ಬಿಳಿಗಿರಿರಂಗನಬೆಟ್ಟದಲ್ಲಿ ಚಿಕ್ಕಟ್ಟಿ ಮಾರಮ್ಮನ ಹಬ್ಬ

ಚಾಮರಾಜನಗರ: ಯಳಂದೂರು ತಾಲೂಕಿನ ಬಿಳಿಗಿರಿರಂಗನಬೆಟ್ಟದಲ್ಲಿ ಗ್ರಾಮ ದೇವತೆ ಚಿಕ್ಕಟ್ಟಿ ಮಾರಮ್ಮನ ಹಬ್ಬವು ಗುರುವಾರ ಸಂಭ್ರಮ-ಸಡಗರದಿಂದ ನಡೆಯಿತು.
ಗ್ರಾಮದ ರಥದ ಬೀದಿಯಿಂದ ಸೋಮೇಶ್ವರ ಕೆರೆಯ ಬಳಿ ಇರುವ ಚಿಕ್ಕಟ್ಟಿ ಮಾರಮ್ಮದೇವಿಯ ದೇಗುಲದ ಬಳಿಗೆ ತಂಪನ್ನು ಎಲ್ಲರೂ ಒಗ್ಗೂಡಿ ತಂದರು. ಇದಕ್ಕಾಗಿ ಬೆಳಿಗ್ಗೆಯಿಂದಲೇ ದೇಗುಲದಲ್ಲಿ ದೇವಿಗೆ ಅಬಿಷೇಕ ಮಾಡಿ ವಿಶೇಷವಾಗಿ ಅಲಂಕಾರ ಮಾಡಲಾಗಿತ್ತು. ಪ್ರತಿ ಆಷಾಢ ಮಾಸದಲ್ಲಿ ಈ ಹಬ್ಬವನ್ನು ಆಚರಣೆ ಮಾಡುವ ವಾಡಿಕೆ ಇದ್ದು ಇಲ್ಲಿನ ಭಕ್ತರು ತಪ್ಪದೆ ಈ ಧಾರ್ಮಿಕ ವಿಧಿಯನ್ನು ಆಚರಿಸುವ ವಾಡಿಕೆ ಇದೆ. ಮಹಾಮಂಗಳಾರತಿ ಮಾಡಿದ ನಂತರ ಇಲ್ಲಿ ನೆರೆದಿದ್ದ ನೂರಾರು ಭಕ್ತರಿಗೆ ಪ್ರಸಾದ ವಿಯೋಗವನ್ನು ಮಾಡಲಾಯಿತು.