Wednesday, 12th December 2018  

Vijayavani

ಮಧ್ಯಪ್ರದೇಶದಲ್ಲಿ ಸರ್ಕಾರ ರಚನೆ ಕಸರತ್ತು -ಕೈಗೆ ಬೆಂಬಲ ಘೋಷಿಸಿದ ಮಾಯಾವತಿ -ಶಾಸಕಾಂಗ ಪಕ್ಷದ ಸಭೆ ಕರೆದ ಕಾಂಗ್ರೆಸ್        ಪಾನ್ ಬ್ರೋಕರ್ ಡೀಲ್ ಪ್ರಕರಣದ ತನಿಖೆ ಚುರುಕು -ಸಹಕಾರ ಇಲಾಖೆಯಿಂದ ನೋಟಿಸ್ -ಇದು ದಿಗ್ವಿಜಯ ನ್ಯೂಸ್ ವರದಿ ಫಲಶ್ರುತಿ        ಋಣ ಸಂದಾಯಕ್ಕೆ ಮುಂದಾದ ರಾಮಲಿಂಗಾರೆಡ್ಡಿ -ಬಿಜೆಪಿ ಕಾರ್ಪೋರೇಟರ್ ಗೆ ಸ್ಥಾಯಿ ಸಮಿತಿ ಅಧ್ಯಕ್ಷ ಪಟ್ಟ -ಪುತ್ರಿ ಗೆಲುವಿಗೆ ಸಹಕರಿಸಿದ್ದಕ್ಕೆ ಗಿಫ್ಟ್        ಸರ್ಕಾರದ ವಿರುದ್ಧ ಇಂದು ಬರಾಸ್ತ್ರ -ಸಿಎಂಗೆ ಬಿಸಿ ಮುಟ್ಟಿಸಲು ಬಿಎಸ್‌ವೈ ರಣತಂತ್ರ -ಅತ್ತ ಭದ್ರತೆಗೆ ಬಂದ ಎಸ್ಪಿಗೆ ಕೈಕೊಟ್ಟ ಕಾರು        ಕಿಡ್ನಾಪರ್ಸ್ ಹಿಡಿಯಲು ಪ್ರೇಮಿಗಳ ವೇಷ -ಆಂಧ್ರಕ್ಕೆ ಆಗಿ ಹೋದ ಪೊಲೀಸರು -ಶಿವಾಜಿನಗರ ಠಾಣೆ ಪೊಲೀಸರಿಂದ ಕಿರಾತಕರಿಗೆ ಕೋಳ        ಮುಂಬೈನಲ್ಲಿಂದು ಅಂಬಾನಿ ಮಗಳ ಅದ್ಧೂರಿ ವಿವಾಹ -ಹಿಲರಿ ಕ್ಲಿಂಟನ್ ಸೇರಿ ಗಣ್ಯಾತಿಗಣ್ಯರು ಭಾಗಿ - ಸ್ಯಾಂಡಲ್‌ವುಡ್‌ನಲ್ಲಿ ದಿಗಂತ್, ಐಂದ್ರಿತಾ ಮದುವೆ ಸಂಭ್ರಮ       
Breaking News

ಪೊಂಗಲ್ ಪೈಪೋಟಿ

Friday, 12.01.2018, 3:02 AM       No Comments

ಯಾವುದೇ ಧಾರ್ವಿುಕ ಹಬ್ಬ ಬಂತೆಂದರೆ ಅದು ಸಿನಿಪ್ರಿಯರ ಪಾಲಿಗೂ ಸಂಭ್ರಮದ ವಾತಾವರಣ ನಿರ್ವಿುಸಿಬಿಡುತ್ತದೆ. ಹಬ್ಬದ ರಜೆಯ ಲಾಭ ಸವಿಯಲು ಸ್ಟಾರ್ ಸಿನಿಮಾಗಳು ಅಖಾಡಕ್ಕೆ ಇಳಿಯುವುದೇ ಅದಕ್ಕೆ ಕಾರಣ. ಅದರಲ್ಲೂ ದೀಪಾವಳಿ, ಕ್ರಿಸ್​ವುಸ್ ರೀತಿಯೇ ಪೊಂಗಲ್ ಕೂಡ ಗಲ್ಲಾಪೆಟ್ಟಿಗೆ ಕದನಕ್ಕೆ ಸಾಕ್ಷಿ ಆಗುತ್ತದೆ. ಈ ಬಾರಿ ತಮಿಳು ಚಿತ್ರರಂಗದಲ್ಲಿ ಪೊಂಗಲ್ ಸಮಯಕ್ಕೆ ಸರಿಯಾಗಿ ಸ್ಟಾರ್ ನಟರಾದ ಸೂರ್ಯ ಮತ್ತು ವಿಕ್ರಮ್ ಹಣಾಹಣಿ ನಡೆಸಲಿರುವುದು ವಿಶೇಷ.

