Saturday, 17th November 2018  

Vijayavani

ಮೈಸೂರು ಪಾಲಿಕೆಯಲ್ಲಿ ದೋಸ್ತಿ ತಂತ್ರ - ಮಾತುಕತೆ ಯಶಸ್ವಿ - 2 ವರ್ಷ ಕಾಂಗ್ರೆಸ್, 3 ವರ್ಷ ಜೆಡಿಎಸ್​​ಗೆ        ಮೀಸಲಾತಿ ವಿಚಾರದಲ್ಲಿ ದೋಸ್ತಿಗಳೇ ಗರಂ - ಸಿಎಂ ಎಚ್​​ಡಿಕೆಗೆ ಸಚಿವ ಪ್ರಿಯಾಂಕ ಖರ್ಗೆ ಪತ್ರ        ಅನಂತ್ ನಿಧನದಿಂದಾಗಿರೋ ನಷ್ಟ ಭರಿಸಲು ಸರ್ಕಸ್ - ರಾಜ್ಯ ಬಿಜೆಪಿ ಸಂಸದರಿಗೆ ಸಿಗುತ್ತಾ ಸಚಿವ ಭಾಗ್ಯ        ಇಂದು ಮಹದಾಯಿ ಕುರಿತು ಸರ್ವಪಕ್ಷ ಸಭೆ - ಮುಂದಿನ ಕ್ರಮದ ಬಗ್ಗೆ ನಡೆಯಲಿದೆ ಮಹತ್ವದ ಚರ್ಚೆ        ಇಂದು ಶಬರಿಮಲೆ ಬಾಗಿಲು ಮತ್ತೆ ಓಪನ್ - ಮಹಿಳೆಯರಿಗೆ ದರ್ಶನ ಸಿಗುತ್ತೋ? ಸಿಗಲ್ವೋ..?       
Breaking News

ಪಟೌಡಿ ಉಪನ್ಯಾಸ ನೀಡಿದ ಪೀಟರ್ಸೆನ್

Wednesday, 13.06.2018, 3:03 AM       No Comments

ಬೆಂಗಳೂರು: ಮ್ಯಾಚ್ ಫಿಕ್ಸಿಂಗ್​ನಂಥ ಘೋರ ಅಪರಾಧದಿಂದ ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಹ್ಯಾನ್ಸಿ ಕ್ರೋನಿಯೆ ಗುರುತಿಸಿಕೊಂಡರೂ, ಅವರ ಸಾವು ಇನ್ನೂ ಅನುಮಾನಗಳಿಗೆ ಎಡೆ ಮಾಡಿಕೊಡುತ್ತದೆ. ಮಂಗಳವಾರ ಬೆಂಗಳೂರಿನಲ್ಲಿ ನಡೆದ 6ನೇ ಆವೃತ್ತಿಯ ಎಂಎಕೆ ಪಟೌಡಿ ಉಪನ್ಯಾಸ ಕಾರ್ಯಕ್ರಮದಲ್ಲಿ ಇಂಗ್ಲೆಂಡ್​ನ ಮಾಜಿ ನಾಯಕ ಕೆವಿನ್ ಪೀಟರ್ಸೆನ್, ಕ್ರೋನಿಯೆಯನ್ನು ನೆನೆಸಿಕೊಳ್ಳುವುದರೊಂದಿಗೆ ಅಳಿವಿನ ಅಂಚಿನಲ್ಲಿರುವ ಘೇಂಡಾಮೃಗಗಳ ಸಂತತಿಯನ್ನು ಕಾಪಾಡುವಂತೆ ಮನವಿ ಮಾಡಿದರು.

ಭಾಷಣದ ವೇಳೆ ದಿಗ್ಗಜರನ್ನು ನೆನೆಸಿಕೊಳ್ಳುವ ವೇಳೆ, ‘ಸಚಿನ್ ತೆಂಡುಲ್ಕರ್, ಶೇನ್ ವಾರ್ನ್, ಮಾಲ್ಕಂ ಮಾರ್ಷಲ್, ಸ್ಟೀವ್ ವಾ, ರಿಚರ್ಡ್ ಹ್ಯಾಡ್ಲಿ, ಕಪಿಲ್ ದೇವ್ ಹಾಗೂ ಹ್ಯಾನ್ರಿ ಕ್ರೋನಿಯೆ’ ಹೆಸರನ್ನು ಪೀಟರ್ಸೆನ್ ಪ್ರಸ್ತಾಪಿಸಿದರು. ‘ಈ ಎಲ್ಲ ಆಟಗಾರರು ಸಮ ಪ್ರಮಾಣದ ಏಕದಿನ ಪಂದ್ಯಗಳು ಅಡಿರಬಹುದು. ಆದರೆ, ಅವರ ನಿರ್ವಹಣೆ ಹಾಗೂ ಸಾಧನೆಗಳನ್ನು ಪರಿಗಣನೆ ಮಾಡುವ ವಿಚಾರ ಬಂದಾಗ ಟೆಸ್ಟ್ ಕ್ರಿಕೆಟ್ ಪ್ರಾಮುಖ್ಯತೆ ಪಡೆದುಕೊಳ್ಳುತ್ತದೆ’ ಎಂದರು.ಇದೇ ವೇಳೆ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಎರಡು ಆವೃತ್ತಿಯ ಪಾಲಿ ಉಮ್ರಿಗರ್ ಪ್ರಶಸ್ತಿಯನ್ನು ಸ್ವೀಕರಿಸಿದರು. ಅಲ್ಲದೆ, ವಿವಿಧ ವಿಭಾಗಗಳಲ್ಲಿ ಪ್ರಶಸ್ತಿ ಗೆದ್ದ ವಿಜೇತರನ್ನು ಬಿಸಿಸಿಐ, ಟ್ರೋಫಿ ಹಾಗೂ ನಗದು ಬಹುಮಾನ ನೀಡಿ ಸನ್ಮಾನಿಸಿತು. ಪಟೌಡಿ ಉಪನ್ಯಾಸ ನೀಡಿದ ಮೊದಲ ವಿದೇಶಿ ಆಟಗಾರ ಎನಿಸಿಕೊಂಡ ಪೀಟರ್ಸೆನ್, ಘೇಂಡಾಮೃಗದ ರಕ್ಷಣೆಗಾಗಿ ತಾವು ನಡೆಸುತ್ತಿರುವ ಅಭಿಯಾನದ ಕುರಿತಾಗಿಯೂ ಮಾಹಿತಿ ನೀಡಿದರು. ‘ಆಫ್ರಿಕಾ ಹಾಗೂ ಭಾರತ ಘೇಂಡಾಮೃಗಗಳ ತವರು. ಇತ್ತೀಚಿನ ವರ್ಷಗಳಲ್ಲಿ ಇವುಗಳ ಬೇಟೆ ಹೆಚ್ಚಾಗಿದೆ. ಇವುಗಳ ಕೊಂಬುಗಳು ನಮಗೆ ತಾತ್ಕಾಲಿಕ ಶ್ರೀಮಂತಿಕೆ ನೀಡಬಹುದು. ಆದರೆ, ಈ ಕಾರಣಕ್ಕಾಗಿ ನಾವು ಅಪರೂಪದ ತಳಿಯೊಂದನ್ನು ಕಳೆದುಕೊಳ್ಳುವ ಹಂತ ತಲುಪಿದ್ದೇವೆ’ ಎಂದಿದ್ದಾರೆ.

Leave a Reply

Your email address will not be published. Required fields are marked *

Back To Top