Monday, 12th November 2018  

Vijayavani

ಕಳಚಿತು ರಾಜಕೀಯ ರಂಗದ ಮತ್ತೊಂದು ಕೊಂಡಿ- ಬಾರದ ಲೋಕಕ್ಕೆ ಅನಂತ್ ಕುಮಾರ್ ಪಯಣ - ಶೋಕದ ಕಡಲಲ್ಲಿ ಬಿಜೆಪಿ ಪಾಳಯ        ಅಗಲಿದ ನಾಯಕನ ಅಂತಿಮ ದರ್ಶನ- ಇನ್ನು ಕೆಲವೇ ಹೊತ್ತಲ್ಲಿ ಬೆಂಗಳೂರಿಗೆ ಪ್ರಧಾನಿ ಆಗಮನ- ಅದಮ್ಯ ಚೇತನ ನೇತಾರನ ಗುಣಗಾನ        ನಾಳೆ ವೈದಿಕ ಸಂಪ್ರದಾಯದಂತೆ ಅಂತ್ಯಸಂಸ್ಕಾರ- ಬೆಳಗ್ಗೆ 8ಗಂಟೆಯಿಂದ ಸಾರ್ವಜನಿಕ ದರ್ಶನ - ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಳ್ಳೋರಿಗಾಗಿ ವಿಶೇಷ ರೈಲು        ಜೈಲು ಹಕ್ಕಿಯಾಗಿರೋ ರೆಡ್ಡಿಗೆ ಸಿಗುತ್ತಾ ಜಾಮೀನು- ನಾಳೆ ನಡೆಯಲಿದೆ ಅರ್ಜಿ ವಿಚಾರಣೆ- ಪರಪ್ಪರ ಅಗ್ರಹಾರದಲ್ಲಿ ದಿನಕಳೆದ ನಾಯಕ        ಸಿಲಿಕಾನ್ ಸಿಟಿಯಲ್ಲಿ ಎದೆ ಝಲ್ಲೆನಿಸುವ ಘಟನೆ- ಒಂದೇ ಕುಟುಂಬದ ನಾಲ್ವರು ಆತ್ಮಹತ್ಯೆಗೆ ಶರಣು- ಡೆತ್​ನೋಟ್ ಬರೆದಿಟ್ಟು ಸೂಸೈಡ್        ಕಾರ್ತಿಕ ಮಾಸದ ಮೊದಲ ಸೋಮವಾರ- ಶಿವ ದೇವಾಲಯಗಳಲ್ಲಿ ವಿಶೇಷ ಪೂಜೆ- ಮೈಸೂರಿನ ಚಾಮುಂಡಿ ಬೆಟ್ಟದಲ್ಲಿ ನಂದಿಮೂರ್ತಿಗೆ ರುದ್ರಾಭಿಷೇಕ       
Breaking News

ರಾಜ್ಯ ಅಥ್ಲೆಟಿಕ್ಸ್ ಮೊದಲ ದಿನ ಆರು ಕೂಟ ದಾಖಲೆ

Tuesday, 05.09.2017, 3:00 AM       No Comments

ಮೂಡುಬಿದಿರೆ: ರಾಜ್ಯ ಜೂನಿಯರ್ ಮತ್ತು ಸೀನಿಯರ್ ಅಥ್ಲೆಟಿಕ್ಸ್ ಸೋಮವಾರ ಆರಂಭವಾಗಿದ್ದು, ಮೊದಲ ದಿನವೇ ಆರು ಹೊಸ ಕೂಟದಾಖಲೆಗಳು ದಾಖಲಾಗಿವೆ. ಈ ಪೈಕಿ ನಾಲ್ಕು ಕೂಟದಾಖಲೆಗಳನ್ನು ಆಳ್ವಾಸ್ ಸ್ಪೋಟ್ಸ್ ಕ್ಲಬ್ ಮಾಡಿದೆ.