‘ಧಾನ ಸೇಂರ್ಧ ಕೂಟಂ’ ಮೂಲಕ ಸೂರ್ಯ ಭರಪೂರ ಮನರಂಜನೆ ನೀಡಲು ಬರುತ್ತಿದ್ದಾರೆ. ಅತ್ತ ವಿಕ್ರಮ್ ‘ಸ್ಕೆಚ್’ ಚಿತ್ರದ ಮೂಲಕ ಬಾಕ್ಸ್​ಆಫೀಸ್​ಗೆ ಸ್ಕೆಚ್ ಹಾಕುತ್ತಿದ್ದಾರೆ. ಇಬ್ಬರೂ ತಮ್ಮದೇ ಆದ ಫ್ಯಾನ್ ಫಾಲೋಯಿಂಗ್ ಹೊಂದಿರುವುದರಿಂದ ಯಾರಿಗೆ ಎಷ್ಟು ಗಳಿಕೆ ಆಗಲಿದೆ ಎಂಬ ಕುತೂಹಲ ಎಲ್ಲರಲ್ಲೂ ಮನೆ ಮಾಡಿದೆ. ಬಲಾಬಲದ ವಿಚಾರಕ್ಕೆ ಬರುವುದಾದರೆ ಎರಡೂ ಚಿತ್ರಗಳ ಮೇಲೆ ಸಮಪ್ರಮಾಣದ ನಿರೀಕ್ಷೆ ಇದೆ. ಈ ಹಿಂದೆ ಚೊಚ್ಚಲ ಚಿತ್ರ ‘ನಾನುಮ್ ರೌಡಿ ಧಾನ್’ ಮೂಲಕ ಗೆಲುವು ಕಂಡಿದ್ದ ವಿಘ್ನಶ್ ಶಿವನ್ ಅವರೇ ‘ಧಾನ ಸೇಂರ್ಧ ಕೂಟಂ’ ಚಿತ್ರಕ್ಕೆ ಆಕ್ಷನ್ -ಕಟ್ ಹೇಳಿದ್ದಾರೆ. ಇದೇ ಮೊದಲ ಬಾರಿಗೆ ಸೂರ್ಯ ಮತ್ತು ಶಿವನ್ ಕಾಂಬಿನೇಷನ್ ಒಂದಾಗಿರುವುದರಿಂದ ಚಿತ್ರದ ಬಗ್ಗೆ ಸಹಜವಾಗಿಯೇ ಕೌತುಕವಿದೆ.

ನಾಯಕಿಯಾಗಿ ಕೀರ್ತಿ ಸುರೇಶ್ ಬಣ್ಣ ಹಚ್ಚಿದ್ದು, ಅನಿರುಧ್ದ ರವಿಚಂದರ್ ಸಂಗೀತ ನೀಡಿದ್ದಾರೆ. ಇನ್ನು ‘ಸ್ಕೆಚ್’ಗೆ ನಿರ್ದೇಶನ ಮಾಡಿರುವ ವಿಜಯ್ ಚಂದರ್ ಅವರಿಗೂ ಇದು ಎರಡನೇ ಆಕ್ಷನ್-ಕಟ್ ಪ್ರಯತ್ನ. ಈ ಹಿಂದೆ ‘ವಾಲು’ ಸಿನಿಮಾ ಮಾಡಿ ಅವರು ಗಮನ ಸೆಳೆದಿದ್ದರು. ಸಾಹಸಮಯ ಸಿನಿಮಾಗಳಿಂದಲೇ ಹೆಚ್ಚು ಫೇಮಸ್ ಆಗಿರುವ ವಿಕ್ರಮ್ ಈ ಬಾರಿಯೂ ಮಾಸ್​ಪ್ರಿಯರಿಗೆ ಮನರಂಜನೆಯ ರಸದೌತಣ ನೀಡುವುದು ಗ್ಯಾರಂಟಿ ಎಂಬುದಕ್ಕೆ ಟ್ರೇಲರ್ ಸಾಕ್ಷಿ ಒದಗಿಸಿದೆ. ವಿಕ್ರಮ್ೆ ಜೋಡಿಯಾಗಿ ತಮನ್ನಾ ಭಾಟಿಯಾ ನಟಿಸಿದ್ದು, ಹಾಡುಗಳಿಗೆ ಎಸ್. ತಮನ್ ಸಂಗೀತ ನೀಡಿದ್ದಾರೆ. ತಾಂತ್ರಿಕವಾಗಿ ಎರಡೂ ಚಿತ್ರಗಳು ಗಟ್ಟಿಯಾಗಿದ್ದು ಈ ವಾರ (ಜ.12) ತೆರೆಕಂಡು ಹಣಾಹಣಿ ನಡೆಸಲಿವೆ.

Leave a Reply

Your email address will not be published. Required fields are marked *

Back To Top