Monday, 10th December 2018  

Vijayavani

ಆರ್​ಬಿಐ ಗವರ್ನರ್​ ಸ್ಥಾನಕ್ಕೆ ಊರ್ಜಿತ್​ ಪಟೇಲ್​ ರಾಜೀನಾಮೆ- ವಿಜಯ ಮಲ್ಯ ಗಡಿಪಾರಿಗೆ ಯುಕೆ ನ್ಯಾಯಾಲಯ ಆದೇಶ        ಬೆಳಗಾವಿಯಲ್ಲಿ ಚಳಿಗಾಲದ ಅಧಿವೇಶನ -ಮೊದಲ ದಿನ ಕಲಾಪದಲ್ಲಿ ಅಗಲಿದ ಗಣ್ಯರಿಗೆ ಸಂತಾಪ -ಮೈತ್ರಿ ಸರ್ಕಾರ ವಿರುದ್ಧ ಬಿಜೆಪಿ ಗುಡುಗು        ಸರ್ಕಾರದ ವಿರುದ್ದ ರೈತರ ಹೋರಾಟ -ದೀಡ್ ದಂಡ ನಮಸ್ಕಾರ, ಬಾರುಕೋಲು ಚಳುವಳಿ -ಪೀಪಿ ಊದಿ ನಾಯಕರನ್ನು ಎಚ್ಚರಿಸಿದ ರೈತರು        ಚಿಕ್ಕಬಳ್ಳಾಪುರದಲ್ಲಿ ಒತ್ತುವರಿ ಅರಣ್ಯ ಭೂಮಿ ತೆರವು -ಜೆಸಿಬಿ ಮುಂದೆ ಬಿದ್ದು ಗೋಳಾಡಿದ ರೈತರು -ಬಿಗಿ ಪೊಲೀಸ್ ಭದ್ರತೆಯಲ್ಲಿ ಕಾರ್ಯಾಚರಣೆ        940 ದಿನಗಳ ನಿರಂತರ ವಿದ್ಯುತ್ ಉತ್ಪಾದನೆ -ಕೈಗಾ ಅಣುಸ್ಥಾವರದಿಂದ ವಿಶ್ವ ದಾಖಲೆ -ಸ್ಥಳೀಯರ ವಿರೋಧದ ನಡುವೆಯೂ ಸಾಧನೆ        ಸಿದ್ಧಗಂಗಾ ಶ್ರೀಗಳ ಆರೋಗ್ಯದಲ್ಲಿ ಚೇತರಿಕೆ -ನಾಳೆ ವಾರ್ಡ್ ಗೆ ಶಿಫ್ಟ್ ಸಾಧ್ಯತೆ -ಅಲ್ಪಸಂಖ್ಯಾತ ವೈದ್ಯರ ಚಿಕಿತ್ಸೆ ಅಂತ ಪ್ರಸ್ತಾಪಿಸಿದ್ದ ಡಿಕೆಶಿ ಕ್ಷಮೆ        ಮಂಡ್ಯದ ನವದಂಪತಿಗೆ ವಿಶೇಷ ಗಿಫ್ಟ್ -ದೇಸೀ ಹಸು ಉಡುಗೊರೆ ನೀಡಿದ ಗೆಳೆಯರು -ಕಾಮಧೇನು ನೋಡಿ ಮದುಮಕ್ಕಳ ಸಂತಸ       
Breaking News

ಚಾರ್ಲಿ ಬಳಗಕ್ಕೆ ಸತಿ ಸಂಗೀತಾ

Tuesday, 17.07.2018, 3:05 AM       No Comments

| ಅವಿನಾಶ್ ಜಿ.ರಾಮ್

ಬೆಂಗಳೂರು: ನಟ ರಕ್ಷಿತ್ ಶೆಟ್ಟಿ ನಾಯಕತ್ವದ ‘777 ಚಾರ್ಲಿ’ ಚಿತ್ರಕ್ಕೆ ಈಗಾಗಲೇ ಒಂದು ಹಂತದ ಶೂಟಿಂಗ್ ಮುಗಿದಿದೆ. ಆದರೆ ಚಿತ್ರದ ನಾಯಕಿ ಯಾರೆಂದು ಹೇಳಿರಲಿಲ್ಲ ಚಿತ್ರತಂಡ. ಇದೀಗ ಆ ಮಾಹಿತಿ ಹೊರಬಿದ್ದಿದೆ. ‘ಹರ ಹರ ಮಹಾದೇವ’ ಧಾರಾವಾಹಿಯಲ್ಲಿ ಸತಿ ಪಾತ್ರ ಮಾಡಿದ್ದ ನಟಿ ಸಂಗೀತಾ ಈಗ ರಕ್ಷಿತ್ ಎದುರು ನಟಿಸುವುದಕ್ಕೆ ಆಯ್ಕೆಯಾಗಿದ್ದಾರೆ.