20 ವಯೋಮಿತಿ ಪುರುಷರ ವಿಭಾಗದ ಜಾವೆಲಿನ್ ಥ್ರೋನಲ್ಲಿ ಆಳ್ವಾಸ್ ಸ್ಪೋರ್ಟ್ಸ್ ಕ್ಲಬ್​ನ ಅರುಣ್ ಬೇಬಿ 75.55 ಮೀ. ಭರ್ಜಿ ದೂರ ಎಸೆದು ಹೊಸ ದಾಖಲೆ ನಿರ್ವಿುಸಿದರು. 2007ರಲ್ಲಿ ಪುರಂದರ ಸಾಧಿಸಿದ್ದ 73.31 ಮೀ.ನ ದಾಖಲೆ ಹಿಮ್ಮೆಟ್ಟಿಸಿದರು. 20 ವಯೋಮಿತಿ ಪುರುಷರ ವಿಭಾಗದ 10 ಕಿ.ಮೀ ನಡಿಗೆಯಲ್ಲಿ ಸಾಯ್ ಬೆಂಗಳೂರಿನ ರಕ್ಷಿತ್ ಬಿ. 46.34.09 ನಿಮಿಷಗಳಲ್ಲಿ ಗುರಿ ತಲುಪಿ 2012ರಲ್ಲಿ ವಿನೋದ್ ಹೂಗಾರ್ ನಿರ್ವಿುಸಿದ್ದ 47.12.0 ನಿಮಿಷಗಳ ದಾಖಲೆ ಮುರಿದರು.

ಬಾಲಕರ 18 ವಯೋಮಿತಿ ಡಿಸ್ಕಸ್ ಥ್ರೋನಲ್ಲಿ ಆಳ್ವಾಸ್ ಸ್ಪೋರ್ಟ್ಸ್ ಕ್ಲಬ್​ನ ಆಶಿಕ್ ಬಲೋಸಿಯಾ 50.13 ಮೀ. ದೂರಕ್ಕೆ ಎಸೆದು ಹೊಸ ದಾಖಲೆ ನಿರ್ವಿುಸಿದರು. ಈ ಮೂಲಕ ಅವರು ಗೌತಮ್ (48.20 ಮೀ.) ಹೆಸರಲ್ಲಿದ್ದ ದಾಖಲೆ(2013) ಅಳಿಸಿದರು.

20 ವಯೋಮಿತಿ ಬಾಲಕಿಯರ 100 ಮೀ. ಓಟದಲ್ಲಿ ಉಜಿರೆ ಎಸ್​ಡಿಎಂ ಸ್ಪೋರ್ಟ್ಸ್ ಕ್ಲಬ್​ನ ಸ್ನೇಹಾ ಎಸ್​ಎಸ್ 11.07 ಸೆಕೆಂಡ್​ಗಳಲ್ಲಿ ಕ್ರಮಿಸಿ 2011ರಲ್ಲಿ ರೆಬೆಕಾ ಜೋಸ್ ಹೆಸರಲ್ಲಿದ್ದ 11.8 ಸೆಕೆಂಡ್​ಗಳ ಹಳೇ ದಾಖಲೆ ಮುರಿದರು.

16 ವಯೋಮಿತಿ ಬಾಲಕರ ಹ್ಯಾಮರ್ ಥ್ರೋನಲ್ಲಿ ಆಳ್ವಾಸ್ ಸ್ಪೋರ್ಟ್ಸ್ ಕ್ಲಬ್​ನ ರಾಹುಲ್ 54.37 ಮೀ. ದೂರಕ್ಕೆ ಎಸೆದು 2013ರಲ್ಲಿ ಕೇಶವನ್ ದಾಖಲಿಸಿದ್ದ 53.88 ಮೀ. ದಾಖಲೆ ಹಿಮ್ಮೆಟ್ಟಿಸಿದರು. 16 ವಯೋಮಿತಿಯ ಹೈಜಂಪ್​ನಲ್ಲಿ ಆಳ್ವಾಸ್ ಸ್ಪೋರ್ಟ್ಸ್ ಕ್ಲಬ್​ನ ಅಜಯ್ ಸಾಗರ್ 1.98 ಮೀ ಎತ್ತರ ಜಿಗಿದು 2009ರಲ್ಲಿ ಹಂದನ್ ರಚಿಸಿದ್ದ 1.86 ಮೀ. ದಾಖಲೆ ಅಳಿಸಿದರು.

Leave a Reply

Your email address will not be published. Required fields are marked *

Back To Top