ಬೆಳಗಾವಿ: ಗುಣಮಟ್ಟದ ಗೃಹಬಳಕೆ ವಿದ್ಯುತ್ ಉಪಕರಣಗಳಿಗೆ ಹೆಸರಾಗಿರುವ ಟೆಕ್ನಿಕಾ ಹೋಮ್ ಅಪ್ಲಾಯನ್ಸ್‌ನ ನೂತನ ಲೋಗೋ, ಪ್ರೀಮಿಯಂ ಸೀಲಿಂಗ್ ಫ್ಯಾನ್ ಶುಕ್ರವಾರ ಲೋಕಾರ್ಪಣೆಗೊಂಡಿತು.
ಬೆಳಗಾವಿಯ ಸಂಭಾಜಿ ನಗರದಲ್ಲಿ ಟೆಕ್ನಿಕಾ ಹೋಮ್ ಅಪ್ಲಾಯನ್ಸ್‌ನ ನೂತನ ಸಭಾಂಗಣದಲ್ಲಿ ಗ್ರಾಹಕರು ಹಾಗೂ ವಿತರಕರ ಸಮ್ಮುಖದಲ್ಲಿ ಉದ್ಯಮಿ ಶೀತಲ ಪಾಟೀಲ ಹಾಗೂ ನಗರ ಪಾಲಿಕೆ ಸದಸ್ಯೆ ಸಾರಿಕಾ ಪಾಟೀಲ, ಚಂದ್ರಕಾಂತ ರಾಜಮಾನೆ ಹಾಗೂ ಗಣೇಶ ದೇಸಾಯಿ ಲೋಕಾರ್ಪಣೆಗೊಳಿಸಿದರು.
ಟೆಕ್ನಿಕಾದ ಪ್ರೊಪ್ರೈಟರ್ ಸೋಮೇಶ್ವರ ಕುಲಕರ್ಣಿ ಮಾತನಾಡಿ, ಬಹುರಾಷ್ಟ್ರೀಯ ಕಂಪನಿಗಳ ಭರಾಟೆಯ ನಡುವೆಯೂ ಕೈಗೆಟುಕುವ ಬೆಲೆಯಲ್ಲಿ ಗುಣಮಟ್ಟದ ಉತ್ಪನ್ನ ನೀಡಿದರೆ, ಗ್ರಾಹಕರು ಖರೀದಿಸಿ ಪ್ರೋತ್ಸಾಹಿಸುತ್ತಾರೆ ಎಂಬುವುದನ್ನು ಟೆಕ್ನಿಕಾದ ಇಡೀ ತಂಡ ಈ ಎರಡು ದಶಕದಲ್ಲಿ ಸಾಬೀತುಪಡಿಸಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.
ವ್ಯವಸ್ಥಾಪಕ ನಿರ್ದೇಶಕರಾದ ಪವನಕುಮಾರ ಕುಲಕರ್ಣಿ ಮಾತನಾಡಿ, 1992ರಲ್ಲಿ ಸ್ಥಾಪನೆಯಾಗಿ ರುವ ಟೆಕ್ನಿಕಾ ಹೋಮ ಅಪ್ಲಾಯನ್ಸ್‌ನ ಉತ್ಪನ್ನಗಳ ಖರೀದಿಗೆ ಆರಂಭದಲ್ಲಿ ಹಿಂದೇಟು ವ್ಯಕ್ತವಾಗಿದ್ದರೂ, ಗುಣಮಟ್ಟದ ಮಿಕ್ಸರ್ ಹಾಗೂ ಸ್ಟೆಪ್ಲೈಜರ್ ಮೂಲಕ ಗ್ರಾಹಕರ ಮನೆ ಮಾತಾಯಿತು. ವಿಶ್ವಾಸಕ್ಕೆ ಧಕ್ಕೆ ಬರದಂತೆ ಟೆಕ್ನಿಕಾ ಉಪಕರಣಗಳನ್ನು ಸಿದ್ಧಪಡಿಸ ಲಾಗುತ್ತದೆ ಎಂದರು. ದಿನದಿಂದ ದಿನಕ್ಕೆ ಗ್ರಾಹಕರು ಟೆಕ್ನಿಕಾ ಉತ್ಪನ್ನಗಳನ್ನು ಬಯಸುತ್ತಿದ್ದಾರೆ. ಹೀಗಾಗಿ, ಅತ್ಯಾಧುನಿಕ ತಂತ್ರಜ್ಞಾನ ಬಳಸಿ ಹೆಚ್ಚಿನ ಉತ್ಪನ್ನ ತಯಾರಿಸಿ ಗ್ರಾಹಕರಿಗೆ ಸೇವೆ ಒದಗಿಸುವುದಕ್ಕಾಗಿ ನಮ್ಮ ಸಂಶೋಧನೆ ಮತ್ತು ಅಭಿವೃದ್ಧಿ ತಂಡ ಕಾರ್ಯಪ್ರವೃತ್ತವಾಗಿದೆ. ಶೀಘ್ರದಲ್ಲೇ ಮತ್ತೊಂದು ಉತ್ಪನ್ನವನ್ನು ಗ್ರಾಹಕರ ಸೇವೆಗೆ ನೀಡುತ್ತೇವೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ವಿತರಕ ಚಂದ್ರಕಾಂತ ರಾಜಮಾನೆ ಮಾತನಾಡಿ, ಆರಂಭದಲ್ಲಿ ಉತ್ಪನ್ನ ಹೊಸದಾಗಿರುತ್ತದೆ. ಜನರ ವಿಶ್ವಾಸ ಗಳಿಸಿಕೊಳ್ಳುವುದು ಸವಾಲಾಗಿತ್ತು.ಇಂದು ಟೆಕ್ನಿಕಾ ಎನ್ನುವುದು ಬ್ರ್ಯಾಂಡ್ ಆಗಿ ಬೆಳದಿದೆ ಎಂದು ಸಂತಸ ವ್ಯಕ್ತಪಡಿಸಿದರು.ಎಂಡಿ ಪ್ರಶಾಂತ ಕುಲಕರ್ಣಿ, ಬಿಜೆಪಿ ಮುಖಂಡ ಶೀತಲ ಪಾಟೀಲ, ನಗರ ಸೇವಕಿ ಸಾರಿಕಾ ಪಾಟೀಲ ಇತರರಿದ್ದರು.