ಚಿತ್ರದಲ್ಲಿ ರಕ್ಷಿತ್ ಮತ್ತು ನಾಯಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿದರೆ, ಸಂಗೀತಾ ಕೂಡ ಅಷ್ಟೇ ಮಹತ್ವದ ಪಾತ್ರಕ್ಕೆ ಬಣ್ಣ ಹಚ್ಚಲಿದ್ದಾರೆ. ‘ಸಂಗೀತಾ ನಿಭಾಯಿಸುತ್ತಿರುವ ಪಾತ್ರವನ್ನು ನಾಯಕಿ ಎನ್ನುವುದರ ಬದಲು ತುಂಬ ವಿಶೇಷವಾದ, ಚಿತ್ರಕ್ಕೆ ಬಹುಮುಖ್ಯವಾದ ಪಾತ್ರ ಎಂದಷ್ಟೇ ಹೇಳಬಹುದು. ‘ಕಿರಿಕ್ ಪಾರ್ಟಿ’ಯಲ್ಲೂ ಹೊಸ ನಟಿಯರಿಗೆ ಅವಕಾಶ ನೀಡಿದ್ದೆವು. ಈ ಬಾರಿಯೂ ಹೊಸಬರಿಗೆ ಅವಕಾಶ ನೀಡಬೇಕು ಎಂಬ ಉದ್ದೇಶ ಇತ್ತು. ಜನಪ್ರಿಯ ಕಲಾವಿದರನ್ನು ಆಯ್ಕೆ ಮಾಡಿಕೊಂಡರೆ, ಪಾತ್ರಕ್ಕಿಂತ ಹೆಚ್ಚು ಅವರೇ ಕಾಣಿಸುತ್ತಾರೆ. ನಮಗೆ ಕಲಾವಿದರಿಗಿಂತ ಚಿತ್ರದಲ್ಲಿ ಪಾತ್ರ ಕಾಣಿಸಬೇಕಿತ್ತು’ ಎಂದು ಮಾಹಿತಿ ನೀಡುತ್ತಾರೆ ನಿರ್ದೇಶಕ ಕಿರಣ್ ರಾಜ್. ನಾಯಕಿ ಪಾತ್ರಕ್ಕಾಗಿ ಅಂದಾಜು 2,700ಕ್ಕೂ ಅಧಿಕ ಪ್ರೊಫೈಲ್​ಗಳು ಬಂದಿದ್ದವು. ಅದರಲ್ಲಿ 150ರಿಂದ 200 ಜನರಿಗೆ ಆಡಿಷನ್ ಮಾಡಲಾಗಿತ್ತು. ಅಂತಿಮವಾಗಿ ಸಂಗೀತಾ ಆಯ್ಕೆಯಾಗಿದ್ದರು. ‘ತುಂಬ ಎನರ್ಜಿ ತುಂಬಿರುವ ಪಾತ್ರವಿದು. ಸಣ್ಣ ಸಣ್ಣ ಭಾವನೆಗಳನ್ನು ಸಂಗೀತಾ ತುಂಬ ಕಾನ್ಪಿಡೆಂಟ್ ಆಗಿ ಹೊರಹೊಮ್ಮಿಸುತ್ತಾರೆ. ನಮ್ಮ ಚಿತ್ರದ ಸೆಟ್​ನಲ್ಲಿ ಯಾವ ಕಲಾವಿದರಿಗೂ ರಿ-ಟೇಕ್ ಅವಕಾಶ ಇರುವುದಿಲ್ಲ. ಪ್ರಮುಖ ಪಾತ್ರದಲ್ಲಿ ನಾಯಿ ನಟಿಸುತ್ತಿರುವುದರಿಂದ ಕಲಾವಿದರು ಸದಾ ಸಿದ್ಧರಿರಬೇಕು. ಅದು ಯಾವ ಟೈಮ್ ಅಲ್ಲಿ ಬೇಕಾದ್ರು ಟೇಕ್ ಓಕೆ ಮಾಡಬಹುದು’ ಎನ್ನುತ್ತಾರೆ ಕಿರಣ್.

ಅಷ್ಟೊಂದು ಜನರ ಮಧ್ಯೆ ನಾನು ಸೆಲೆಕ್ಟ್ ಆಗಿರುವುದು ಒಂಥರಾ ಮಿಸ್ ಇಂಡಿಯಾಗೆ ಆಯ್ಕೆಯಾದಷ್ಟು ಖುಷಿಯಾಗಿದೆ. ಸಿನಿಮಾ ಬಗ್ಗೆ ತುಂಬ ಪ್ಯಾಷನ್ ಇರುವಂತಹ ತಂಡ ಇದು. ಪ್ರತಿಭೆ ಇರುವವರಿಗೆ ಮಾತ್ರ ಇಲ್ಲಿ ಮನ್ನಣೆ ಸಿಗುತ್ತದೆ.

| ಸಂಗೀತಾ ನಟಿ

 

ನಮ್ಮ ಬ್ಯಾನರ್​ನಲ್ಲಿ ಸಿದ್ಧವಾಗುವ ಸಿನಿಮಾಗಳ ಒಂದಲ್ಲ ಒಂದು ವಿಭಾಗದಲ್ಲಿ ಹೊಸ ಪ್ರತಿಭೆಗಳಿಗೆ ಅವಕಾಶ ನೀಡುತ್ತ ಬಂದಿದ್ದೇವೆ. ಆಡಿಷನ್​ನಲ್ಲಿ ಸಂಗೀತಾ ಉತ್ತಮವಾಗಿ ನಟಿಸಿದ್ದರು. ಚಿತ್ರದಲ್ಲಿನ ಅವರ ಪಾತ್ರಕ್ಕೂ ನ್ಯಾಯ ಸಲ್ಲಿಸಲಿದ್ದಾರೆ ಎಂಬ ನಂಬಿಕೆ ಇದೆ.

| ಪುಷ್ಕರ್ ಮಲ್ಲಿಕಾರ್ಜುನಯ್ಯ, ನಿರ್ಮಾಪಕ

Leave a Reply

Your email address will not be published. Required fields are marked *

Back To Top