ ಸಭೆ ನಡೆಸಿದ್ದಾರೆ. ಉತ್ತರ ಪ್ರದೇಶದ ಕಾನ್ಪುರಕ್ಕೆ ತಲುಪಿದ ಅವರನ್ನು ಅಲ್ಲಿನ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್​ ಅವರು ಸ್ವಾಗತಿಸಿದರು. ಬಳಿಕ...

ಮನೆಗೆಲಸದ ಯುವತಿ ಮೇಲೆ ಮೌಲ್ವಿಯಿಂದ ಅತ್ಯಾಚಾರ: ಐರನ್​ ಬಾಕ್ಸ್​ನಿಂದ ಮೈಯೆಲ್ಲ...

ಬೆಂಗಳೂರು: ಮನೆಯ ಕೆಲಸಕ್ಕಿದ್ದ ಯುವತಿಯ ಮೇಲೆ ಅತ್ಯಾಚಾರ ಎಸಗಿ, ಐರನ್​ ಬಾಕ್ಸ್​ನಿಂದ ಮೈಯೆಲ್ಲಾ ಸುಟ್ಟು ಮೌಲ್ವಿಯೊಬ್ಬ ವಿಕೃತ ಮೆರೆದಿರುವ ಆರೋಪ ರಾಜ್ಯ ರಾಜಧಾನಿಯಲ್ಲಿ ಕೇಳಿಬಂದಿದೆ. ನಗರದ ಕೋರಮಂಗಲದಲ್ಲಿ ಪೈಶಾಚಿಕ ಕೃತ್ಯ ನಡೆದಿದೆ...

ಕಾಂಗ್ರೆಸ್​ನಿಂದ ಭಾರತ್​ ಬಚಾವೋ ಬೃಹತ್​ ರ‍್ಯಾಲಿ: ಬಿಜೆಪಿ ವಿರುದ್ಧ ಹರಿಹಾಯ್ದ...

ನವದೆಹಲಿ: ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಹಲವು ಕ್ರಮಗಳು ಹಾಗೂ ದೇಶದಲ್ಲಿ ಕುಸಿಯುತ್ತಿರುವ ಅರ್ಥ ವ್ಯವಸ್ಥೆ ಹಾಗೂ ಉದ್ಯೋಗಾವಕಾಶಗಳ ಬಗ್ಗೆ ಜನರಿಗೆ ತಿಳಿಸಲು ಕಾಂಗ್ರೆಸ್,​ ರಾಷ್ಟ್ರ ರಾಜಧಾನಿಯಲ್ಲಿ "ಭಾರತ್​ ಬಚಾವೋ"...