ಸಕಲೇಶಪುರ: ತಾಲೂಕಿನ ಹೆತ್ತೂರು ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಸೋಮವಾರ ಬೆಳಗ್ಗೆ ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ಸಂಭವಿಸಿದ್ದು ಶುಶ್ರೂಷಕಿಯೊಬ್ಬರು ಅಪಾಯದಿಂದ ಪಾರಾಗಿದ್ದಾರೆ.
ರಾತ್ರಿ ಕರ್ತವ್ಯ ಮುಗಿಸಿ ಮುಂಜಾನೆ 6 ಗಂಟೆ ವೇಳೆ ಆಸ್ಪತ್ರೆಯ ವಿಶ್ರಾಂತಿ ಕೊಠಡಿಯಲ್ಲಿ ಮಲಗಿದ್ದರು. ಈ ವೇಳೆ ವಿದ್ಯುತ್ ಅವಘಡ ಸಂಭವಿಸಿದ್ದು ಕೊಠಡಿಯಲ್ಲಿದ್ದ ಟಿವಿ ಸೇರಿದಂತೆ ಹಲವು ವಸ್ತುಗಳು ಸುಟ್ಟು ಕರಕಲಾಗಿ ಕೊಠಡಿಯ ತುಂಬಾ ಹೊಗೆ ಆವರಿಸಿತ್ತು. ಈ ವೇಳೆ ವಾಯುವಿಹಾರದಲ್ಲಿದ್ದ ಜನರು ಗಮನಿಸಿ ಕೊಠಡಿಯ ಬಾಗಿಲು ಒಡೆದು ನಿದ್ರೆಯಲ್ಲಿದ್ದ ಶುಶ್ರೂಷಕಿಯನ್ನು ಹೊರಗೆ ಕರೆತಂದು ಅಪಾಯದಿಂದ ಪಾರು ಮಾಡಿದ್ದಾರೆ.